Mobilizazio astea dute ikasleek
Gaztiak Planto! ekimena martxan da Nafarroako Unibertsitate Publikoan, eta Herri Unibertsitatea egitekoak dira Leioako campusean. Egun handia osteguna izango da (M27): greba orokorrera deitu dute Ikasle Abertzaleek Hego Euskal Herriko ikastetxeetan, azken hezkuntza erreformen kontra eta herritik herriarentzat eginiko hezkuntza eredu propioaren alde.
Aurretik datoz mobilizazioak. Azkena, joan den ostiralekoa: murrizketek itxitako haur eskola okupatu zuten ikasleek Arrosadia auzoan (Iruñea), bertan hezkuntza espazio alternatiboa sortzeko asmoz. Poliziak handik atera zituen, baina NUPeko ikasleen ekimenak segida izango du egunotan, Gaztiak Planto! lelopean.
Bizkaiko Ikasle Eztandak berriz, Herri Unibertsitatea antolatu du astearte eta asteazkenean: artea, sexualitatea, musika, mugimendu sozialak, euskara, fisika, antzerkia, hezkidetza, frackinga… landuko dituzte Leioako ikasleek, autogestionaturiko eskolen bidez aldarrikatzen duten unibertsitate eredua praktikara eramateko helburuz.
Greba orokorraren aurrekari izan nahi dute mobilizazio eta ekimen horiek.
Martxoaren 27an, greba orokorra
“Elite ekonomikoaren mesedetan” eta “ikasleen interesen kontra” egiten dutelako, LOMCE, Heziberri2020 eta unibertsitate erreformaren aurka protestatuko dute ikasleek ostegunean, bereziki Cristina Uriarte, Jose Iribas eta Jose Ignacio Wert hezkuntza arduradunei zuzenduta.
Egungo hezkuntza sistema ere kritikatu nahi dute ikasleek, “tasen igoera, zerbitzuen pribatizazioa, ordezkapen eza, ikasleok erabakietan dugun pisua, euskalduntzea bermatzen ez duen eredua” tarteko. Herritik herriarentzako den hezkuntza sistema aldarrikatzea dute xede, euskaldun, ezkertiar eta feminista izango den eskolaren alde, inklusiboa, herritarra, parekidea, duina, internazionalista, askatzailea…
Mobilizazio hauen jarraipena egiteko, greba aurreko egunetan #EkinM27 etiketa erabiltzea proposatu dute antolatzaileek, eta egunean bertan, #M27Greba.
Hainbat manifestazio egingo dira 27an. Hona hiriburuetakoen ordutegia:
Bilbo: 12:30ean, Jesusen Bihotza plazatik.
Donostia: 11:30ean, Ibaeta campuseko Arkitektura fakultatetik.
Gasteiz: 12:30ean, Bilbo plazatik.
Iruñea: 12:00etan, Antoniutti parketik.
26an eta 27an, grebara deitu du baita ere Espainiako Estatuko Ikasle Sindikatuak.
Grebara jo dute bigarren hezkuntzako, lanbide heziketako eta unibertsitateko ikasleek. Ikastetxeen ohiko jarduna gelditu eta kaleak hartu dituzte “negozioen eta inposizioen” hezkuntzaren kontra Bilbon, Donostian, Gasteizen eta Iruñean. Goizeko aurreneko... [+]
Ikasle Abertzaleak taldeak grebarako deia egin du martxoaren 20rako. Negozioen eta inposizioen hezkuntza borrokatu goiburuarekin manifestazioa ere eginen dute 12:00etan Iruñeko Foruen Plazatik aterata. Unibertsitatera sartu aurretik eta goi mailako ikasketak egiterako... [+]
Eusko Legebiltzarraren aurrean elkartu dira Ikasle Abertzaleak-eko kideak martxoaren 13rako ikasle grebara deitzeko. “Azken hilabeteetan borroka prozesuak martxan jarri ditugu Euskal Herriko ikastetxe eta campusetan eta, orain, pausu bat gehiago emateko unea dela uste... [+]
Irailaren 27an epaituko dituzte 'Leioako 5ak', 2016an Leioako campusean izan zen ikasle mobilizazio baten harira. 45.000 euroko eta 40 urteko zigorrak eskatzen dituzte haientzat. Aste honetan ere mobilizazioak egingo dituzte, auzipetutako bost lagunen eskualdeetan nahiz... [+]
2016ko apirilean atxilotu zituzten Leioako 5ak, errepresioaren aurkako ikasle protesta batean. Zazpi urteren ostean izango da epaiketa, irailaren 27an, eta 39,5 urteko espetxe-zigorrak eta 45.000 euroko kalteordainak eskatuko dizkiete. Epaiketaren atarian, haietako birekin... [+]
Aurtengo edizioan Eskoriatza, Aretxabaleta eta Aramaio igaroko dituzte. Tailerrak, bertso-saioak, hitzaldiak, kontzertuak, eta abar antolatu dituzte hiru egunez. “Hausnarketarako eta formakuntza politikorako espazioa” izatea dela helburua azaldu dute.
Gazte Koordinadora Sozialistak eta Ikasle Abertzaleakek antolatu dute topagune sozialista. "Sozialismoaren kultura politikoa jaso, sakondu eta hedatzeko alternatiba sozialista eraiki behar" dela azaldu dute.
Selektibitatea hezkuntzaren elitizazioan sakontzeko mekanismoa dela salatu du Ikasle Abertzaleak antolakundeak. Bitarteko gutxien dituzten ikasleen heziketa prozesuan oztopo bat gehiago dela azpimarratu dute.
Martxoaren 30eko greba egunean, Ikasle Abertzaleek deitutako manifestazioek kaleak hartu dituzte Bilbon, Donostian, Gasteizen eta Iruñean, "Enpresarien hezkuntzaren aurrean, ikasle langileok borrokara" lelopean.
"Elite ekonomikoen araberako hezkuntza" dugula, eta enpresen eta hezkuntza zentroen arteko harremanak, jakintza-alor batzuetan jartzen den indarra, funtzio diziplinatzailea, kontrol sistemak… horren erakusgarri direla iritzi diote Ikasle Abertzaleek. Greba eguna... [+]
Martxoaren 30eko grebako propaganda egiten ari zela eraman dute atxilo Gasteizko ikaslea, asteazkenean. Ikasle Abertzaleak-ek elkarretaratzea egin du atxiloketa salatzeko. Ostegun goizean, berriz, lau ikasle identifikatu ditu Poliziak Ibaetako campusean.
2021-2022 ikasturtean ikasle greba deitu zuten Ikasle Abertzaleek, martxoaren 24an. Gasteizen 34 ikasle atxilotu zituen Poliziak, eta azken hilabeteetan EHUk gutuna helarazi die, espedienteak irekiko dizkietela jakinaraziz. Unibertsitatetik kanporatzeko arriskuan leudeke, beraz... [+]
Mugimendu Sozialistako bi kidek Poliziaren partetik jazarpen jarraitua pairatu dutela salatu dute. Irekita zeuzkaten prozesu judizialek etorkizunean eragin liezazkieketen balizko kalteen aurrean laguntza eskaini diete militanteei, trukean Mugimendu Sozialistari buruzko... [+]
Gasteizko campusean 34 ikasle atxilotu zituzten IAk martxoaren 24rako deitutako greban, eta "desordena publikoak" eragitea leporatzen diete. Urtarrilera bitartean deklaratu beharko dute.
Ikasle Abertzaleak (IA) erakundeak grebara deitu ditu gaur Hego Euskal Herriko Bigarren Hezkuntzako ikasleak eta ikastetxe ugaritan greba egiteaz gain, lau hiriburuetako mobilizazioetan milaka ikasle bildu ditu. Ikasle Sindikatuak ere bat egin du greba deialdiarekin, baina ez... [+]