Etxegabetzeen aurkako legea babestu du berriz Nafarroako Parlamentuak
Nafarroako Parlamentuko bozeramaileen batzarrak 2013an onartutako etxegabetzeen aurkako legea berretsi du. Izquierda-Ezkerrak aurkeztutako proposamenak PSN, Bildu eta Aralarren babesa izan du. UPNk eta PPNk aurka bozkatu dute.
Legea 2013ko uztailean onartu zuten arren, Espainiako Konstituzio Auzitegiak bertan behera utzi zuen.
Espainiako Gobernuak Konstituzio Auzitegian arau foralaren kontra aurkeztutako helegitea erretiratzeko beharra nabarmendu du orain Nafarroako Parlamentuak. Etxegabetzeen aurkako legeari babesa emateaz gain, hura “lehenbailehen” ezartzeko beharra azpimarratu dute aurkeztutako idazkian.
Juan Jose Lizarbe PSNko bozeramaileak adierazi du Konstituzio Auzitegiak ez duela Konstituzioko artikulurik aipatzen bere erabakian, Nazioarteko Diru Funtsaren eta bestelako erakundeen iritzien kontrako legea dela baizik. "Horiek ez dira konstituzionaltasun ezari buruzko argudioak, komenientzia politiko alderdikoiarenak baizik", Lizarberen ustez.
Joan den uztailean onartutako legearekin, Nafarroako Parlamentuak Konstituzioko artikulu bat bera ere ez duela urratu gaineratu du Lizarbek
Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.
Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!
