Netanyahu gehiengoa lortzeko zorian Israeleko hauteskundeetan
Urtebete baino gutxiagoan hirugarrenez egin dira hauteskundeak Israelen, egoera politikoa desblokeatu ezinik. Martxoaren 2ko hauteskundeetako boto ia guztiak zenbatuta, Benjamin Netanhayuk gobernua eratzeko aukerak izan ditzake, eskuin-muturrarekin eta ultraortodoxo guztiekin batuz gero.
2019ko irailetik aurtengo martxora bitartean eskuinerako bira eman dute Israeleko boto emaleek. Bost eserleku galdu dituzte zentro-ezker eta ezkerreko alderdi nagusiek, eta lau irabazi eskuineko eta eskuin-muturrekoek.
Gauzak horrela, Netanyahuren Likud alderdi sionistak irabazi ditu hauteskundeak 36 eserlekurekin. Eskuineko blokeko bigarren alderdia Shas ultraortodoxo sefardia izan da, 10 eserlekurekin. Gertutik jarraitu diote Tora eta Judaismoaren Batasuna alderdi ultraortodoxo azkenaziak 7 eserlekurekin eta Yasmina sionistak seirekin.
Lau alderdien baturak gehiengoa eratzeko beharrezkoak lituzkeen 61 eserlekuetatik 59 eskaintzen dizkio Netanyahuri. Beste bi eserleku beharko ditu gobernua eratu ahal izateko, eta Israel Gure Etxea alderdi ultrakontserbadoreak eskaini lekizkioke, beti ere ultraortodoxoekin pakturik egiten ez badu. Israel Gure Etxea alderdi laikoa da.
Arabiarren gorakada
Netanyahuren aurkako blokeak botoak galdu ditu azkeneko hauteskundeetatik martxoetakoetara. Irailean 57 eserleku eskuratu zituzten Urdina eta Zuria, Meretz Alderdi Laborista eta Arabiar Zerrenda Bateratuak. Orain 54 lortu dituzte. Hala ere, aipagarria da Arabiar Zerrenda Bateratuak bi eserleku irabazi dituela. Aldaketa hori hautesleen parte-hartzearen gorakadarekin lotu dute adituek.
Izan ere, parte-hartzea igo %68tik %71ra igo da. Igoera hori herritar arabiarrek eragin dutela adierazi dute. Arabiar Zerrenda Bateratuak hirugarren lekua irabazi du hauteskundeetan,120tik 15 eserleku eskuratuz.
Kontserbadore laikoak gobernua eratzeko giltza
Ezkerreko zein eskuineko blokeak eserleku gutxi batzuen faltan dira gobernua eratu ahal izateko. Biek ala biek beharko lukete tartean gelditu den Israel Gure Etxea alderdiarekin tratua egitea. Alderdi hau ultraeskuinekoa eta laikoa denez, zailtasunak sortzen dira batzuekin zein besteekin batzeko.
Izan ere, Netanyahuren gobernuaren alde egongo lirateken hiru alderditik bi ultraortodoxoak dira. Israel Gure Etxea alderdiak jada adierazi du ez diola laguntzarik eskainiko Netanyahuri erlijiosoekin bat egiten badu. Bestalde adituek ez dute posible ikusten alderdi horrek ezkerreko blokearekin, eta batez ere palestinarrekin bat egitea.
Palestinarekin elkartasunez kongresu bat antolatu zuten Berlinen aurreko astean, baina hura itxi zuen Poliziak. Atxilo eraman zituzten sionismoaren aurkako hainbat judu.
33.000 palestinar baino gehiago hil ditu Israelek urriaren 7az geroztik Palestinan, eta beste milaka dira desagerturik edota larri kolpaturik. Jarraipena egiten ari gara.
Palestina NBEko estatu kide gisa onartzeko ebazpena ostegun honetan bozkatu dute Segurtasun Kontseiluan. Gehiengoa –12 boto– alde agertu bada ere, bi abstentziorekin batera, AEBen ezetza nahikoa izan da proposamena bertan behera uzteko.
Iranen eta Israelen arteko tentsioa areagotuz doa eta bi aldeek argi utzi dute parekoaren erasoari erantzun bortitz eta gogorrez erantzungo lioketela. Bizkitartean, Israelekiko babesa berretsi dute AEBek zein Europako Batasunak.
