Emakumeak borrokan

Mende bat igaro da Rosa Luxemburgo eta Karl Liebknecht hil zituztenetik

  • Asteburuan Berlinen oroitu dituzte duela 100 urte faxistek hildako bi erreferente iraultzaileak.

Gorka Pe˝agarikano @gorkap34
2019ko urtarrilaren 14a

Alemaniako mugimendu ezkertiarrek, alderdi ezkertiarren babesarekin, asteburuan ekitaldi garrantzitsua izan dute Berlinen: Rosa Luxemburgo eta Karl Liebknecht komunisten erailketak oroitu dituzte. Eskuin muturreko alemaniarrek 1919ko urtarrilaren 15ean hil zituzten biak, eta bi aste lehenago fundatu zuten Alemaniako Alderdi Komunista. Erailketa hauen ondoren hilketa gehiago egon ziren, eta faxismoaren indarra areagotzen hasi zen herrialde osoan barrena.

Milaka herritar bildu dira Berlinen oroimen ekitaldian. Tartean izan dira Europako zenbait ordezkari politiko. Astean zehar ere izango dira ekitaldiak, hiriko eskuin muturreko mugimenduek oztopatu nahi dituzten arren. Larunbatean izan zen saiakerarik: oroimen ekitaldiaren ondoren manifestazioa egin zuten eskubide demokratikoen alde eta faxismoa gaitzetsiz, eta eskuin muturrekoen partetik oihuak eta txistuak izan ziren. Polizia bertan zen eta bertako hedabideek jakinarazi dutenez, ez zen istilurik izan.

100 urte erreferente izaten

“Rosa Luxemburgoren figura aldaezina eta ukiezina da”, adierazi zuen Stefan Heinz Berlingo Unibertsitate Libreko irakasleak. Estalinismoaren aurretiazko irudi "eraldatzaile" bat dela esan zuten omenezko ekitaldian. Alemaniar eta ezkertiarren historian duen garrantziaz hitz egin zuen Heinzek: “Lehen Mundu Gerraren ondoren Alemaniako ezkerra zapaldua zegoen, eta bi hauen jarduna ahaztezina da: ideia ezkertiarrak etxetik atera zituen”.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Komunismoa  |  Alemania

Komunismoa kanaletik interesatuko zaizu...
'Kamarada' dokumentala finantzatzeko crowdfundinga abiatu du Intxorta 1937 elkarteak

Celestino Uriarte Arrasateko miliziano komunistaren bizitzan oinarriturik, erresistentzia antifrankistan aritutako hainbat lagunen testigantzak biltzea du helburu Kamarada dokumentalak.


Xi Jinpingekin Txinan belaunaldi berezi batek sendotu nahi du agintea

Txinako Alderdi Komunistaren azken biltzarrak Mao Zedongen pare ipini du Xi Jinping, honen pentsamendua Lemazain Handi harena bezala ikasiko delarik eskoletan. Alderdiko idazkari nagusi, errepublikako lehendakari, armadaren buru... ulertu behar da Xi Jinpingek bere eskuetan bildu dituela Txinako botere guztiak? Munduko herrialderik handieneko aginte jokoak hainbat ikuspegitik analizatu daitezke. Belaunaldien dinamikatik aztertzeak, esaterako, asko balio dezake.


Azkenak
EGILEA
Eguneraketa berriak daude