Nafarroan ikasketak euskaraz egiten dituztenek ez dute hizkuntza gaitasuna egiaztatu beharko, EAEn bezala

  • Euskaraz aritzeko gaitasuna neurtzen duten titulazioak baliokidetuko dira ikasketa mailaren arabera. Eusko Jaurlaritzak 2012an indarrean jarritako dekretuaren ildotik doa Nafarroako Gobernuaren ideia.


2018ko abenduaren 26an - 12:20

Ikasketak euskaraz egiten dituztenek ez dute hizkuntza gaitasuna egiaztatu beharrik izango datozen Nafarroako lan deialdi publikoetan. Eusko Jaurlaritzak 2012an aurkeztutako dekretuaren antzekoa prestatzen ari da Nafarroako Gobernua, eta urtarrilean argitaratuko du, Berria-k jakitera eman duenez. Euskaraz ikasketak egin dituztenei euskaraz aritzeko gaitasuna aitortutzat ematea du xede. Ikasketa mailaren arabera baliokidetuko da, EAEn bezala. Dena den, xehetasunik ez da eman oraingoz.

Zeresana emango du

2012an onartu zen Araban, Bizkaian eta Gipuzkoan hizkuntza politikako dekretua, gaur egun indarrean diharduena. Zeresana eman zuen, Miel Anjel Elustondok ARGIAn argitaratutako artikuluan dioen bezala. PSE-EE zegoen gobernuan eta kritiko azaldu ziren euskalgintzako eta hezkuntzako zenbait eragile: ohartarazi zuten ez zela egokia aurrez zehaztu gabeko barometrorik gabe gaitasuna aitortzea. Hots, ez zela bidezkoa Bigarren Hezkuntza eta Batxilergoa B edo D ereduan egin dutenei titulazio bera baliokidetzea, ez baitago zehaztua Bigarren Hezkuntza amaitzean zein gaitasun izan behar duen ikasleak eta zein Batxilergoa amaitzean.

Azken hilabeteotan mugimenduak izan dira Jaurlaritzan. DBH amaitzean B2 maila edukitzea proposatu dute, hau da, koska bat igotzea –egun B1 maila aitortzen da–. Iritzi kontrajarriak sortu ditu: euskara indartzea edo ahultzea ekar lezake, baina batzuen aburuz planteamendua irreala da.

Ikusteke dago nolakoa izango den Nafarroako Gobernuak aurkeztuko duen dekretu proposamena –aurkeztuz gero–, eta ea baliokidetzak berak izango diren. Milaka nafarrei eragin diezaioke erabakiak.


Irakurrienak
Matomo erabiliz
#2
#3
Onintza Irureta Azkune
#4
Mikel Berasaluze Faivre
#5
Gasteizkoak talde antimilitarista
Azoka
Kanal honetatik interesatuko zaizu: Hizkuntza politika
Hizkuntza politika "sendoak" eskatu dizkie euskalgintzak instituzioei

Baionan egin dute agerraldia euskalgintzako 25 bat eragilek maiatzaren 15 honetan. Erakunde publikoen interpelazioaz gain, datorren urteko maiatzaren 15etik 25era iraganen den Euskaraldiaren berri emateko unea ere izan da.


Euskara Ipar Euskal Herrian
Azken sokatirak, hizkuntza politika eraginkor baten alde

2024 urte hastapenean adostuko du ondoko urteetarako hizkuntza politika Euskararen Erakunde Publikoak (EEP). Azken inkesta soziolinguistikoaren emaitzak eta EEPk 2050ari begira egindako aurreikuspenak esku artean, alarma gorria pizturik du euskalgintza sozialak: ezin da orain... [+]


Europar Batasunean euskara, katalana eta galiziera ofizialtzearen erabakia atzeratu dute, eta Espainiako Kongresuan hasi dira erabiltzen

Euskalgintzaren Kontseiluak "atsekabez" hartu du berria, baina atzerapenaren ostean onartuko duten esperantza du. Bestalde, gaurtik aurrera hizkuntza horiek erabili ahal izango dira Espainiako Kongresuan. Kontseiluak kezkaz hartu du euskal alderdietako politikariek... [+]


2023-08-31 | Ilargi Manzanares
Andorrak gutxieneko katalan maila eskatuko du bertan bizitzeko

Andorrako katalanaren defentsarako lege berriak katalanaren oinarrizko maila eskatuko du bertan bizi eta lan egin ahal izateko. A2 titulua baino maila baxuagoa eskatuko dute.


Euskara, ofiziala Europan eta Nafarroan ez?

Ostegunean jakin genuen: Espainiako Gobernuak eskatu du galiziera, euskara eta katalana hizkuntza ofizialak izan daitezela Europako erakundeetan. Zergatik? Kataluniako alderdi politikoek behartu dute horretara, negoziazioetan.


Eguneraketa berriak daude