Iritzia

Nazionalismoa

  • Nazka-nazka eginda naukate nazionalismo hitza entzun eta deabruaren ipurdia aipatzea legetxelako txakurkeriak ahotan dabiltzan politikari eta kazetariek.

Karlos Gorrindo Etxeandia @kgorrindo
2018ko urriaren 12a

Nazio txikiek aldarrikatu ezin duten nazionalismoak, antza, zerikusia ei du pertsonen berezko izate anker eta basati guztien jatorriarekin. Nazio txikiek ezin dute anakronikoa eta demokraziaren kontrako ei diren aldarrikapen identitariorik egin, mendebaldeko demokrazia nazkante sakrosantu honen kontrako erasoa omen delako. 

Demokrazia usteldu honi nazio txikien exijentzia naturalak baztergarri eta mesprezagarri zaizkio, eta estatu bilakatutako aberri handien aldarrikapentzat jotzen dute soili-soilik. Eta nazio txikien aldarrikapen identitario edota lurraldekoak demokraziaren kontrakotzat jotzen dute, nazionalista txiki izatea munduko basatikeriarik handiena balitz bezala.

Hipokresian eta interes transnazional ekonomikoetan oinarrituta dagoen mundu honetan, Europak era ankerrean eraiki eta desegindako herrien muga artifizialak sortu zituen herrialde bakoitzaren apetaren arabera, eta haiek egituratutako munduan ez dute lekurik bere burua nazio libretzat aldarrikatu nahi duten nazio txikiek.

Euskaldunok “ni euskal herritarra naiz eta kitto” oihukatzen badugu, nazio bat gara eta egitura juridiko-politiko gurea nahi dugula aldarrikatzen badugu, anakronikoak eta arriskutsuak ei gara. Arrazistak eta supremazistak. Hau da, gure eskubide legitimoa lohitzeko inperioen argudio insultantea, jakina.

Nazio-estatu handi hauek, aldiz, demokrazia eta legea aipatzen dute edozein asmo nazionalista txiki iratotzeko. Nor den nor eta nongoan den nor haiek soilik erabaki dezakete, antza. Eta nazionalismo hitza deitoragarri omen zaienez (nazionalismoa gaitzesgarri zaie nor berenari bestea kontra-jartzen zaionean) demokraziarena erabiltzen dute, legea eta zuzenbide estatua, beraien baitako --ardor guerreroa izkutatzeko.

Nazionalista izateak ez du esan nahi demokraziaren kontrakoa, legearen kontrakoa, zuzenbide estatuaren kontrakoa zarenik. Alderantziz, nazionalista orok nahi du demokrazian, legean eta zuzenbide estatuan bere lurraldea antolatu eta egituratu. Ez inorenean.

Bestalde, a al da munduan Espainia baino herri nazionalistagorik edota Frantzia jakobinoa baino? “Desde el amor profundo que tengo por España vamos a trabajar y aquí somos todos unos servidores de nuestra patria” esan zuen Espainiako Defentsa ministro Margarita Roblesek kargu hartzean. Edota “Yo soy español, español, español” abesti identitarioek konstituzioa eta legea adierazten dute: por los kojones!

Baina euskaldunok “ni euskal herritarra naiz eta kito” oihukatzen badugu, nazio bat gara eta egitura juridiko-politiko gurea nahi dugula aldarrikatzen badugu, anakronikoak eta arriskutsuak ei gara. Arrazistak eta supremazistak. Hau da, gure eskubide legitimoa lohitzeko inperioen argudio insultantea, jakina.

Nik ez dut pentsamolde unionista dutenekin paktista (Urkullu) izan nahi; abertzaleen arteko adostasun iraunkorra nahi dut (Egibar, Iriarte).

 

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal honetan artxibatua: Hispanitatearen eguna

Hispanitatearen eguna kanaletik interesatuko zaizu...
2018-10-12 | Gari Berasaluze
Urriak 12, Elkano eta inperialismo espainiarra

Urriaren 12a da gaur. Inperialismo espainiarraren egun handia. Egun seinalatua gure kontraesanak agerian uzteko.


Urriak 12: atzo, gaur eta beti espainiar inperialismoaren aurrean, herriok erresistentzia!

Venezuelako Bolibartar Errepublikako gizonezkoen futbol selekzioa dugu gaur Euskal Herrian. Hispanitatearen eguna da batzuentzat, arrazakeria, inperialismoa eta genoziodioa goratzeko eguna; euskaldunontzat, berriz, jai egun arrotza izan da beti: herri eskolak antolatu izan ditugu, indar polizial okupatzaileen kanporatzea eskatu... eta aldi berean, internazionalista gisa, Abya Yalaz gogoratzeko eguna ere izan da.


2018-10-12 | Urumeako Kronika
Epaileek Hernaniko udala Hispanitate egunez itxita egotera behartu dute, langile batzordeak salatu duenez

Gaurko jai egunaren harira, bere postura azaldu nahi izan du Hernaniko Udaleko Enpre­sa Batzorde­ak: «azken urteetan, Udalean normaltasunez ga­ra­tu dugu lan egutegia, ideia eta sentsibilitate anitza dugun udal langileon artean. Nor­mal­tasun horren baitan, urriaren 12a lan eguna izan da, eta egun horretan lan egin nahi izan du­­gun langileok, horretarako au­kera izan dugu», azaldu dute. Baina salatu dute, Gobernu Espainiarreko Delegatuak,... [+]


Eguneraketa berriak daude