ARGIA.eus

2021eko maiatzaren 06a

Nafarroako Gobernuak 20 milioi euro bideratuko ditu ostalaritzako diru-laguntzetara

  • Baldintzak betetzen dituztenek 25.000 eurora bitarteko laguntzak eskuratu ahalko dituzte, gehienez. Azaroaren 26tik aurrera terrazen irekiera abiatzeko asmoa duela iragarri du Osasun Departamentuak.

ARGIA @argia
2020ko azaroaren 17a

Azaroaren 16an Nafarroako Gobernuko Exekutiboak eta ostalaritzako sektoreko ordezkariek bilera egin dute. Nafarroako Gobernuak zabaldutako informazioaren arabera, bilera horretan Osasun Departamentuak jakinarazi du azaroaren 26tik aurrera ostalaritza-establezimenduetako terrazen irekiera malgutzeko asmoa duela, "betiere pandemiaren bilakaerak uzten badu".

20 milioi euroko laguntza ostalaritzarentzat

Nafarroako Gobernuak ostalaritza sektoreko ordezkariei iragarri dienez, hasieran diru-laguntzetan iragarritako 10 milioietatik 20 milioira igo du ostalaritzara bideratuko duen diru-laguntza ekonomikoa. Iragarritako laguntza ekonomikoen lerro berria "ostatu-zerbitzuetarako, janari eta edari zerbitzuetarako, bidaia-agentzientzat eta jarduera turistikoetarako, gaueko aisialdirako eta edarien banatzaileentzat" izango da.

Oinarri arautzaileetan ezarritako baldintzak betetzen dituztenek 25.000 eurora bitarteko laguntzak eskuratu ahal izango dituzte, gehienez. Laguntza horiek jaso ahal izango dituzte fakturazioan gutxienez %20ko murrizketa izan dutela egiaztatzen dutenek, 2020ko lehen hiruhilekoen eta 2019koen arteko konparazioan, BEZaren aitorpenetan.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Covid-19 shockean adi  |  Nafarroa  |  Ostalaritza

Covid-19 shockean adi kanaletik interesatuko zaizu...

Azkenak EGILEA
Argia buletina
Egunaren laburpena
zure e-postan
Eguneraketa berriak daude