Nafarroako Gobernuari tortura ikertzeko eskatu diote
Torturatuak Babesteko Nazioarteko Eguna zen larunbatean. Hura baliatuta, Nafarroako Torturatuen Sareak ekitaldia antolatu zuen herrialdeko parlamentuaren aurrean. Sareko kideek, lehenik eta behin, torturatuak izan diren pertsonen aitortza eta erreparazioa exijitu zuten. Baita erakundeei gertatutakoa aitortzea ere. Horrekin batera eskatu zuten “bermatu dadila beste inork tortura pairatu ez dezala”.
Nafarroako Torturatuen Sareak foru administrazioari “ikerketa ofiziala egitea” eskatu zuen, “estatuko segurtasun indarrek zenbat pertsona torturatu dituzten jakiteko”. Tortura praktika “konstantea” izan zela nabarmendu zuten, “arma politiko gisa erabili zen disidentzia politikoa delakoaren kontra. Hamarkadetan ukatu eta estaltzen saiatu diren praktika. Estatuko erakundeek kontsentitu eta legitimatu dute. Modu batera edo bestera kolaboratu dute: alderdi politikoek, epaileek, mediku forentseek, baita hedabideek ere”.
Sareko kideek azaldu zutenez, “Europatik estatuaren kontrako epaiak heltzen diren arren, gure testigantzak ezagutu arren, gaur egun batzuek uko egiten diote lehen pertsonan bizi izan duguna aitortzeari. Gure kontra tortura erabili zuten. Bada garaia egin zigutena aitortzeko” gaztigatu zuten. Torturaren gaian ere memoria berreskuratu beharra aldarrikatu zuten eta tortura kasuen ikerketa “independentea eta zientifikoa” exijitu zuten.
Aurreko legegintzaldian, 2018an, Nafarroako Gobernuak deialdia egin eta 18.000 euro eman zizkion Euskal Herriko Unibertsitateko Kriminologiaren Euskal Institutuari 1960tik gaurdainoko tortura kasuak ikertzeko. Espainian PP zegoen agintean eta helegitea jarri zuen, eta Nafarroako Auzitegi Nagusiak deialdi hura atzera bota zuen.
Iruñean ostiralean egindako ekitaldian Mikel Zabalza orbaizetarraren irudiarekin batera, Antonio Goñi Igoa etxarriarrarena egon zen; 1970ean, Burgosko prozesuaren kontrako manifestazio baten ondoren atxilotu eta torturatu zuten. Polizia etxetik atera ondoren, eskuetan azkazkalik gabe utzi zuten etxarriarrak bere buruaz beste egin zuen.
Egiari Zor elkarteak pozgarritzat hartu du Nazio Batuen Erakundeko Giza Eskubideen Batzordeak Espainiako Estatuaren indarkeriaz egin duen txostena. Elkarteak azpimarratu du txostenak Nafarroako Gobernuak eta Eusko Jaurlaritzak dokumentatutako 5.000 tortura salaketak balioan... [+]
Ondo jakina da Euskal Herriak bere buruaren jabe izateko beharrezko duen botere politikoa ukatua duela Espainia eta Frantziako estatuen aldetik. Euskal Herrian, bertan bizi, lan egin eta euskaldun izan nahi duen biztanleriari, herritar gisa bizi-proiektu duin eta ziurra garatu... [+]
Guillermo Garcia eta Ioseba Pagola “giza eskubideen urraketen biktima” izan zirela aitortu du gobernuak. Egiaren Garaia Da plataformak “positiboki” baloratu ditu beste bi aitortza hauek.
Beste 20 pertsonarekin batera, Guardia Zibilaren esku zegoenean pairatu zituen torturak aitortu dizkio Nafarroako Gobernuak. Urrats honetara heltzeko Torturatuen Saretik egindako lan kolektiboa azpimarratu du Euskalerria Irratian. Ziklo baten itxieratzat hartu du aitortza... [+]
21 pertsona “giza eskubideen urraketen biktima” gisa aitortu dituzte ofizialki. Espainiako Estatuko funtzionarioek eta eskuin muturreko taldeek torturatutako pertsonak dira eta biolentzia horren lagin txikia baino ez direla dio Egiaren Garaia Da ekimenak.
Espainiako Auzitegi Goreneko Fiskaltzak, Iratxe Sorzabal atxiloturik egon zenean "tratu gizagabeak" eman zizkiotela aitortzen duen epaia baliogabetzea eskatu du, eta berriz epaitu dezatela nahi du, 1995ean Irunen jarritako lehergailu baten harira.
1991n atxilotua izan zenean Espainiako Poliziak Bilboko Komisarian torturatu egin zuela salatu zuen Raul Fuentesek. Espainiako auzitegiek ez zuten salaketa aintzat hartu, besteak beste delitua preskribituta zegoelako. Orain, Nazio Batuen Erakundeko Torturaren Aurkako Batzordeak... [+]
Espainiako Auzitegi Nazionaleko fiskalak kasazio helegitea aurkeztuko du Auzitegi Gorenean, Guardia Zibilak eragindako torturak onartu eta Sorzabal errugabetu zuen epaiaren aurka. Sorzabalek bere burua autoinkulpatu zuen gutuna torturen ondorioz idatzi zuela ebatzi zuen Auzitegi... [+]
Historikoa izan da, Monarkia Espainiarreko epaitegi batek honako ebazpen hau onartu du: "Iratxe Sorzabal zaintzeaz arduratzen ziren funtzionarioek elektrodoak aplikatu zizkioten deklaratzera behartzeko, eta horrek zera dakar, haren oinarrizko giza eskubideak nabarmen... [+]
"Erantzukizun publikoa hartzeko ordua" dela esan du Euskal Herriko Torturatuen Sareak, Auzitegi Nazionalak Iratxe Sorzabal Guardia Zibilak torturatu zuela onartu eta horregatik errugabetu ostean. Eusko Jaurlaritzari eskatu dio EAEko aitortza eta erreparaziorako... [+]
Iratxe Sorzabalek sufritutako torturen gaineko testigantzak jasotzen ditu dokumentalak. Maiatzaren 20an emango dute dokumentala, 23:40an. Iaztik dago Primeran plataforman ikusgai, baina lehen aldiz emango dute telebistan.
Giza eskubideen urraketa horietan duten erantzukizuna aitortu gabe jarraitzen dutela seinalatu du koalizio subiranistak.
Larunbatean prentsaurreko bateratua eman dute Egiari Zor Fundazioak, Euskal Herriko Giza Eskubideen Behatokiak eta Iratxe Sorzabalen abokatu Aiert Larrartek. Ostegunean ezagutu zen sententzia mugarria dela adierazi dute hirurek. Larrartek adierazi du Estrasburgoko epaitegira... [+]
Epaiak dio 2001ean Sorzabalek egindako autoinkulpazioa "tratu txarren ondorioa" izan zela, eta beraz, "baliogabea" dela. 1995ean Irunen lehergailu bat jarri izanagatik atxilotu zuten 2001ean, eta bost egunez inkomunikatuta atxiki zuten, gogorki torturatuz.