2022ko urtarrilaren 26a
Euskoa Europako lehen tokiko moneta da, milioi bat baino gehiago eusko zirkulazioan direlarik, 2013an abiatu zenetik izandako dinamikari esker. Orain hozka batez gora egitea da xedea, Euskoz ordaintzearen ekintza norma bilakaraziz, zeren, euskoz hobe!
Artikulu hau Enbata-k argitaratu du eta CC-By-sa lizentziari esker ekarri dugu ARGIAra.
Euskal Herriko milaka militantek, elkarteetan duten engaiamendua edo egiten dituzten erosketen bidez egunero inguramenaren, euskararen, laborantza herrikoiaren, tokiko enpleguaren edo zirkuitu laburren alde ekiten dute. Euskoaren baloreekin guztiz bat egiten dute… baina soilik euroa baliatzen jarraitzen dute, alta beraien eguneroko ekintza indartuko lukete euskoa baliatuz.
«Euskoz Hobe! Avec l’Eusko, c’est mieux !» lemarekin trantsizio ekologikoa, euskara, tokiko ekonomia edo laborantza herrikoiaren alde diharduten guztiak beraien ekintza indartzera bultzatu nahi ditugu euskoa erabiliz.
Mugimendu horretan parte hartzen dugunak milaka bagira, eta bihar hamar milaka Euskal Herria inguramena gehiago errespetatzen duen, enplegu sortzailea den eta euskararen presentzia bizi publikoan indartsuagoa duen dinamika batean iraunkorki sartzen ahalko dugu.
Nola egin ekintzetara pasatzeko? Gaur egun eusko kontuari esker, oso erraza da euskoak denbora guztian zurekin izatea. 1 500 lagun baino gehiagok eusko kontua irekia dute, eta urte hasieratik egunero bi gehiago irekitzen dira.
Euskoz Hobe kanpaina berri hau guztientzat ekintzetara pasatzeko gomita bat da sinpleki linean eusko kontu bat (hemen) irekiz edo Eusko aldagune batera joanez bazkidetza hartzeko edo euroak euskotan trukatzeko (aldaguneen zerrenda hemen da).
Kanpaina hau 2020eko Eusko Eguna arte luzatuko da afitxaketa kanpaina batekin, eta lurraldeko toki ezberdinetan gure presentzia indartuz. Izan ere, uda honetan hamabi bat besta baino gehiagotan izango gira, herritarrengana joateko.
Besten zerrenda:
EHZ Festibala ekainaren 28a ostiralarekin eta 30a igandearekin Irisarrin.
Donamartiriko bestak uztailaren 6an larunbata
Lehuntzeko bestak uztailaren 6an larunbata
Uztailaren 21a igandea: Merkatua Baionako Sainte Catherine karrikan.
Bidaxuneko gaueko merkatua uztailaren 22an astelehena.
Uztailaren 24etik 28a arte: Baionako bestak.
Azkaineko bestak agorrilaren 15an osteguna
Garaziko bestak agorrilaren 17an larunbata
Sarako bestak irailaren 8a igandea
Ibarrungo bestak Senperen irailaren 29an igandea
Poteo – Eusko Elkarteen Eguna Ziburun Urrian
Lurrama Miarritzen azaroaren 8tik 10a arte
Egizu gurekin bat, kanpaina honetan parte hartzeko: zure lagunei, komertsanteei, elkarteetan euskoaz hitzegin, eta erraiguzu zeintzuk diren beraien ikustera joan gaitezen!
Eta, ez ahantzi kontu bat irekitzea oraindik egina ez baduzu engaiamendu sinple eta eraginkor bat baita, eta zure eguneroko eusko erabilpena erraztuko dizu.
Bidali zure iritzi artikuluak iritzia@argia.eus helbide elektronikora
ARGIAk ez du zertan bat etorri artikuluen edukiarekin. Idatzien gehienezko luzera 4.500 karakterekoa da (espazioak barne). Idazkera aldetik gutxieneko zuzentasun bat beharrezkoa da: batetik, ARGIAk ezin du hartu zuzenketa sakona egiteko lanik; bestetik, egitekotan edukia nahi gabe aldatzeko arriskua dago. ARGIAk azaleko zuzenketak edo moldaketak egingo dizkie artikuluei, behar izanez gero.
Goiko esferetan mugitzen diren gizaseme zoriontsu guztiak antzekoak dira, eta egin behar ez luketen zerbait egiten atzematen dituzten guztiak berriz, bakoitza bere modukoa. Boris Johnson eta Iñaki Urdangarin, BoJo eta Besoluze –horrela deitzen omen dio Juan Karlos... [+]
Azaroan Hego Euskal Herriko Eliteak: boterearen azterketa ikerketa lana aurkeztu zen. Ikerketa, talde lana izan da eta EHUko Jon Diaz Egurrolak zuzendu du, Paulo Iztuetaren laguntzarekin. Halaber, ikerketa eta argitalpena Ipar Hegoa eta Manu Robles Arangiz fundazioek finantzatu... [+]
2022. urte atari honetan, opari prezagarria egin digute Euskal Itzultzaile, Zuzentzaile eta Interpreteen Elkarteak; Euskal Editoreen Elkarteak; Euskal Idazleen Elkarteak eta Galtzagorri Elkarteak, Hitzak Zaindari ekimena abiaraziz. “Euskal literaturaren hitzen zaintza... [+]
