Mobilizazioak deitu ditu Itaiak “ziztadarik ez! erasoen aurrean babesa antolatu” lelopean
Emakume sozialisten Itaia antolakundeak ziztaden aurkako mobilizazioak deitu ditu –Gasteizen 3an, Donostian 13an eta Bilbon 19an– eta horrekin batera, eraso mota honi buruz egiten duen irakurketa plazaratu du. Azpian osorik irakurgai.
Jarraian osorik Itaiak egiten duen irakurketa.
Azken asteetan hedapen handia izan dute Euskal Herrik festa eta jaigiroetan emakume ugarik jasandako ziztada erasoek. Horren adibide izan dira Baiona, Azpeitia, Gasteiz eta Bilbon eta leku gehiagotan salatutako gertakariak. Emakumeak gure egunerokotasunean mota askotako erasoak jasan behar izaten ditugu, eta festa giroan erasoak areagotu eta gehiago normalizatzen dira: ukituak, bortxaketak, babosoak jasan beharra...
Azken asteetan berriz, ziztada bidezko erasoak ari gara jasaten, eta horrela emakumeok, hurrengoak gu izan gaitezkeela pentsatuta, sozializazio espazio horietatik kanporatuak izaten ari gara, gure segurtasuna bermatzeko gaitasunik gabe.
Egoeraren larritasunaren aurrean, instituzioek beste behin, egoerari aurre egiteko duten borondate erreal eta gaitasun eza agerian utzi dute. Horregatik, emakume langileok gure segurtasuna bermatzeko eta erasoen aurrean erantzun eraginkorrak gauzatzeko tresna propioak garatzea behar-beharrezkoa da.
Horri erantzuten diote eskualde ezberdinetan Itaiatik martxan jarri ditugun borroka eta bitartekoek. Protokoloak, etxeratze kolektiboak, prebentzio mekanismoak...
Beharrezkoa ikusten dugu egoera larri hau salatu eta erasoen aurrean erantzun eta antolatzeko beharra azpimarratzea.
Abuztuan hainbat mobilizazio deituko ditugu, emakumeok jasaten ditugun erasoei, eta zehazki ziztaden erasoen aurkako jarrera irmoa adierazi, eta erasotzaileei aurre egiteko urgentzia mahai gaineratzeko. Guztion ardura baita eraso hauei erantzutea.
Lehen mobilizazioa Gasteizen izango da, abuztuaren 3an, Donostian 13an eta Bilbon 19an.
Ziztadarik ez, erasoen aurrean babesa antolatu.
Maitasun erromantikoari lotuta, nerabe askok normalizatuta eta barneratuta du bikotekideak mugikorraren eta sare sozialen bidez kontrolatu nahi izatea. “Inportantea da ziberbiolentzia gisa identifikatzea, eta ez maitasun seinale gisa”, gogorarazi dute ikertzaileek.
Javier Escudero Pascual (Iruñea, 1979) “poz-pozik” dago erretiroa hartuta nahi beste gauza egiteko astia duelako. Nafarroako Aspace kirol klubeko motordun aulkiko futbol taldeko jokalaria da. Duela urtebete sortu zuten taldea, eta hirugarren geratu dira... [+]
Lagun marika batek deitu dit galdetzeko nola salatu dezakeen hurrengoa: joan zen Akarlandara, EHUren parean dagoen parkera, eta komun publikoetan bi tiporekin zegoela, udaltzainen bizpahiru kotxe agertu ziren super azkar, poliziak sartu ziren komunera borrekin hormak kolpatzen,... [+]
Irungo Alarde Parekidean sortu berri den Meaka konpainiako kapitaina da Nagore Olaskoaga. Alarde Tradizionala vs. Parekidea, “kopuruak direnak dira, baina oso pozik gaude gazte askok eta askok hartzen dutelako parte Alarde Parekidean, eta beraiek dira gure herriaren oraina... [+]
Ekainaren 14an egingo da Hernanin San Juan jaiak iragartzen dituen 30. Preludio kontzertua. Aurten emakume bat izango du zuzendari musikal: Judith Montero Imaz. Behin batuta hartuko, eta emakumeek musika ondarean egindako ekarpena ekarri du fokupera. Berarekin eta Hernaniko... [+]
Señora Sariketaren V. edizioa izan da 2025ekoa, benetan berezia: aurtengo bertsolari parte-hartzaileak plazak utziak zituzten andre eta genero disidenteak izan dira. Binaka egin dute plazara itzulera, saioetarako giro goxo eta xamurra lagun.
Neska transexual baten ama, haurtzaroan bere genero identitateagatik bullyinga jasan zuen gizona edota LGTBI kolektiboko nikaraguar erbesteratua ezagutu eta horietakoren batekin bizipenak partekatu eta solastatu nahi duenak aukera izango du datozen egunetan Nafarroako sei... [+]
Sexu-erasoak, bikotekideen edo bikotekide ohien erasoak eta bestelako senideek egindakoak hartu dituzte kontuan zenbaketan. Bizkaian, %29 egin dute gora salatutako sexu-erasoek.
13 urteko mutil bat da Adolescence telesailaren protagonista, bere eskolako neska bat erailtzeagatik atxilotua. Lau kapitulutan zehar saiatuko gara ulertezina ulertzen, baina gidoilariek ez digute azalpen errazik emango, baizik eta bullying dinamika nahasiak, manosferaren eragin... [+]
Ilusioz mintzo da Shrabani Aranzabe-Pita (Orissa, India, 1999) musikari, ikerlari eta pedagogoa. Alkizan (Gipuzkoa) hazi eta hezi da. Pandemian minbizia izan zuen, eta prozesu onkologiko horretatik Naturaren Doinuak jaialdia eta proiektua sortu du. Aurtengo jaialdia ekainaren... [+]
Mundu mailan abiadura handian garatuz doan ideologia eta mugimendua dugu antiwokismoarena. Boterera arribatzeko eskuin muturreko agintariek duten arma berria da, eta berdin-berdin zabaltzen ari da herriko karriketan, unibertsitateetako korridoreetan zein telebista platoetan. Eta... [+]
Bisita, bizipen eta hausnarketa egunak izan ditut maiatzekoak. Hor nabil, intersekzionalitatea nola gauzatu, borrokak lotu nahian, bertsolarien moduan puntu guztiak esan nahian, potorik egin gabe...
Lan egiten dudan LoRa irrati komunitariotik, Maiatzaren 1erako... [+]
Galdera horri erantzun dio hainbat irakasle ez-heterok, eta gogoetarako gako ugari utzi dituzte. Mundua deskubritzen eta identitate(sexual)a eraikitzen ari diren haur eta gazteek erreferente anitzak izatea eta eskolan denok espazio seguru eta erosoa aurkitzea ederra baita.