Nafarroako eragile sozialek sistema politikoa aldatu behar dela diote

  • Aldaketa eskatzen duten nafarrak gero eta gehiago dira, Gobernuaren murrizketek eta CANeko eskandaluak eraginda. Baina eragile sozialen ustez  sistema politikoa bera da aldatu beharrekoa, herritarren partea hartzea lehenetsiko duen alternatiba sortzeko. Yolanda Barcina presidentearen kontrako zentsura mozioaren bezperan, Diario de Noticias-ek zenbait talde eta kolektiboren iritzia jaso du.


2013ko apirilaren 17an - 00:00
Azken eguneraketa: 2015-02-26 13:37:33
Barcinaren dimisioa eta alternatiba politikoa eskatuz Iruñean egindako manifestazio jendetsua (Arg.: D.N / Javier Bergasa)

 “Nafarroan izandako murrizketa oro salatu izan dugu, eta Gobernua da horien arduradun. Horregatik ondo ikusten dugu Gobernu aldaketa, baina estrukturala izatea gustatuko litzaiguke, azalekoa baino, sakona izatea”, dio Betriz Villahizan, SOS Arrazakeriako kideak.

“Herritarrei ahotsa eman”, “politikak aldatu”, “beste eredu ekonomiko eta soziala”… Halako iritziak maiz aipatu dituzte kolektibootako ordezkariek.

Aurora Beltran musikariak ere halaxe pentsatzen du: “Oraintxe bertan jende guztiari inporta zaiguna da ez gaitzatela engainatu”.

Agintarien ustelkeria kasuetan baino, Gobernuak bultzatutako murrizketa eta politika antisozialetan jarri dute lupa talde gehienek, horien ondorioz baitaude herritar ugari hondoa jota.

“Jada 2007an zenbait lagunek aldaketa eskatu genuen higiene politikoaren mesedetan –dio José Mari Asín antzezleak– orain emergentzia soziala dagoelako eskatzen dugu”.


Kanal honetatik interesatuko zaizu: Nafarroako politika
Haur eskolak euskaraz eskatu ditu berriz ere Iruñeko Euskalgintzak

Ehunka lagun atera ziren ostegun honetako arratsaldean Sarasate Pasealekutik eta manifestazioa egin zuten Iruñeko Udal Plazaraino, eskatzeko udalari hiriko haur eskoletan euskaraz ikasteko eskubidea izatea lehentasunen artean jar dezala. "Haur eskolak euskaraz: eman... [+]


Estatuaren indarkeriaren biktimei aitortza ekitaldia eginen die Nafarroako foru gobernuak

Maiatzaren 30ean eginen dute Estatuaren eta eskuin muturraren indarkeriaren biktimen aitortza ekitaldia, Baluarten. Biktima zehatzei egiten zaien molde honetako lehen ekitaldi publikoa izanen da, eta 2019ko legearen babespean gauzatuko da.


Itxialdiak egin dituzte Iruñerriko institutuetan Gazaren alde, nahiz eta Nafarroako Gobernuak espresuki eskatu ez baimentzeko

Astearte gauean Israelen genozidioaren aurkako itxialdia "normaltasunez" egin dute DBH eta Batxilergoko ikasleek Iruñerriko hainbat institututan, ARGIAri kontatu diotenez. Itxialdi horiek egin ez zitezen saiatu da Nafarroako Gobernua, astearte eguerdian... [+]


Israel Olinpiar Jokoetatik baztertzeko eskatu du Nafarroako Parlamentuak

Contigo-Zurekin taldeak proposatutako ebazpena onartu du Nafarroako Parlamentuak, EH Bildu eta Geroa Bairen aldeko bozkekin. Israelek Gazan duen jarrera genozida salatu eta neurriak hartzeko eskatu dio Parlamentuak Nazioarteko Olinpiar Batzordeari.


Trafiko eskuduntza bermatzeko Foru Hobekuntzaren erreforma adostu dute Nafarroako eta Espainiako gobernuek

Foru Hobekuntzaren erreforma adostu dute Nafarroako eta Espainiako gobernuek, Trafikoa foru exekutiboaren eskuduntza historiko eta esklusiboa dela blindatzeko.


Eguneraketa berriak daude