Moja klaratarrek Eliza utzi dute, Urduñako komentua erostea eragotzi dietelako, eta eskuin muturreko sekta batera batu dira
Klaratarrek Urduñako komentua erosteko kontratua sinatu zuten, baina Elizak atzera egin du salerosketan eta mojek testu luzea argitaratu dute, zeinean Pablo de Rojas Sanchez-Francoren diziplinara batu diren. Mario Izeta apezpikuak eskumikatu zuen erlijioso hori 2019an eta, besteak beste, Francoren jarraitzailea da eta COVID-19ren txertoen kontra lerrokatu zen.
Urduñako komentuaren salerosketa afera zatiketan amaitu da moja klaratarren (Beloradon, Burgosen, kokatuak) eta Eliza katolikoaren artean. Antza, mojek eta Gasteizko elizbarrutiak 1,2 milioi euroko akordioa sinatu zuten Urduñako eraikina euren esku uzteko, baina, hedabideek jaso dutenez, mojek ez dute ordainketarik egin orduz geroztik.
Horren aurrean, klaratarrek proposatu zioten Elizari hirugarren batek erostea higiezina, eurei tokia erabiltzea ahalbidetuz betiere. Elizbarrutiak komunikabidetan azaldu duenez, mojek ez zutenez argitzen nor zen interesdun hori, erabaki zuen bertan behera uztea sinatutako kontratua.
Hori dela eta, Sor Isabelek, hau da, mojen buruak, 1,6 milioi euroko kalteak eskatu zituen, eta Elizak ez zuenez onartu, epaitegira jo zuen.
Zatiketa eskuin muturreko talde baterantz
Gauzak horrela, hedabideen arabera, mojek testu luzea argitaratu dute, zeinean "jazarpena" salatu duten. Burgos eta Gasteizko Elizabarrutiek euren harridura adirazi dute, ez baitute komunikaziorik jaso zuzenean.
Edonola ere, mojek iragarri dute Eliza katolikotik joango direla eta Pablo de Rojas Sanchez-Francoren aginduetara egongo direla. Mario Izetak 2019an elizatik bota zuen erlijioso hori. Antza, Jaengo frankista ospetsu baten iloba da eta Pio XII (historialari askoren ustez, nazien konplizea, horregatik kendu zioten Laudioko kale bati bere izena) da berarentzat azken Aita Santu zilegia.
Dirudienez, El Palmar de Troyako sekta ultraeskuindarrarekin ere zeharkako harremana dauka eta, berez, Escrivá de Balaguer Opus Deiko sortzailearen tesiak defendatzen ditu. Hori bai, ez du erakunde horrekin bat egiten, ustezko Aita Santu heretiko batek (Juan Pablo II) aitortu baitzituen bere irizpideak.
Sanchez-Francoren erreferente politikoak Francisco Franco eta Sixto Enrique de Borbón-Parma (karlisten erregea) dira eta pandemian COVID-19ko txertoen kontra agertu zen.
Ziburuko Azokaren kari, Azokaroan aurkezturiko Gizatasun arrantzale (Euskaltzaleen Biltzarra) liburua esku artean hartuta, itsasoan –apez bezainbat arrantzale gisa– eramandako biziaz aritzea zuen xede kazetariak. Baina Maiatz argitaletxeak plazaratu berri duen Atxik... [+]
Erromako San Giovanni in Laterano plazan, errutinazko indusketa bat egiten ari zirela, arkeologoek IX.-XIII. mendeetako jauregi baten arrastoak topatu dituzte ezustean. Eta garai hartako aita santuen bizitokia izan litekeela uste dute. Bestela esanda, baliteke Patriarkatua... [+]
"Bake zubiak eraikitzeko laguntza" eskatu dio jendeari balkoitik egin duen lehen agerraldian.
Alain Esquerrek idatziriko Le silence de Bétharram (Betharramgo isiltasuna) liburuan eman du lekukotza Helene Perlantek, François Bayrouren alabak. 1980ko hamarkadan egon zen ikastetxe katolikoan ikasle eta berrogei urte luzeetan isilik atxiki ditu bertan jasandako... [+]
88 urterekin hil da Frantzisko aita santua astelehen goizean, iktus baten ondorioz. Azken boladan osasun arazoak izan zituen. Miñan liburua gomendatu zuen publikoki, migratzaileen egoera kontatzen delako.
Iruñeko artzapezpiku Florencio Rosello eta Tuterako gotzain Joseba Segura Nafarroako Elizak immatrikulatutako ondasunak itzultzeko prest azaldu dira epaitegiek hala aginduz gero, baina inmatrikulazioak legezkoak izan direla defendatu dute.
Frantziskok "Franciscomanía" zeinuarekin hasi zuen bere Aitasantutza. Fenomeno soziologiko horri esker, Vatikanoko boterearen zirrikituak aldez aurretik ezagutzen ez zituen gaztetasunaren ikono eta Elizako aldaketa-haizeen intsuflatzaile bihurtu zen.
Era berean,... [+]
Prentsaurrekoa eskaini dute ostegun honetan Marc Aillet Baionako apezpikuak, elizbarrutiko hezkuntza katolikoko zuzendari Vincent Destaisek eta Betharramgo biktimen entzuteko egiturako partaideetarikoa den Laurent Bacho apaizak. Hitza hartzera zihoazela, momentua moztu die... [+]
Elizak 23 kasu ditu onarturik Nafarroa Garaian. Haiek "ekonomikoki, psikologikoki eta espiritualki laguntzeko" konpromisoa adierazi du Iruñeko artzapezpikuak.
Lestelle-Betharramgo (Biarno) ikastetxe katolikoko indarkeria eta bortxaketa kasuen salaketek beste ikastetxe katoliko batzuen gainean jarri du fokua. Ipar Euskal Herriari dagokionez, Uztaritzeko San Frantses Xabier kolegioan pairaturiko indarkeria kasuak azaleratu dira... [+]
"Pictura est laicorum literatura", utzi zuen Umberto Ecok idatzita, Il nome della rosa eleberrian. Irudien bidez mintzatzen da herria, hitzez baino maizago. Artearen funtzio narratiboa nabarmena da Erdi Aroko irudietan, egungo begiekin zail gerta daitekeen arren haiek... [+]
Gipuzkoako Batzar Nagusietako Kultura Batzordeak, EAJ, PSE eta PPren aldeko botoekin, azaroaren 22ko bilkuran erabaki du Eusko Jaurlaritzari eskatzea azter ditzala “euskal kulturan hain esanguratsuak diren” gurutzeak eta haien inguruko “ohiturak”... [+]
Biarnoko Lestelle-Betharramgo ikastetxe katolikoan ikasleek urtetan sufrituriko indarkeria fisikoa eta sexu-abusuak argitara eman ostean, biktimen eta Betharramgo kongregazioko ordezkarien lehen topaketa lotu dute, biktimei entzutea helburu. "Betharram ez da libratuko... [+]