Felipe VI.aren eta Cristobal Colónen irudiak erre ditu Sortuk hispanitatearen egunaren aurka

  • Asteburuan eta urriaren 12ko astelehenean hainbat mobilizazio antolatu ditu Sortuk Euskal herri osoan. Iruñean Colónen eta Espainiako Erregearen estatua bana bota dute lurrera.


2020ko urriaren 12an - 16:08
Besteak beste Bilbon erre dituzte Colón eta Felipe VI:aren irudiak.Argazkia: @Mikel_Gorri.
Zarata mediatikoz beteriko garai nahasiotan, merkatu logiketatik urrun eta irakurleengandik gertu dagoen kazetaritza beharrezkoa dela uste baduzu, ARGIA bultzatzera animatu nahi zaitugu. Geroz eta gehiago gara, jarrai dezagun txikitik eragiten.

Hispanitatearen eguna salatu du Sortuk urriaren 12an eta aurreko egunetan deitutako mobilizazioetan. Horietariko gehienetan Espainiako Errege Felipe VI.aren Cristobal Colón konkistatzailearen irudiak erre dituzte manifestariek, atzoko eta gaurko kolonialismoaren aurka egiteko.

Iruñean, estatuak lurrera

Astelehenean Iruñean egin du mobilizazioa Sortuk. Bertan, irudiak erre ordez, Colónen eta Felipe VI.aren kartoizko estatua banari soka lepotik lotu diete eta tiraka lurrera bota dituzte manifestariek. AEBetako poliziak George Floyd itoz hil ostean mundu osoan protestak piztu ziren, eta horietako askotan tokian tokiko kolonizatzaile eta konkistatzaileen omenezko estatuak bota zituzten herritarrek.

Iruñeko ekitaldian Africa United, Nikaraguako migratzaileen Mujeres del Maíz eta Ekuadorreko migratzaileen Compartiendo Raíces elkarteek hartu dute hitza, besteak beste. Potentzia handien eta Espainiaren atzoko eta gaurko kolonialismoak dituen ondorioak salatu dituzte. “Jakin badakigu kolonialismoak pribilegio ekonomikoak ekarri dizkiola Euskal Herriari, eta horrekin ez gaude harro. Halaber, espainiar eta frantziar supremazismoek gure hizkuntza, kultura eta erakundeak menderatu dituzte”, esan du Beñat Hach Embarek euskal sahararrak.

 

 

 

 

 

 

 

 

 

Jarraian Bilbo, Tolosa eta Iruñeko mobilizazioen irudiak:

 

 


Kanal honetatik interesatuko zaizu: Hispanitatearen eguna
2021-10-13 | ARGIA
Lemoako Udalak ez du Lemoatx mendiko gurutze frankista berriz altxatuko

Astelehenean eraitsi zuen Ernai gazte antolakundeak Lemoatx tontorreko gurutze frankista. Udalak adierazi duenez ez dute berriro altxatuko, Memoria Historikoaren Legea urratzen zuenez haren eraistea aurreikusita baitzegoen.


2021-10-12 | ARGIA
Hispanitatearen egunaren bezperan Lemoatxako ikur frankista bota du Ernaik

1936ko altxamendu militarretik 85 urtera "faxismoari gorazarre egitea zilegi" dela salatu du gazte antolakundeak. Urriaren 12an eskualdeko mobilizazioak antolatu ditu "bizitzak erdigunean jartzen dituen independentismoa" eraikitzeko.


2020-10-28 | ARGIA
Hamasei pertsona deklaratzera Iruñean, hispanitate egunean Felipe VI.ri eta Colóni sinbolikoki burua mozteagatik

Asteazken goizean deklaratu dute Espainiako Poliziaren aurrean. Migratzaileen hainbat kolektibok eta Sortuk urriaren 12an antolatu zuten ekitaldian erregearen eta kolonizatzailearen irudi bana bota zuten lurrera. Demokrazia falta salatzen eta Euskal Errepublika aldarrikatzen... [+]


2020-10-13 | ARGIA
Kanpezuko Guardia Zibilaren kuarteletik Espainiako bandera lapurtu du Ernaik

Urriaren 12aren karietara Ernai ezker abertzaleko gazte erakundeak Kanpezuko (Araba) Guardia Zibilaren koarteletik Espainiako bandera lapurtu zuen. Ekintzan parte hartu zuten gazteek bertako harresian "Ez zaituztegu onartzen" idatzi zuten.


2020-10-12 | ARGIA
Armendaritz eta Ursua nafar kolonizatzaileen kaleak berrizendatu dituzte Iruñean

Hispanitatearen egunaren aurka mobilizazioa egin du Arrotxapea auzoan Migratuen Nafarroako Mugimenduak. Goree irla izenarekin berrizendatu dute Armendaritz Erregeordearen plaza, eta Chitareros izena eman diote Pedro de Ursua kalea zenari.

 


Zuritasunaren festa

Hasieran Espainiako Erresumaren aldia izan zen, eta denok ikusi genuen zer zegoen bosgarren mendeurrenaren kari antolaturiko ekitaldien atzean. Kulturen arteko topaketa gisa erakutsi ziguten hura genozidioaren ospakizuna zen, ez zegoen benetako gogoetarik ez bestelako... [+]


‘Alarde antifaxista’ antolatuko dute Urriaren 12an Bilbon

Sare Antifaxista plataformak antolatutako manifestazioan jai egun arrotzei uko egitea aldarrikatu, eta Espainiako Gerra Zibilean egon zen erresistentzia antifaxista omenduko dute.


Urriaren 12ko desfile militarrean parte hartuko du Maria Chivitek

Espainiako errege-erreginaren harrerara ere joanen da Nafarroako presidentea. Yolanda Barcina izan da azken presidentea ekitaldietan parte hartzen.


Iritzia
Nazionalismoa

Nazka-nazka eginda naukate nazionalismo hitza entzun eta deabruaren ipurdia aipatzea legetxelako txakurkeriak ahotan dabiltzan politikari eta kazetariek.


2018-10-12 | Gari Berasaluze
Urriak 12, Elkano eta inperialismo espainiarra

Urriaren 12a da gaur. Inperialismo espainiarraren egun handia. Egun seinalatua gure kontraesanak agerian uzteko.


Urriak 12: atzo, gaur eta beti espainiar inperialismoaren aurrean, herriok erresistentzia!

Venezuelako Bolibartar Errepublikako gizonezkoen futbol selekzioa dugu gaur Euskal Herrian. Hispanitatearen eguna da batzuentzat, arrazakeria, inperialismoa eta genoziodioa goratzeko eguna; euskaldunontzat, berriz, jai egun arrotza izan da beti: herri eskolak antolatu izan... [+]


Eguneraketa berriak daude