Francisco Francok aurreko etxeejabeekin akordio bat asmatu zuen, Galizian atsedenerako erabiltzen zuen kokalekua eskuratzeko. Espainiako Gobernuak notaritzako akta hori erabili nahi du orain diktadorearen oinordekoei eraikina eskatzeko.
Iruzurra eginez eskuratu zuen Francok Galizian zuen Meirásko pazo edo jauretxea. El País egunkariak kaleratu duenez, Espainiako Estatuko Abokatutzak 1938ko notaritzako akta bat aurkitu du engainua azalerazi duena, eta hori erabiliko du diktadorearen familiari eskatzeko itzuli dezala eraikin baliotsua.
Akta horretan azaltzen da aurreko etxejabeak, Emilio Pardo Bazanek, A Coruñako jende esanguratsu batek osaturiko batzorde bati saldu ziola jauretxea 400.000 pezetaren truke. Baina handik hiru urtera, eraikina berriz saldu zion diktadoreari etxejabe berak, kasu honetan 85.000 pezetaren truke. Abokatutzaren esanetan, bi kontratuetako bat faltsua da beraz, eta Francorekin sinaturikoa dela nabarmen uzten du orain eskuraturiko aktak.
Galiziako Parlamentuak iaz ofizialki eskatu zion Espainiako Gobernuari eraikina ondasun publikora itzuli zezala eta Francoren familia erabiltzen ari den "amarru legalak" ere salatu zituen, BNGren eskariz.
Meirásko pazo-a herritarren eskura itzularaztea frankismoaren kontrako eta oroimenaren aldeko borroka sinbolikoa bihurtu da. 2017an hainbat lagun sartu ziren jauretxen protesta egitera eta horren ondorioz urte askotako kartzela zigorra eskatu dute haientzat diktadorearen ondorengoek eta Francisco Franco fundazio filofaxistak.
Madrilgo Cuelgamurosen, Erorien Harana deituriko monumentuan arkeologoak egiten ari diren indusketetan etengabe ari dira jasaten eskuin muturreko jendeen presioa, hala adierazi du Pako Etxeberria auzitegi-medikuak. Egunotan, biktima errepublikarren senideek bisitatu ahal izan... [+]
1971n hainbat euskal abadek Zamorako espetxe hartatik ihes egiteko plana bertan behera geratu zen, poliziek tunela deskubritu ondoren. Nicanor Acosta abade-ohi komunistak Apaiz Kartzela dokumentaleko egileei elkarrizketa batean esan zien Santiago Carrillo izan zela salatzailea:... [+]
Hiru urteko lanaren emaitza jaso du Iruñeko Udalak sinatutako dekretuak. Auzotik sortutako ekimenari esker, zazpi kale eta hiru plaza izendatuko dituzte.
Fuerteventura (Kanariar Uharteak), 1954ko otsailaren 11. Tefiako Nekazaritza Kolonia abian jarri zuten uharteko aireportu abandonatuan, basamortuaren erdian. Nekazaritza kolonia eufemismoaren atzean, praktikan, kontzentrazio eremua izan zen Tefia, nagusiki LGBTI komunitateko... [+]