'Novaya Gazeta' egunkaria behin-behinekoz itxi du Errusiak
Errusiak Novaya Gazeta egunkariaren publikazioa behin-behinekoz gelditu du, "operazio militar bereziak iraun bitartean"; Ukrainako inbasioa hasi zenetik hainbat hedabide itxi ditu Kremlinak.
Novaya Gazeta egunkariaren jarduna gelditu du Errusiak behin-behinekoz, "operazio militar bereziak" iraun bitartean. Ukrainako inbasioa hasi zenetik Roskomnadzor Errusiako Telekomunikazioen Ikuskapenerako Zerbitzu Federalaren bigarren abisua jaso zuen atzo Novaya egunkariak, eta publikazioa gelditu du.
Hilabete hasieran beste hedabide batzuen lana ere behin-behinekoz eten zuen Errusiak. Dozhd telebistaren eta Ekho Moskvy irratiaren emisioak gelditu zituen Roskomnadzor-ak. Bi hauez gain, Errusiako beste hainbat webgune eta hedabide debekatu zituzten, baita hainbat nazioarteko hedabide, BBC, Voice of America eta Radio Free Europe tartean.
Gerraren aurpegi errepresiboa
Ukrainako inbasioak Errusiaren eta Ukrainaren izaera errepresibo eta antidemokratikoa ari da azalerarazten. Ukrainan, 2015ean debekatu zituzten alderdi komunistak, eta inbasioaren ostean gerra-legea ezarri zenetik, hamaika alderdi politiko debekatu dituzte, eta hedabideei "propaganda errusiarra" egitea debekatu zieten, lege berri bati esker.
Bestalde, Errusia gogor ari da egiten inbasioaren aurkako manifestarien aurka, milaka pertsona atxilotuz. Hedabide asko debekatu ditu, eta "inbasioaz" edo "gerraz" hitz egitea ere debekatu die hedabideei.
Ukrainako gerraren benetako izar bihurtu dira droneak, baina ez hainbeste ohiko gudu-zelaian, baizik eta gudari ere badagokion baina oso bestelakoa den eremu batean: gerra-propaganda. Moskuk eta Kievek erabiltzen dituzte tripulaziorik gabeko hegazkinek grabatutako bideoak beren... [+]
Giza asmakizun oro lez, onena eta txarrena egiteko gai dira. Baina, tamalez, dronea, beste ezeren gainetik, Mendebaldeko potentzia kapitalistek munduaren gehiengoa menpean jartzen jarraitzeko tresna nagusietakoa da. Zirrikitu teknologikoetatik haratago, funtsezko pieza da bizi... [+]
Badator gerra handi bat. Gastu militar ziztrin horiekin ez goaz inora. Trumpek bakarrik utziko gaitu oraingoan. Herritarrek prest egon behar dute Putinen aurrean... Europar Batasuneko agintarien artean nagusitzen ari den diskurtso hori, hitz bakarrean laburbiltzen da:... [+]
Bi urte Polonian preso daraman kazetaria "berehala" askatzeko exijitu dute ehunka lagunek Gernikan. Madrilen, Espainiako Kongresuaren aurrean elkarretaratu dira alderdi ugaritako diputatuak; Espainiako Atzerri ministro Jose Manuel Albaresen esanetan, kazetariaren... [+]