Nafarroako Gobernuak 2020an agindutako eraikin berria exijitu dute Antzineko Lokiz eskolako familiek
“Nafarroako Gobernuak duela lau urte eginiko promesari huts egingo dio beste behin ere”, salatu du Lizarraldeako Lokiz eskolako guraso elkarteak. Orain 7 urte D ereduaren aldeko apustua egin zuen hezkuntza komunitateak, eta desagertzeko zorian zegoen eskola txiki geratu da orain. Eraikin berririk ez izateak eskola proiektuari ez ezik herri txiki despopulatuetan bizitzeko aukerari erasaten diola azpimarratu dute. Kanpaina abiatu dute, “Nafarroako Gobernuak bizitza zentroan jarri eta emandako hitza bete dezan”.
Mankomunatuta dauden sei bailarek osatzen dute Lokizaldea, Nafarroako mendebaldean, Lizarraldean: Amezkoa, Allin, Metauten, Egaibar, Lana eta Berrotza. Iragan ostegunean eman zion amaiera ikasturteari Lokiz eskolako hezkuntza komunitateak, eta orduan egin zuen agerraldia guraso elkarteak, eskolaren egoera azaldu eta berau eraldatzeko kanpaina iragartzeko.
Lokiz eskola ixtear egon zen zazpi urte direla. Gaztelerazko eredua zuen, hamar ikasle inguru geratzen ziren eta "desagertzeko zorian" zegoen, gurasoek ARGIAri azaldu diotenez. Euskarazko D ereduaren aldeko apustua egin zuten orduan, eta lerroa zabaltzeko gutxieneko zortzi ikaslek eman zuten izena, adin ezberdinetakoak. "Udal, herritar, familia zein irakasleen eskutik bizirik mantentzea lortu zen”, dio guraso elkartearen oharrak. Ordutik hazkunde etengabea izan du Lokiz eskolak, eta azken ikasturtean 42 haur egon dira matrikulatuta, 38 euskarazko D ereduan eta lau G ereduan.
2019-2020 ikasturtean Nafarroako Legebiltzarreko talde politikoen ordezkariek bisita egin zuten eskolara, eta hortik irten zen eskolarentzako eraikin berria lortzeko konpromisoa, gaur egun bete gabe jarraitzen duena, "eskola berriaren eraikuntzari ekiteko giltza bulegoren batean bahiturik baitute”. Lokiz eskola Antzin herrian kokatuta dago, 1930eko eraikin batean eta, gurasoek azaldu dutenez, “orratz bat” gehiago ez da sartzen. Eraikin berririk ez izateak eskola haztea ekiditen du, “eta are larriago, gure bailara eta herrien etorkizuna ezbaian jartzen du”, salatu dute familiek.
“Ez gara despopulatu, despopulatu gaituzte”
Eskolaren egoera Nafarroako Gobernuak eremu despopulatuetan garatzen dituen politikekin lotu dute gurasoek. “Beti hiriguneetako zentro handietako baremoak aplikatzen dizkigute: garraioaren eta jantokiaren eskaintzaren nolakotasuna, jardunaldia, jantokiaren kudeaketa (zeinak bailaran bi lanpostu desagerrarazi zituen, elikaduraren inguruko proiektu pedagogikoa suntsitzearekin batera) edota irakasleen interinitate altua". Irakasleekin “xakeko pieza hutsak” bailiran jokatzea leporatu diote gobernuari, “matrikulaturiko ikasle kopuruaren arabera bat, bi, hiru edo lau irakasle lekualdatuz!”.
Dirua haurren eta eskualdearen beharren gainetik kokatzea leporatu diote familiek gobernuari. “Ez garelako ausaz despopulatu, despopulatu gaituzte!”, salatu dute, horri aurre egiteko asmoa azaltzearekin batera: “Herri txiki hauetan bizitzeko hautua egin dugula aldarrikatu nahi dugu, jakinik ekonomia eta gizartearen bazterrean kokatzen gaituela hautu honek. Hala ere gure herri, lur zein kulturaren aldeko apustua egiten dugu eta ozen adierazi nahi dugu ez diogula uko egingo gure bizitzak modu duinean bizitzeko eskubideari!”.
Lokiz eskolakoa ez da ikasturte honetan herri txikietatik Nafarroako Gobernuaren jarrera salatzen duten lehen aldia. Iragan astean, esaterako, Nafarroako Hezkuntza Departamentua legeak ezartzen duenaren aurka euskarazko irakaskuntza oztopatzen ari dela salatu zuten Oibar herrian familiek, ordezkari politikoek eta Hizkuntz Eskubideen Behatokiak.
Eskola berria lortzeko kanpaina abian jarri dute Lokiz eskolako familiek: “Nafarroako Gobernuari dei egiten diogu behingoz bizitzak zentroan jarri eta emandako hitza bete dezan”.
Euskal Eskola Publikoaren alde borrokatzea STEILASen ikurra da. Ikasturte hasierarekin batera, gogoratu behar da aurreko ikasturtean hainbat kolektibotan akordio garrantzitsuak sinatzea lortu genuela, hezkuntza publikoan grebak eta mobilizazioak egin eta gero. Lan-akordio horiek... [+]
Palestinan bideratzen ari den genozidioa salatu dute Euskal Herriko Unibertsitateko ordezkariek. Hainbat neurri hartuta ditu EHUk eta tartean, batzorde bat sortzeko proposamena egina dio errektoretzak Palestinaren aldeko unibertsitate mugimenduari, aurretik ere unibertsitateak... [+]
DBH, Batxiler eta Lanbide Heziketan irakasle izateko ez dela zertan irakaskuntzan formakuntzarik jaso, aski dela ikasgai horretako edukiak menperatzearekin. Hori legeztatzeko eskatu diote Espainiako Gobernuari hainbat erkidegotatik, eta gaia lehen planora ekarri berri du ELGAk,... [+]
Ikama ikasle antolakundeak deituta, ikasleak Palestinaren alde mobilizatu dira astearte honetan, Hego Euskal Herriko hainbat ikastetxe eta unibertsitatetan. “Denon erantzukizuna da egoerari buelta emateko salaketa egin eta mobilizatzea”.
Aintzane Mariezcurrena Afan elkarteko psikologoak nabarmendu du “oso garrantzitsua” dela txikitatik alzheimerrari loturako zalantzak argitzea eta gaiaz hitz egitea, haurrek beldurrik izan ez dezaten.
DBHko 4. mailan eremuka irakastea planteatzen duen curriculum agindua bertan behera utzi du Kataluniako Auzitegi Nagusiak, aurrez Batxilergoan egin zuen gisan. Eremukako proiektuen aurkako salaketa Aspepc DBHko irakasle katalanen sindikatuak jarri zuen.
"Erronka izugarria" duen mahaia jarri du martxan Eusko Jaurlaritzak, 50 bat eragilerekin: eskola segregazioa gainditzeko neurriak adostea. STEILAS eta ELA sindikatuek ez dute parte hartu; Jaurlaritzak oinarri dituen politikek segregazioa betikotzen dutela diote.
Hiru urte bete dituzten 1.404 ikasle berri matrikulatu dituzte D edo B ereduetan, Nafarroan. Adin guztiak kontuan hartuz, 27.334 ikaslek ikasiko dute euskaraz. Matrikulen 67,8% ikastetxe publikoen sarean izan da.
Hilotan, euskara sarritan izan dugu albiste. Txarrerako, euskaltzaleon artean nagusi den aldarte ezkorra ikusita. Baina euskararen egoera txarra dela ez da kontu berria, datuen bitartez beste zerbait iradoki den arren.
Har dezagun, adibidez, hizkuntzak irabazi ei dituen... [+]
Irailaren 1ean hasi dute ikasturtea Ipar Euskal Herrian, euskarazko eskaintzari dagokionez, hainbat berrikuntzarekin. Esaterako, Sohüta eta Luhusoko haur eskola publiko banak euskarazko murgiltze eredua eskainiko dute, eta Hazparneko Armand-David laborantza lizeoak euskaraz... [+]
Gordin esan dute Aiaraldeko ikastetxeok: euskalduntzea “arriskuan dago” eta ikastetxeek, bakarrik, ezin diote aurre egin “egoera larriari”. Autokritika egin, eta hamar konpromiso hartu dituzte, hezkuntza komunitateek praktikara eramatekoak. Era berean,... [+]
UEUk eta BadaLabek ikertzaile gazteei zuzendutako diziplinarteko ikerketa-proiektuen II. deialdia egin dute. Honen helburuak dira ikertzaile euskaldun gazteen arteko harremanak sendotzea eta ezagutza-arlo ezberdinetako ikertzaileak elkarlanean aritzea. Irailaren 22ra arte... [+]
Testuliburuen mailegutza, berrerabilera edota bigarren eskuko azokak ugaritu badira ere, ikasmaterialak gastua izaten jarraitzen du etxe askotan, dirulaguntzak dirulaguntza. Eskola-itzulerak batez beste 400 eta 500 euro arteko gastua ekarriko du Hego Euskal Herriko etxeetan,... [+]
Bost sexologoren formazioa jasoko dute Nafarroako hamabi ikastetxetako irakasleek: sexualitatea ikasleekin lantzeko edukiak eta proposamen pedagogikoak eskainiko dizkiete. Skolae programaren segida izango da, nolabait.
473 plaza eskaini dituzte eta 84 ez dira bete. Lehen Hezkuntzan, aldiz, ia lanpostu guztiak bete dira.