Munduko Bankuak 1.500 milioi dolarreko laguntza paketea bidaliko dio Ukrainari
Ukrainari laguntzeaz gain, Moldaviari ere 100 milioi dolar emango dizkiote, jasotzen ari den errefuxiatu kantitate handia dela eta.
Munduko Bankuak guztira 1.500 milioi dolarreko diru-laguntza emango dio Ukrainari; bankuaren presidenteak, David Malpassek, adierazitakoaren arabera, horietatik 1.000 milioi dolar herrialde txiroenen garapenerako funtsetik aterako dituzte.
Horrez gain, Moldaviari ere beste 100 milioi dolar emango dizkio Munduko Bankuak; izan ere, Ukrainarekin muga duen herrialdera 400.000 errefuxiatu baino gehiago joan dira Ukrainako inbasioa hasi zenetik.
Diru-laguntza hauei esker Ukraina pentsioak eta funtzionarioen soldatak ordaintzen ari direla adierazi du Munduko Bankuak.
"@WorldBank is preparing a $1.5B operation for Ukraine to support essential gov services during the war. @WBG_IDA donor & recipient countries endorsed a proposal to extend IDA19 support of $1B to Ukraine & $100M to Moldova." - @DavidMalpassWBG https://t.co/ysl2vZcHJr pic.twitter.com/jN8sY8Jdkd
— World Bank (@WorldBank) April 12, 2022
