Nafarroako landa eremuetan bideratu arrazakeria salatu du Mugak Zabaldu karabanak
"Elikadura burujabetza, nekazaritzan eta abeltzaintzan ingurugiroarekiko errespetuzkoa den bertako ekoizpena eta familia arloko ustiapenaren alde gaude, baina ez langileen baldintza prekarioen kontura", horra zer adierazi nahi ukan duten Nafarroako landa eremuetatik. Ondotik, Gipuzkoara joan eta SAPA eta armak ekoizten dabiltzan beste euskal enpresen jokaera ere gogorki kritikatu dute.
Landa eremuetan gertatzen dena "egiturazko arrazakeria" dela salatu zuen Mugak Zabaldu karabanak uztailaren 17an Nafarroako lande eremuetara bertaratuz. Langile etorkinen "eskulanei ahalik eta etekin gehiena xurgatzeko" helburuz bideratu manipulazioaren berri eman du kolektiboak. Lan hitzarmenen errespetu-eza, osasun arloko baldintza txarrak, soldata apalak zein lan eskubideen alde dabiltzanen kontrako mespretxu eta zigorrak, hamaika adibide entzun ahal izan dituzte bertaratuz.
Hori horrela, hona exijitu ditena: "Lan-baldintzak hobetzea, eta gutxienez laborantza lan-hitzarmenek agintzen dutena betetzea".
Armagintza: oinarrizko arazo bat
Nafarroatik Gipuzkoara joanik, SAPA eta armak ekoizten dituzten beste euskal enpresen jokaera kritikatu du Mugak Zabaldu karabanak: "Jakin badakigu Euskal Herrian armak ekoiztu eta esportatu egiten direla hamaika gatazka gunetara –Siria, Yemen, Kurdistan, Palestina…– erailketak eta sarraskiak eragiteko. Eta herri horietan gatazkek jarraitzen duten bitartean, pertsonen desplazamenduek jarraituko dute".
Osasun testuingurua dela eta, ezin izan dute Euskal Herritik kanpo joan Europar Batasunak migrazioaren kontuan daraman "politika hiltzailea" salatzeko. Halarik ere, bertatik, hau da, Euskal Herritik bideratu politika eta diskriminazio arrazistak salatu ditu Mugak Zabaldu karabanak. Abuztuaren 26tik 30era egingo duten Europako karabanan parte hartzeko gomita luzatzen du kolektiboak interestu guztiei.
Manifestazioak Bilbon, Iruñean eta Donostian
Manifestazioen bitartez, papergabeen erregularizazioa aldarrikatu dute uztailaren 18an. Protestak egon dira Bilbon, Iruñean eta Donostian. Ongi Etorri Errefuxiatuak plataformak berriro errepikatu du oinarrizko printzipioa: "Erregularizazioa oinarrizko eskubidea da eta lehenengo pausua da pertsona guztien duintasuna lortzeko. Ez da karitatea, justizia soziala da." Horra hor ondoko bideoan, hitzaldia gazteleraz:
“La COVID19 ha agravado la precariedad de las vidas de las personas migradas, que bajo la ley de extranjería empuja a la vulnerabilidad de todos sus derechos. Pero la lucha de las personas migrantes y refugiadas sigue en movimiento.”
📄Comunicado de #RegularizaciónYa pic.twitter.com/5Zl8xNq2M2
— Ongi Etorri Errefuxiatuak Bizkaia (@oeebizkaia) July 19, 2020
Ongi Etorri Errefuxiatuak plataformak urteroko Marea Horia izeneko mobilizazioa egin du zapatuan, Plentzia eta Gorlizko hondartzetan. Horietan bildutako lagunek salatu dute mundu osoko milioika pertsonak, euren jatorrizko herrialdeak utzi eta Europara iritsi nahian,... [+]
Duela gutxi Bilboko Alde Zaharrean kale salmentan ari zirenen aurka Poliziak izandako esku-hartze “neurrigabe eta biolentoa” ikertzeko eta esku-hartze hori “legitimatu eta justifikatu” duen Amaia Arregi Segurtasun zinegotzia kargugabetzeko eskatu du... [+]
Migratuen eta arrazializatuen kolektiboek eta elkarri laguntzeko sareek eta kolektiboek gau osoko kontzentrazioa deitu dute ekainaren 8an Bilbo, Donostia, Gasteiz, Iruñea, Barakaldo, Irun eta Artean, harrera duina aldarrikatzeko.