Nafarroan dirua bidegabe jaso duten medikuek itzuli egin beharko dute
Horixe da Javier Remirez Nafarroako Gobernuko lehendakariorde eta Funtzio Publikoko kontseilariak iragarri duena, LABek eta Ustelkeriaren Aurkako eta Jardunbide Egokien Bulegoak egindako salaketen ondoren.
Hedabideek ostegun honetan egindako galderei erantzunez, Javier Remirezek azaldu zuen une honetan foru gobernuak hamaika espediente dituela irekita salaketak ikertzeko eta, horien ondorioz, medikuek bidegabe jasotako dirua itzuli beharko dutela.
LABek martxoan salatu zuen Osakidetzaren esklusibotasuna –800 bat euro hileko– patrikaratzen ari ziren hainbat mediku eremu pribatuan lanean ari zirela. Legeak baimentzen die eremu publikoko medikuei pribatuan lan egitea, baina esklusibotasuneko lan sari hori kobratu gabe.
Remirezek azaldu zuen salaketen berri izan bezain laster hasi zirela gaia jarraitzen eta espedienteak ireki zitzaizkiela zegokien kasuei. Zehaztu zuen, halaber, ospitaletako zerbitzu edo atal-burutzetan araubidea jarraitu gabe ari diren arduradunen lanpostuak behar bezala bideratzeko eskatu ziela Osasunbideari.
Ustelkeria auziagatik kondenatuta dagoen Alfredo de Miguelek kartzela saihesteko alegazioak aurkeztu ditu, baina Arabako Probintzia Auzitegiak ez dizkio onartu, tramaren burua bera zela eta espetxean ez sartzeko aparteko arrazoirik ez dagoela argudiatuta, besteak beste. Erregu... [+]
Nafarroako Ustelkeriaren Aurkako eta Jardunbide Egokien Bulegoak egiaztatu du Osasunbideko zazpi atal-burutza araudia bete gabe ari direla lanean, LABek ostegun honetan Iruñean jakinarazi duenez. Esklusibotasuna dago tartean eta, antza denez, dituzten kontratuekin ezingo... [+]
Arabako Lurralde Auzitegiak zigorra eten die bost lagunei, bi urte baino gutxiagoko kondenak dituztelako eta ez dutelako aurrekaririk. Ainhoa Bilbao eta Iratxe Gaztelu-Urrutiaren kasuan fiskaltzaren iritziaren kontra hartu du erabakia auzitegiak.
Frantziako presidente ohi Nicolas Sarkozyri hiru urteko kartzela zigorra ezarri diote ustelkeria egotzita. Hala ere, ez du espetxean sartu beharko, tribunalak zehaztu baitzuen zigorra etxeko atxiloaldian bete ahal izango duela.
Antéparak eta PPk adierazi dute Luxury enpresari hiru espediente ireki izanaren arrazoi bakarra udalaren jakinarazpen okerrak izan direla. Gustavo Antépara presidente den enpresa espedientatu duen udal departamentuko bi langilerekin hitz egin du ARGIAk,... [+]