Igandean Bortziriak, Imotz-Basaburua, Sakana eta Mendialdeko 24 herritan 27.095 herritarrek izan dute botoa emateko aukera, eta horietatik 7.781ek eman dute.
Nafarroan “erabakiaren aroan” urrats berri bat egin dute. 2014an Etxarri-Aranatzen hasi zen herri galdeketen bideari 72 herrik jarraitu zioten Euskal Herri osoan, Gure Esku Dago herri dinamikak antolatuta.
Galdera askotarikoak izan dira, herri bakoitzak berea adostuta. Maiz errepikatu den formula “Nafar gisa, Euskal Herri burujabe bateko herritarra izan nahi duzu?” izan da. Galdera ezberdinei ordea, antzeko erantzuna eman zaie: %95,8k bozkatu du euskal estatu burujabe baten alde, %1,73k kontra eta %1,83k zuri.
Antolatzaileak pozik agertu dira emaitzekin eta Nafarroa osoan galdeketak egiteko asmoa erakutsi dute, baita hiri handietan ere, “erabakia gauzatu arte, libre eta demokratikoki”. Azken lau urteotan 164 herritan egin dira galdeketak eta 150.000tik gora herritarrek eman dute bozka.
Datozen bi urteetako erronken berri eman du erabakitze eskubidearen aldeko ekimenak larunbatean Bilboko Kafe Antzokian. “Herri libre bat nahi dugu, mugimendua sortu nahi dugu, herria martxan jarri eta elkarlana bultzatu nahi dugu”, adierazi dute.
Gure Esku eta Nafarroa Berriz Altxa elkarteek ekimenak antolatu dituzte lasterketa Euskal Herritik igarotzen denerako. "Euskal Herriaren erabakitzeko eskubidea" aldarrikatu eta "muga artifizialak" auzitan jarri nahi dituzte, besteak beste.
Hiru emakume euskaraz zuzendu zitzaizkien ertzain batzuei, jatetxe batengatik galdezka. Polizietako batek erantzun zien euskaraz bazekiela baina ez zuela erabiliko, eta "popatik hartzera" bidali zituen. Ertzainari plaka eskatu zioten orduan, eta poliziak erdiko hatza... [+]