Migrazioa oztopatzeko asmoz Mexiko eta AEB arteko muga ixtea erabaki du Bidenek

  • Migrazio politikaren gogortzea dakarren dekretua izenpetu du ekainaren 4an AEBetako presidente Joe Bidenek eta asteazken honetan sartu da indarrean neurria. Testu horrek dio egunean 2.500 zeharkatze ilegalen langa gaindituz gero (asteko batezbestekoa eginez), muga erabat itxiko dutela eta asilo eskaerak ezingo direla bideratu.

AEB eta Mexikoren artean eraikitako pareta. Argazkia: Sandy Huffaker

2024ko ekainaren 05an - 15:59
Zarata mediatikoz beteriko garai nahasiotan, merkatu logiketatik urrun eta irakurleengandik gertu dagoen kazetaritza beharrezkoa dela uste baduzu, ARGIA bultzatzera animatu nahi zaitugu. Geroz eta gehiago gara, jarrai dezagun txikitik eragiten.

Azarorako dituzte presidentetzarako hauteskundeak AEBetan eta kanpaina giroan ohikoa denez, migrazioaren gaiak hartzen du protagonismoa hautagaien adierazpen eta promesetan. Hori horrela, AEBen eta Mexikoren arteko migrazio politika gogortzearen aldeko dekretua pasa du ekainaren 4an Joe Biden presidenteak eta asteazken honetan sartu da indarrean. Dekretu horrek asilo politikaren gogortzea dakar: egunean 2.500 zeharkatze ilegalen langa gaindituz gero (asteko batezbestekoa eginez), muga erabat itxiko lukete eta asilo eskaerak ezingo lituzkete bideratu. Egoera irudikatzeko, gaur egun batez beste legez kanpokotzat jotako 3.500 aldiz zehazkatzen dute muga egunero. Abenduan 10.000 izan ziren. Pertsona migratzailea egun edo ordu gutxiren buruan jatorrizko herrira kanporatzeko eskumen anitzez zabalagoa ere ematen die dekretuak AEBetako indarrei.

Zehaztu dutenez, kasu batzuei ez zaie bideratuko dekretua: bidean bakarrik diren umeei, giza trafikoaren biktimei, bakarrik doazenei eta bidaia iparralderago jarraitu nahi dutenei, osasun larrialdia dutenei, jatorrizko herrialdean haien bizia arriskuan dutenei edota torturatuak izan direnei, eta muga gurutzatu aurretik CBP One aplikazioan ordua eskatu zutenei.

Dekretuaren beharra horrela azaldu du AEBetako presidente eta demokraten hautagaiak: "Gure mugaren gaineko kontrola berreskuratzeko eta [asiloaren] prozesuan ordena berriz jartzeko". Muga zeharkatzeagatik atxiloturiko kopurua 1.500era jaitsiz gero berriz abiatuko lukete asilo eskaeren prozesua. Jakinik AEBen eta Mexikoren arteko mugan 1.500 atxilotu izan ziren azken aldia 2020ko uztailean izan zela –hots, pandemiagatik mundua geldirik zegoenean–, zaila da irudikatzea muga horren irekitzea.

Kritikak jaso ditu Bidenek, eta aurreko presidente Donald Trumpen logika eta tresna berak erabiltzea leporatu izan zaio. Aurkariak, justiziaren bidetik saiatuko dira dekretuaren ezeztatzen.


Kanal honetatik interesatuko zaizu: Migrazioa
Milioika migratzaile esplotazioaren eta eskubide gehiegikerien biktima, Europako nekazaritza-sektorean

Langile migratzaileek indarkeria, lanaldi luzeak eta ordainketa eskasak modu ohikoan jasaten dituzte, Europako bederatzi estatutan egindako ikerketa baten arabera. Gutxienekoa baino soldata baxuagoak jaso ohi dituzte ia estatu guztietan, eta emakumeek are soldata baxuagoak.


2024-07-11 | Gedar
Diru truke, pertsona migranteei muga igarotzen lagundu dien pertsona bat atxiki dute

Gutxienez 33 pertsonaz aprobetxatu da. Irunen jaso eta Ipar Euskal Herrira eraman ditu, dirua kobratuta.


Mugak Zabaltzen karabana Balkanetara joango da, migrazio “nekropolitiken” aurka

Lehen ediziotik zortzi urte igaro direnean, salaketa eta elkartasun ekimen hau Balkanetako mugara abiatuko da datorren uztailaren 12an, 21 arte.


Mugak Zabalduz

Aurten ere, Mugak Zabalduz karabanan ia ehun lagun abiatuko gara Euskal Herritik, Europaren migrazio politikak, eta aurten bereziki onartu berri duen Migrazio eta Asiloko Paktua, salatzeko asmoz. Aurten Balkanetako mugara joango gara, Bosnia Herzegovinako Bihac hirira; hor... [+]


“Buruan tiro puta bat” emateko eskatuz, Donostiako Martutenen herritar talde batek biolentziarako deia egin du

Martutene auzoan lapurretak ugaritu direla aitzakia hartuta, iaztik, hainbat dira Martutene auzoan eztabaida eta polemikak. Segurtasun talde bat sortu zuten hainbat bizilagunek, “Ertzaintzak ezer egiten ez zuela iritzita”. Pauso bat urrunago joan dira orain, eta... [+]


Isa Egiguren, kazetaria: “Egoera zaila da eta erreskateak konplikatuak izan daitezke, horregatik psikologikoki ondo prestatuta joan behar gara”

Aita Mari ontzian salvamento marítimo humanitario izeneko gobernuz kanpoko erakundearekin lanean ari da Isa Egiguren kazetaria.


2024-06-27 | Gedar
Melillako sarraskiari buruzko ikerketa artxibatu du Marokoko Fiskaltzak

Duela bi urte, Marokotik Melillara igaro nahian ari ziren ehunka pertsonari eraso egin zieten polizia-indarrek, eta gutxienez 70 lagun erail zituzten, nahiz eta kopuru zehatza ez dagoen argi. Gertakarien inguruko ikerketa amaitutzat jo dute Marokon, iritzita ez dagoela... [+]


2024-06-20 | Gedar
Kolonbiako hainbat gazteri iruzur egin dio Arrasateko pertsona batek

Futbolarien agente bat dela antzeztuta, gazteei dirua eskatu eta Kolonbiatik migratzera bultzatu ditu iruzurgileak, sinetsarazita Euskal Herriko futbol talderen batek interesa izan zezakeela haiengan. Gutxienez 25 pertsona engainatu ditu, eta pilatuta izan ditu azpialokatutako... [+]


Itsaso zabalean migranteak ontzitik botata ito dituzte Greziako kostazainek, BBCren arabera

Ekainaren 16an Britainia Handiko BBC telebista kateak publiko egin duenez, Greziatik Europara joan nahi zuten pertsonak modu basatian hil izan dituztela frogatzen duten lekukotasunak bildu dituzte. Greziako uretatik irten eta brankatik behera itsasora bota dituzten bederatzi... [+]


2024-06-13 | Gedar
Adin txikiko pertsona migratuak indarrez tokialdatzeko erreforma bat onartu dute Espainiako Estatuan

Atzerritartasun Legea aldatzea adostu dute Kanariek eta Espainiako Gobernuak: lurralderen batek pertsona migratuak hartzeko duen "gaitasunaren %150" gainditzen denean, estatuko beste erkidego batzuetara mugitzera behartuko dituzte adingabeak.


Migrazio eta Asilo ituna: Europaren legatu kolonialista denon begien bistan

Europar Batasunean berriki onartu den Migrazio Itunak, asko zaildu dizkie gauzak euren herrialdetik ihesi doazen eta asiloa eskatzen duten pertsonei. Eskuin muturraren tesiak ogi tartean irentsita, migratzaileentzako kontrol neurri zorrotzagoak onartu dituzte Estrasburgon,... [+]


Eguneraketa berriak daude