Ekainean onartu zuten Errusian homosexualitate adierazpen publikoen kontrako legea (“gay propaganda”, Errusiako Gobernuaren hitzetan). Gainera, sexu bereko bikoteei haurrak adoptatzea ere debekatu diete.

Fryren boikot eskaera Erresuma Batuko lehen ministro David Cameroni eta Nazioarteko Olinpiar Batzordeari zuzenduta dago, Jokoak munduko beste lekuren batean egiteko eskatuz. Cameronek ez du erantzun oraindik.

Nazioarteko Olinpiar Batzordeak ere ez, baina The New York Times egunkariak argitaratu duenez, Karta Olinpikoak debekatu egiten die atletei keinu politikoak egitea eta beraz, posible da gay eta lesbianen alde agertzen diren atletak etxera bidaltzea.

Gazte bat torturatu eta hil dute

“Occupy Pedofilyaj” izena erabiltzen duen Errusiako talde neonazi batek Uzbekistango gazte bat torturatu eta hil duela argitaratu du InOut Post webguneak.

Hilketaren ondoren, gazteari eragindako sufrikarioaren argazkiak eta bideoak argitaratu dituzte ultraeskuindarrek.