55 hezitzaile gehiago kontratatuko dituzte datorren ikasturtean Nafarroako 0-3 zikloan eta hezitzaileen soldata %12 igoko dute. Hobekuntza horiek ez dituzte langileen gutxieneko eskaerak asetzen, ordea.
Maiatzean greba abiatu zuten Nafarroako 0-3 urte bitarteko hezkuntza publikoko hezitzaileek Nafarroako 0-3 plataforman batuta, eskoletako baldintzak hobetzeko eskatzeko. Nafarroako Gobernuak eta Nafarroako Udalerrien Konzejuen Federazioak kudeatzen dute 0-3 urteko hezkuntza publikoa, eta greba bultzatu zuen plataformarekin negoziatzen aritu zen.
Akordiorik gabe heldu zen ikasturte amaiera eta uztailera arte iraun zuen lanuzteak. Nafarroako Gobernuak orduantxe iragarri zituen ikasturte berrirako hainbat hobekuntza. Soldatak hobetzeko 4,5 milioi euro gehiago eta 55 irakasle berri kontratatuko zituztela esan zuten, eta 2023-2024 urterako ia beste hainbeste kontratatzeko konpromisoa hartu zuen gobernuak.
Azkenean, Nafarroako Gobernuak 4,3 milioi euro handituko dute diru-partida. Besteak beste, 55 hezitzaile gehiago kontratatu eta soldatak handituko dizkiete langileei. Hezitzaileen soldata %12 handituko da eta garbitzaileena %19. Hobekuntza garrantzitsuak izanik ere nahikoa ez direla adierazi du 0-3 plataformak, eta Europako gomendioetatik oso urrun daudela haien baldintzak. Asteburu honetan Arbizun elkartuko dira haur-eskoletako langileak datorren ikasturtean zer egin erabakitzeko, baina aldarrikapenekin jarraituko dutela adierazi dute.
Aste honetan egiten ari dira lanuzteak, lan-baldintzetan hobekuntzak exijitzeko. Aurreko hiru hilabeteetan ere izan dituzte grebak.
Gaur, apirilak 16, Eusko Jaurlaritzari eta Industria Sailari beren industria-politikan jarrera aldaketa bat exijitzeko manifestazioa egin dute Bizkaiko 60 industria-enpresa inguruk Mecaner enpresako langileakaz batera, Bilbon. Adierazi dute "hitzetatik ekintzetara"... [+]
LABek jakinarazi duenez, martxoaren 14an materiala garraiatzen ari zela zama gainera erori ondoren larri zauritutako langilea zendu da asteartean. Jadanik hamazortzi lagun dira urtea hasi zenetik lanean hildakoak, sindikatuaren arabera, eta lan istripuen "gorakada... [+]
Langileen aldarrikapenak eztabaida politikoaren erdigunera eraman, eta aldaketa soziopolitikoa lortzeko "eragile aktibo" izanen dela nabarmendu du LABek 50. urteurreneko ospakizunean.