EH Bilduk Nafarroako landa eremuko etxebizitzak birgaitzeko plan bat exijituko dio Nafarroako Gobernuari
Nafarren %68,3 biltzen dituzten 21 udalerri tentsio handiko eremu izendatuko dituela aditzera eman du Begoña Alfaro kontseilariak. Albistea begi onez hartu arren, EH Bilduk aurrekontuak babestearen truke herrietan “hutsik dauden etxebizitzak bizigarri” egitea eskatuko duela aurreratu du Laura Aznal bozeramaileak.
Azaroaren 5eko Nafarroako Parlamentuko eledunen prentsaurrekoan bi gai izan dira nagusi: Valentziako uholdeak eta Begoña Alfaro Etxebizitza, Gazteria eta Migrazio Politiketako kontseilariak iragarritako neurri berriak. Etxebizitzaren prezioak murrizteko asmoz, Foru Gobernuak 21 udalerri tentsio handiko eremu izendatuko ditu, haien artean Iruñea, Tutera, Lizarra, Tafalla, Corella, Noain, Cintruénigo, Baztan eta Altsasu. Guztira biztanleriaren %68,3 hartzen dute.
Legebiltzarreko bozeramaile guztiak Valentzia eta inguruko biztanleriaz gogoratu dira haien mintzaldiaren hasieran. UPN, PP eta Voxek Espainiako errege-erreginen bisita txalotu eta Pedro Sanchezena kritikatu dutela kenduta, talde politikoen mezuen artean ez da desberdintasun nabarmenik egon uholdearen ondorioak deitoratu eta elkartasuna helaraztea lehenetsi dutelako errudunak bilatzearen gainetik. “Beranduago denbora izango dugu horretarako”, esan du PPko Javier Garcíak.
Etxebizitzaren inguruko neurriei dagokienez, ordea, Garcíak gogor kritikatu du Nafarroako Gobernua: “Beste behin ere lege berri bat ezkutuan garatzen ari dira. Oso nekagarri da astero-astero azalpenak eskatzea, parlamentuko talde politikoek ezertaz informatzen ez gaituztelako. Agerian geratu da berriro gobernu honen gardentasun falta”. UPNko Javier Esparza, aldiz, ez da gai honetaz mintzatu eta Voxeko Maite Nostik “tentsioko eremuek bertako eskariarengan izango duten eraginaren inguruko kezka” adierazi du.
EH Bilduk oso bestelako irakurketa egin du. Laura Aznalen hitzetan “oso ona” da albistea eta “pozik hartu behar da”. Izan ere “aspaldi” ari ziren “neurri hau eskatzen”. Eledunak azpimarratu du proportzionalki estatuko beste edozein erkidegotan baino biztanle gehiagori mesede egin diezaiokeela neurriak.
Hala ere, Begoña Alfarok aipatutako udalerriak handienak direla gogorarazi du eta “landa eremua” ez ahaztea eskatu du Aznalek. EH Bilduk 2025eko aurrekontuak babestearen truke, “hutsik dauden landa eremuko etxebizitzak bizigarri egiteko konpromisoa” exijituko duela esan du. Horretarako ezinbestekoa izango da “gobernuaren eta udalen arteko elkarlana, hauek baitute hirigintzako eskumena”, gogora ekarri du.
Kolaborazio horixe bera aipatu du Contigo-Zurekineko Carlos Guzmánek eta “sektore pribatua” sartu du ere ekuazio horretan prezioen erantzule gisa. Azkenik, Geroa Baiko Pablo Azconak “etxebizitza eskubide unibertsala bermatzeko eta negozio ez bihurtzeko edozein neurri ona dela” eta “Gobernuaren politiken ildotik doala” esan du.
Abenduaren 14an etxebizitzaren negozioaren aurkako manifestazioa egingo dute Bilbon, etxebizitza sindikatu nagusiek deituta. “Doako eta kalitatezko etxebizitzaren alde eta politikarien eta instituzioen fartsaren aurka” mobilizatzera dei egin dute. Ane Salvador... [+]
Etxebizitza Sindikatu Sozialistak eta Harituk antolatuta, manifestazio bat izan zen ostegun arratsaldean Iruñeko Alde Zaharrean. "Etxebizitzaren negozioaren aurrean, eta hura sustatzen duten politikarien aurrean, etxebizitza eskubide unibertsalaren benetako defentsa... [+]
Abenduaren 14an Bilbon etxebizitzaren negozioaren aurkako mobilizazio nazionala antolatu dute Euskal Herriko Etxebizitza Sindikatu Sozialistak eta Euskal Herriko Etxebizitza Sindikatuen Sareak. Ia 200 izan dira auziarekiko elkartasuna adierazi duten eragileak.
Horren nabarmenki izan ez bada ere, Gipuzkoako gainontzeko lurraldeetan ere gora egin du etxebizitzaren prezioak. Modu berean higiezinen salerosketa ere handiagotu egin da, antza inflazioaren eta interes tasen jaitsiera dela eta, Gipuzkoako Higiezinen Jabetzako Agenteen Elkargo... [+]
Alokairuen bidezko espekulazioa oztopatzeko neurria azaroaren 25etik goiti izanen da indarrean Ipar Euskal Herrian. Momentuko, tentsiopean diren Lapurdiko 24 herriei eraginen die: Ahetze, Angelu, Arbona, Arrangoitze, Azkaine, Basusarri, Baiona, Biarritz, Bidarte, Biriatu,... [+]
Tanta hotzak Valentzian eragindako hondamendiak irudi lazgarriak utzi dizkigu; batetik, izan dituen berehalako ondorioengatik, eta, bestetik, nolako etorkizuna datorkigun aurreratu digulako: halako fenomeno klimatiko muturrekoak gero eta ugariagoak eta larriagoak izango direla,... [+]
Polizia etxegabetzea geratu nahi zituzten herritarren aurka oldartu da eta hainbat lagun zauritu ditu. Azkenean, etxegabetzea atzeratu duela jakinarazi du epaitegiak.
Enplegua izanik ere hipoteka ordaindu ezin dutelako Laboral Kutxak etxegabetuko dituela salatu du Auzoan Bizik. Ostegun goizean "erresistentzia” egitera deitu du etxebizitza sareak.
Lanaren Ekonomiaren 8. denboraldia etxebizitzaren gatazkari helduz hasi da, Karla Pisano, Roser Espelt, Miguel Virizuela eta Argiako Jon Tornerrekin. Bi barikutan behin 11:00tan izango da irratsaioa.
Asteburu honetan Euskalduna Jauregian Euskadiko Etxebizitza eta Dekorazio Higiezinen-aretoa egon da. Sustatzaile eta higiezinen agentziek eraikuntza berriko promozioak eta bigarren eskuko etxebizitzak eskaini dituzte partikular eta profesionalen erosketa eta inbertsiorako... [+]
Etxebizitzaren auzia aspalditik datorren egiturazko arazoa da. Giza eskubidea izan behar lukeena, gehienez ere eskubide subjektiboa baino ez da. Iruzurra dela diot instituzio eta alderdi politiko guztiek hitz politak esan arren, ez diotelako muinari heltzen. Egun, enpresa... [+]
Bilboko Udalak ez du lizentzia berririk emango, hirigintza planean etxebizitza turistikoen figura arautu bitartean. "Kautelaz" jokatzea erabaki du Juan Mari Aburtoren udal gobernuak, baina gehienez ere urtebeteko epea eman dio debekuari.
Mailegu enpresa batek emakumeari "iruzur" egin diola salatu du Uribe Kostako Etxebizitza Sindikatu Sozialistak, eta mobilizatzeko deia egin du Astrabuduako etxegabetzea gelditzeko. 10:30ean agertu dira segizio judiziala eta Ertzaintza etxegabetzea gauzatzeko,... [+]
Iruzur baten biktima izan da emakume bat, eta horren ondorioz bota nahi dute bere etxetik. Kaleratzeari aurre egitera deitu du Uribe Kostako Etxebizitza Sindikatu Sozialistak: asteartean, 09:00etan, Astrabuduako Aldaieta Bideko 7. zenbakian elkarretaratuko dira.