Netflix-ek Italiako tortura kasu bat argitzen lagundu zuenekoa
10 urteko isiltasun eta ukazioaren ostean, Italiako Stefano Cucchiren hilketaren kasua argia ikusten hasi da. Polizia batek gazteari egindako torturak berretsi ditu orain, eta horretan, Sulla mia pelle filmak ere badu zeresana.
Stefano Cucchi 31 urteko erromatarra bizirik ikusi zuten azken aldia epaitegian izan zen. Handik poliziaren zaintzapean eraman zuten, hilabete barrurako ezarri zuten epaiketaren zain. 20 gramo haxix eta kokaina poltsatxo batzuk edukitzea eta salerostea leporatuta atxilotu zuten 2009ko urriaren 24an. Ondorengo zazpi egun horietan familiak ezin izan zuen ikusi. Astebetera hil zen Erromako ospitalean. Gorpua ubeldurez josita, hainbat hezur eta orno hautsita, eta izugarri argal zegoen.
10 urtez Italiako Poliziak, Justiziak eta Gobernuak ukatu dute gaztea polizien jipoien ondorioz hil izana. Familiak 13 alditan epaitegietara jo badu ere, inoiz ez dute egiarik lortu, denetan aske utzi dituzte akusatutako mediku eta poliziak. Baina pasa den ostegunean, Cucchiren torturen lekuko baten testigantzak, Francesco Tedesco poliziarenak, goitik behera aldatu du egoera. Fiskalari uztailean esandakoa egunotan zabaldu da hedabideetan. Tedescok Alessio Di Bernardo Cucchi eta Raffaele D’Alessandro polizia agenteak egin ditu torturen eta hilketaren errudun nagusi. Eta gainera, Tedescok adierazi duenez, gaztea hil ostean gezurra esateko eskatu zioten. Eta hala egin du 10 urte hauetan, “errepresalien beldur”. Bost polizia daude orain inputatuta. Baina Ilaria Cucchik, Giovanni Cucchiren arrebak, salatu duenez, “140 bat pertsona izan ziren nire nebaren oinazealdiaren lekuko, eta urte luzez han gertatutakoa estalarazi eta errudunak babestu dituzte, baita prozesu judizialetan ere”.
“Sulla mia pelle”
Egia eta justiziaren bila familiak erakutsitako kemena giltzarri izan da. Baina bada Cucchiren kasua argitzeko lagundu duen ezohiko faktore bat: Netflix ekoiztetxeak egindako Sulla mia pelle (Nire azalean) filma. Veneziako azken zinema jaialdian aurkeztu zuten abuztuan eta horren ostean, Italian zabalpen eta eragin handia izan du. Zinema-aretoetan eskaintzeaz gain, herritarrek unibertsitate, plaza eta zentro sozial askotan proiektatu dute, atzean dagoen injustiziaz jakitun. Alessio Cremoninik zuzendutako lanak Stefano Cucchiren azken egunak erakusten ditu. “Salaketarako tresna ezinbestekoa izan da filma. Familiakook ez dugu inongo parte-hartzerik filmean, are gutxiago arlo ekonomikoan. Guretzat hamarkada batez egin dugun borrokaren jarraipena da, eta orain plazak eta zinema-aretoak beteta ikustea, Italiatik kanpoko hamaika herrialdetan ikusgai egotea, Stefano hil zuten bakardadearen kontrapuntua da”.
2009an 190 pertsona hil ziren Italiako espetxeetan. Cucchi 149garrena izan zen.
2010ean "Mavi Marmara" itsasontzia abiatu zenetik, Palestinarekiko elkartasun itsas operaziorik handiena osatzen du Global Sumud Flotillak. Israelgo Gobernuak terroristatzat jo ditu nazioarteko ekintzaileak.
Veneziako urmaela, 452. urtea. Hunoen inbasioak bultzatuta, Italiar penintsulako barrualdeko hainbat biztanlek eremu zingiratsuan hartu zuten behin behineko babesa. Baina lonbardiarren inbasioak iritsi ziren urte batzuetan, eta bizitoki iraunkorra bihurtuko zen etorkin... [+]
Erromako San Giovanni in Laterano plazan, errutinazko indusketa bat egiten ari zirela, arkeologoek IX.-XIII. mendeetako jauregi baten arrastoak topatu dituzte ezustean. Eta garai hartako aita santuen bizitokia izan litekeela uste dute. Bestela esanda, baliteke Patriarkatua... [+]
Manifestazioaren iragarpena Turistifikazioaren aurkako Europa Hegoaldeko sareak (SET) Bartzelonan antolatutako topaketen harira egin dute. "Turismo-monolaborantzaren aurka" deitu dute eta Europa Hegoaldeko hamabost eragile inguru batu zaizkie.
Florentzia, 1886. Carlo Collodi Le avventure de Pinocchio eleberri ezagunaren egileak zera idatzi zuen pizzari buruz: “Labean txigortutako ogi orea, gainean eskura dagoen edozer gauzaz egindako saltsa duena”. Pizza hark “zikinkeria konplexu tankera” zuela... [+]
Egungo Venezia 118 uhartez osaturiko artxipelago baten gainean eraikita dago. Uharte horiek 455 zubik elkar lotzen dituzte. Lura baino lokatza du oinarri hiriak. Inguruetako milioika zuhaitz mozteari ekin zioten IX. mendetik aurrera, piloteak eraiki eta hiria zimendatzeko... [+]
Friulieraz egiten duen irrati lokal bat da Suns Europe jaialdiaren antolatzailea eta berak egiten du zuzeneko jarraipena. Miren Narbaiza MICE ariko da oholtza gainean, Euskal Herria ordezkatzen.
Kritiken artean deportatu ditu Italiak hamasei errefuxiatu Albanian eraiki duen "harrera-zentro" batera. Proiektua 2023. urtean erabaki zen Meloniren Italiaren eta Albaniako Ramaren arteko akordio bat izan zela eta, eta "migrazio-kudeaketak bizkortzea" du... [+]
Erromatar Inperioko hiri gehienetan kartzelak zeudela pentsatu arren, garai hartako espetxeen arrastorik ia ez da aurkitu aztarnategietan.
Berriki, ordea, Matthew Larsen Kopenhageko Unibertsitateko arkeologoak Korintoko erromatar espetxea identifikatu du. 424... [+]
"Ez dugu aukerarik, hauxe da gure lantokia. Eusten saiatuko gara ". Itxiera eragozteko, Italiako fabrika bateko langileek "industria behetik birmoldatzearen" aldeko apustua egin dute, ekoizpen-bitartekoak beraiek kontrolatuta. Kanarietako energia-komunitate... [+]
Langile migratzaileek indarkeria, lanaldi luzeak eta ordainketa eskasak modu ohikoan jasaten dituzte, Europako bederatzi estatutan egindako ikerketa baten arabera. Gutxienekoa baino soldata baxuagoak jaso ohi dituzte ia estatu guztietan, eta emakumeek are soldata baxuagoak.
Igandean egin du erreskatea Aita Mari salbamendu ontziak. Azaldu dute Siriatik etorritakoak direla gehienak, baina badaudela haien artean Egiptotik, Nigeriatik eta Bangladeshtik etorritakoak ere. Aita Mari ontziari Ravennako portuan lehorreratzea agindu dio Italiako... [+]
Calabriako (Italia) kostaldetik 120 miliatara hondoratu da astelehenean ontzi bat eta erreskate lanetan, haurdun zegoen emakume bat hil da. Libiatik gertu beste ontzi batean, ura sartu eta hamar pertsona hil dira sotoan. Desagertuen artean gutxienez 26 ume daude.