Uztailaren 2an, Santa Isabel egunean, neskek ere Zumarragako ezpata-dantza dantzatuko dute. Irrintzi taldeko kideen hitzetan, taldekide guztiak dantzariak dira, talde guztiak mistoak dira eta neskek ere ezpata dantza egiteko eskubidea dute, Otamotz agerkariak jaso duenez.
Dantzarien erdia izango dira neskak: bi kapitain eta sokako lau kide. Jantziei dagokienez, prakak soilik aldatu dituzte: mutilentzat eta neskentzat egokiak direnak hautatu dituzte.
Legazpiko ezpata-dantza
2011. urtean, Legazpiko Sustraiak taldeko kideek "sorpresa itzela" eman zieten euren bizilagunei, ezpata-dantza neskek dantzatu baitzuten. Aurten, bestalde, mistoa izan da.
Urte hartan, Legazpikoa akuilu, Zumarragan ere hitz egin zen ezpata-dantzan neskek parte hartzearen aukeraz. Irrintziko kideek aurten eman dute pausoa. Zorionak!
Iazko azaroko Sansaturnino eguneko ospakizunak gibelean utzita, Iruñeko Duguna dantza taldeak 75. urteurreneko ekitaldiekin aitzina eginen du martxo hondar eta apiril hastapenean. Ondorengo lerroetan taldeak berak azaltzen ditu ospakizunok.
Janire Etxabek (1979, Arrankudiaga) dantza bertikala du ogibide: formakuntza eskolak eta ekoizpen propioak uztartzen ditu. 2021ean Harria Herria lana plazaratu zuen, 2022an Dendu, eta 2023an Geure(R)a. Aurki aurkeztuko du bere lehen bakarkakoa: Antzina. “Ulertzen dut... [+]
Kaskarotak eta maskaradak kasik urtearekin batera hasi dira eta jarraian etorri dira beste zenbait inauteri festa. Goiztiarrenak urtarrilean ari dira ospatzen, baina aurten inauteri gehienak datoz oso goiz. Otsailaren 8an izango da Ostegun gizena eta 13an Inaute asteartea. Hadi!... [+]