ARGIA.eus

2020ko irailaren 24a

Murgak "bigarren olatua" nabarmendu du, 24 ordutan 419 positibo atzemanda

  • Hego Euskal Herrian 419 positibo atzeman dira azken orduetan. Nafarroan 81,  233 Bizkaian, 57 Gipuzkoan eta 44 Araban. Orotara asteazkenean baino 108 gehiago.

     

Mikel Eizagirre
2020ko abuztuaren 07a

COVID-19a “tokia irabazten” ari da Euskal Autonomi Erkidegoan, Nekane Murga Jaurlaritzako Osasun sailburuaren hitzei jarraiki. “Bigarren olatu" baten aurrean gaudeka dio sailburuak,  baina ez litzateke martxokoa bezain indartsua izango.

Murgaren aburuz, hainbeste kasurekin, “normaltasun berria ez da posible”. EAEko biztanleriak “ohiturak aldatu” egin behar dituela dio, elkarrengandik urrunduz, batik bat. Hain zuzen ere, gehienak “aisialdian” kutsatzen omen dira haren esanetan, eta testuinguru horretan "ezinbestekotzat” jo du pertsona gutxiagorekin harremana izatea. Gainera festak bertan behera uzteak ez omen du "inolako zentzurik", baldin eta festa horiek etxeetan edo bestelako tokietan ospatzen badira.

Sailburuak dionez, aste honetan edozein jarduera sozialetan dago jendea kutsatzeko arriskua. Ondorioz, halakoetan parte ez hartzeko eskaera luzatu du. Datozen egunetan kutsatzeak areagotu egingo direla ohartarazi du Murgak, eta aldi berean, ospitaleratzeak. Uda hasieran, ospitaleratzeak ugariak ez baziren ere, orain horiek ere gehiago dira. Osakidetzak ez du gainezka egingo, baina Jaurlaritzak soilaru eta Zaintza Intentsiboko Unitate berriak prestatzeko asmoa iragarri du.

Hego Euskal Herrian 98 pertsona daude ospitaleetan COVID-19ak jota, gehienak Bizkaian, eta horietatik bederatzi lagun ZIUetan daude. Positibo gehienak, hain zuzen ere, sartaldean detektatu dituzte: ostegunean 233 izan ziren, asteazkenean baino 78 gehiago. Nafarroan, aldiz, 81 izan dira. Gipuzkoan, 57 lagunek eman dute positibo. Araba izan da kalte arinena jasan duena, 44 kutsaturekin. Kezka berezia dago Bilbo, Gasteiz eta Barakaldo bezlaako hirugune handietan, izatez, egunotako kasu gehienak bertatik datoz. Murgaren iritziz, inguru horietan “joan-etorri asko” daudelako izan da.

PCR froga masiboen emaitzak ere argitara atera dituzte. Nafarroan, esate baterako, 84 PCR test egin dizkiete Tuterara fruta jasotzera joan ziren beharginei, eta guztiek negatibo eman dute. Urdulizko ospitalean dagoeneko 523 test egin dituzte, Erandioko batzokian izandako agerraldiarekin lotuta. Bertan aurkitzen ziren lau lagunek positibo eman dute, eta ostegunean beste 257 proba egin zituzten. Basurtuko erietxean, aldiz, beste 154 test egin zituzten agerraldi beragatik, eta positibo bat izan da. Azkenik, Fever diskotekan izan ziren 111 pertsonek ere egin dute proba, eta horien artean 18 positibo atzeman dituzte.

Euskara ere konfinatuta

Murgak ia ordu erdiko prentsaurrekoa eskaini zuen atzo, eta 30 segundu baino ez zen mintzatu euskaraz. Agerraldi osoan  euskaraz bi esaldi baino ez zituen esan. Sarean haserrea eragin du sailburuaren jokabideak.

 

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Covid-19 shockean adi  |  Eusko Jaurlaritza  |  EAE

Covid-19 shockean adi kanaletik interesatuko zaizu...

Azkenak
EGILEA
Argia buletina
Egunaren laburpena
zure e-postan
Eguneraketa berriak daude