Nafarroako Gobernuari “proposamen serioagoak” egitea eskatu diote hezkuntza publikoko irakasleek
Ikasturteko bigarren greba eguna izan zuten asteartean hezkuntza publikoko irakasleek. Urriaren 29an Nafarroako hezkuntza sektoreko sindikatu nagusiek, hala nola Steilas, ANPE, AFAPNA, LAB, CCOO, ELA eta UGT-k greba eguna egin zuten.
Greba deialdian aldarrikatu dituzten eskakizunen artean daude, ratioak jaistea, zama burokratikoa murriztea eta soldatak igotzea. Astearte goizean hasi ziren pikete informatiboekin, eta zenbait irakaslek gaua pasa zuten ikastetxeetan. Horren ostean egin ziren manifestazio jendetsuak Iruñean eta Tuteran. Milaka lagun bildu ziren Nafarroako bi hirietan antolatutako mobilizazioetan. Sindikatuen arabera, % 60-65 ingurukoa izan da grebaren jarraipena, gobernuaren arabera, berriz, %28koa.
ELAk positibotzat jo du greba eguna, eta aldarrikapenak lortzeko modu bakarra mobilizazioekin jarraitzea dela uste du. “Negoziaezinak ziruditen gaiak negoziazio mahaian sartu” direla aipatu du LABeko bozeramaileak eta mobilizatzearen beharra azpimarratu du ere bai, “emaitzak lortzeko bidea” dela argudiatuta. Afapnako bozeramaileak ere balorazio positiboa egin du; aurreko grebarekin alderatuta parte-hartze handiagoa izan dela azpimarratu, eta hezkuntza komunitatea “arazoez jabetzen” ari dela esan du.
Nafarroako Gobernuak 2025eko aurrekontuetan langileen eskariak kontuan hartu beharko lituzkeela azpimarratu dute sindikatuetako kideek. Mobilizazioen “arrakasta” kontuan hartuta, Carlos Gimeno Hezkuntza kontseilariari proposamen serioagoa egiteko eskatu diote. "Espero dugu fundamentuzko proposamenak ekartzea hurrengo bilerara", esan du Steilaseko kideak.
Zerbitzu minimoek eragin handia izan dute Iruñerrian jaietan. Negoziazioan aritu dira, baina ez dute akordiorik erdietsi. Normaltasunez jardungo dute udan, eta irailean berrartuko dituzte lanuzteak.
Euskal Herriko mugimendu abertzaleen hasieran, langile borrokak kanpotik inposaturiko zerbait balira bezala ikusi ohi ziren. Euzkadi egunkariko orrialdeetan maiz irakur zitezkeen sozialisten kontrako diatribak. Harritzekoak ere ez ziren erasook, egia esan, egunkari sozialistetan... [+]
Gasteizko Udalak esan du enpresa negoziatzera deitzen ari dela. Sindikatuek eskatu diote Gasteizko langileak defendatu ditzala Enviserren jabea den AEBetako inbertsio funtsaren aurrean.
Hezkuntza publikoko irakasleok hamabost urtetan berriztu gabeko lan-hitzarmena eguneratzeko eta hobetzeko beharra eta eskubidea dugu. Horretarako, benetako negoziazio batean murgilduta egon beharko genuke, baina errealitatea negargarria da. Negoziazio batean, alde oro ados... [+]
Hezkuntza Sailak EITBri azaldu dioenez, ikastetxe bakoitzean izan beharreko baliabideak batzar teknikoetan negoziatu partez, mahai negoziatzailean landu beharko lituzkete. Bihar eta etzi greba egingo dute EAEko ikastetxe publikoetako irakasleek.
%90eko jarraipen "ia erabatekoa" izan du grebak, sindikatuen arabera. Gasteizko parkeak, lorategiak eta eraztun berdea mantentzen dituzte Enviser azpikontratako 90 langileek.
Hezkuntza Sailak ez ei du ulertzen publikoko langileak zergatik joan garen grebara. LAB sindikatuari galdetzea dauka. Sindikatu horrek akordioa sinatu zuen sailarekin, 2023ko apirilean. Urte bi geroago grebara deitu dute haiek ere, aurrekoetan ez bezala, Hezkuntza Sailak... [+]
.jpg)
Laudioko lantegiko zuzendaritzak astelehen honetan jakinarazi dio enpresa batzordeari behin betiko itxiko duela enpresa. Urtarrilaren 29an abiatuko dute ixteko prozesua. Egun berean egingo dute elkarretaratzea langileek eta ostegunean hasiko dute greba.
Eta beste urte batez, sindikatuek prefabrikatutako grebak antolatu dizkigute. Eta guk, indibidualki, erabakia hartuko dugu grebarekin bat egin ala ez, ikastetxean inongo asanbladaren beharrik gabe.
Niri irakatsi zidaten greba eredua jada ez dago modan, antza. Nire... [+]
Gaur, urtarrilak 21, gure oraintsuko historiaren efemeride interesgarri bat gogora ekartzeko eta hari buruz hausnartzeko eguna dugu. 50 urte bete dira Potasas de Navarra enpresako 47 langilek itxialdia amaitu zutenetik. Hamabost egun iraun zuen itxialdi horrek eta greba orokorra... [+]
Gaurko egunez, duela 50 urte, Euskal Herriko langile mugimenduak bere historiako kapitulu garrantzitsua idatzi zuen. Hegoaldean 200.000 langilek greba orokorra egin zuten erregimen frankistaren aurka. Mobilizazio hark argi utzi zuen Euskal Herriko mugimendu antifrankista... [+]