Migrazioa: diskurtsotik errealitatera


2020ko uztailaren 09an - 14:47
2019ko abuztuan Jaurlaritzaren ordezkaritza batek Share plana aurkeztu zion Vatikanoko Pietro Parolin kardinalari. Egun berean Urkullu lehendakariak oroigarri bat eman zion Aita Santuari, San Pedro plazako Entzunaldi Publikoa aprobetxatuz. Argazkia: euskadi.eus.

Paperak dena jasan dezakeela zioten asteburuko asanbladan. Instituzioak herritarron beharrizanei erantzuteko urrats bat atzetik ditugula sarriegi. Horretan gaude migrazioaren gaiarekin Euskal Herrian. Lau urte beteko dira egoera jasangaitzaren aurrean harrera solidarioak herri antolakuntzaren bideari ekin zionetik, Greziako mugetan hasita.

Europako kanpo mugen itxiera pil-pilean, errefuxiatuak beren bizitzaren aldeko bidaian hiltzera kondenatu genituen. Denok haiei begira, ez egite berak kriminalitatea saihets zezakeelakoan.

Orduan, pertsonok saretzeari ekin genion gure munduko txoko honetan, herriz herri familiekin, auzoz auzo gazteekin. Eta Bilbon 2018ko udan, gutarron elkartasun kulturak dirauela frogatu genien basamortua eta itsasoa gurutzatu zutenei.

"Trumpekin denak haserre ditugun honetan, hemen –Bilboko San Frantzisko auzoan...– Ertzaintza arrazializatuaren atzetik dabil dokumentazio eske"

Egoerari erantzuteko beharrizana ikusi zuen Eusko Jaurlaritzak ere. Erronka migratzaile berrientzako Share planaren proposamena egin zuen uda ostean, irtenbideen emaile. Prentsaurreko ugari. Baina egunez egun, herri antolakuntzak, familiak eta gazteak kaletik jasotzen jarraitu zuen, haientzako lekua nondik atera jakin ezinik bada ere. Erregularizazio prozesua saiatu ahal izateko eskatzen zaien hiru urteko penitentzian, bizirauten, altxatzen, formatzen, gozatzen bidelagun. Instituzioak zertan dabiltzan jakin gabe. Share planeko Berrizko aterpetxetik jendea berreskuratzen: trantsituko gunea dela eta bertan denbora gehiegi pasa dutela esanez kanporatzen baitzuten jendea, aterpetxea hutsik egon arren.

Armen Komertzioa eta Esportazioa Euskadin txostena plazaratu zuen Eusko Jaurlaritzak urtebetera. Kode etiko batek armagintzaren sarraskia zuritzerik balu bezala. Migrazioan duen arduraz, erantzukizunaz ahazterik bagenu bezala.

Ba al dago bakeaz hitz egiterik armak salduz, Bilboko portua lehergailuen garraiorako erabiliz edo Palestinako lur okupatuak desegingo dituen tranbia CAFek eraikitzea onartuz?

Herri mugimenduak, baina, sistema desobeditzen jarraitzen du oinarrizko eskubideen obeditzeko. Nahi duten bezain polit erakutsiko digute. Baina harreran saretu dugun gure komunitatea antolatzen gabiltzan bitartean, instituzioek migratu pobretuari irtenbideekin ez, lege injustuz erantzuten diote.

Elkartasunaren saretze lanetan irtenbideak ematen gabiltzanoi, Eusko Jaurlaritzak isunez kolpatu eta itxieraz mehatxatzen gaitu pertsona papergabeekin enpresak sortzerakoan, lan ikuskaritzaren makinaria erabiliz (Artea Sarean egin duen bezala).

Ez dituzte 'patera pisuak' onartzen etxebizitzarako aukerarik ez dagoen arren, ezta alokairuan ere. Eta urtetan hutsik dauden kapitalaren eraikinak okupatzea erabakitzen denean, desalojatzen gaituzte espekulazioa lehenetsiz, pertsona zaurgarriak kale gorrian utziz (Zornotza, Gernika...).

Trumpekin denak haserre ditugun honetan, hemen –Bilboko San Frantzisko auzoan...– Ertzaintza arrazializatuaren atzetik dabil dokumentazio eske, bere bizimodua zalantzan jartzeko.

Hipokrisia horretan dabil igerian Eusko Jaurlaritza.

Argi izan, baina, gure komunitatea defendatuko dugu! Paperak denontzat! Lana denontzat! Etxebizitza denontzat! Ondo bizitzera etorri gara mundura.


Kanal honetatik interesatuko zaizu: EAEko hauteskundeak 2020
2020-09-01 | Ramón Grosfoguel
Juan Carlos Monederori erantzuna: Podemos alderdiaren jokabide kolonialista

AEBetako Berkeley Unibertsitateko irakaslea eta pentsamendu dekolonialean aditua da Ramón Grosfoguel. Artikulu honetan, Galiziako BNGren eta Euskal Autonomia Erkidegoko EH Bilduren azken hauteskundeetako emaitzez iritzia ematen du, Podemos alderdiko Juan Carlos... [+]


2020-07-26 | Karmelo Landa
Non dago, baina, zure garaipena

Hauteskundeak izan dira oraingoan Euskal Herriaren mendebalde honetan, eta horien ondoren gerta ohi denez, erabateko garaipen loriatsua (auto)aldarrikatzera abiatu da prestu irabazten lar ohituta dugun EAJ.

Luza dakioke gaur EAJri esaldi klasikoan egiten den galdera: Non dago... [+]


2020-07-20 | Z. Oleaga
"Penko" kolektiboa EAEko hauteskundeetan

Demokrazian penko, suspentso, kate, gutxiegi. Politika egiteko oinarritzat hauteskundeak eta bozak dituen jendarte batek hori esan beharko lioke bere buruari herritarren erdiak "festan" parte hartu ere egiten ez duenean, ezta?


2020-07-19 | Aritz Galarraga
HUMANITATEAREN UNE GORENAK
Bozkaleku baten agortze saiakera

Data: 2020ko uztailaren 12a (igandea). Ordua: 13:00. Tokia: H. herriko bozkaleku nagusiko kanpoaldean dagoen banku bat. Eguraldia: orduak iraun dituen euri jasa baten azken tantak. Jende mugimendu etengabea atarian. Talde handirik ez. Gehienak banaka, binaka, trioren bat... [+]


2020-07-19 | Juan Mari Arregi
Eskuineko eta ezkerreko politikak daude

Iñigo Urkullu jarduneko lehendakariak eta bere alderdiak hauteskunde kanpainan esan dutenez, “ezkerrekoak eta eskuinekoak jada ez dira existitzen”. Gaur egun EAEn nagusi den politikaren alternatibarik existituko ez balitz bezala, hau da, ez balego bezala... [+]


Eguneraketa berriak daude