Medikuntzako graduazio ekitaldian EHUk euskarazko lerroko ikasleak bigarren mailakotzat dituela kritikatu dute
Sare sozialetan zabaldutako bideoan ikus daitekeenez, medikugai batek kritika gogorrak egin dizkio EHUri, batik bat medikuntza euskaraz egiteko oztopoengatik. Medikuak ez dira izan bakarrak halako kritikak egiten, Odontologia, Fisioterapia eta Erizaintzakoek ere euskara lehen lerrora ekarri dute.
Ikasleek euskaraz bizitzen saiatzeagatik jasotako jazarpena salatu du ikasleak graduazio ekitaldian. Hizkuntza erasotzen duten neurrian ikaslek erasotzen dituztela dio, eta EHU dela medikuntza ikasleak bigarren mailako ikasle gisa tratatzearen erantzule. Pazientea bere hizkuntza ere badela azaldu du. Euskal gizarteak euskal medikuak behar dituela aldarrikatu du ikasleak, eta gaineratu du, aurrerapausoak eman badira irakasle eta ikasleen ahaleginagatik izan dela, ez EHUk hartu dituen erabakiengatik. Osakidetzak eta EHUk medikuntza euskaraz eskaintzeko eta mediku euskaldunak izateko bidean borondaterik ez dutela kritikatu du ikasleak.
Euskarazko lerroaren egoera mahai gainean jartzeaz gain, beste hainbat kritika egin ditu ikasleak. Emakumeak erasoak jasateaz nazkatuta daudela adierazi du eta ez direla isilduko. Mezu transfoboak, xenofoboak eta homofoboak jaso izana ere salatu du. Munduko ginekologoentzat mezu zuzena bota du: “Bi emakumeren arteko sexu harremanak ez dira mitologia hutsa”. Transexualitatea gaixotasunarekin lotzen duen ideia betikotzea kritikatu du.
Hona sei minutuko bideoa:
Euskal Herrian Euskarazek apirilaren 22tik 28ra egingo du lehen aldiz Harrotze Astea. EHEk bost ekintza nazional prestatu ditu, eta hortik aurrera, herriz herri hainbat dinamika antolatuko dituzte euskaltzaleek. Sugoi Etxarri EHEko kidea elkarrizketatu dugu. Haren ustez,... [+]
Hizkuntza eskubideen urraketekin lotutako 909 kexa jaso zituen Behatokiak 2023. urtean. Horien %75 baino gehiago administrazioari loturiko zerbitzuei buruzkoak dira: “Herritarrek salatzen dute urtero horma berdinaren aurka borrokatzen jarraitzen dutela”.
Korrikak lehen asteburua Nafarroan egin du, eta argi ikusi dugu ez dagoela Nafarroa bat, ez eta hiru ere, baizik eta hainbat. Herriz herri egoera soziolinguistikoa eta euskaltzaletasuna erabat aldatzen dira, eta Korrika ere izan da horren lekuko.
Euskal Herriko 16 ikasle Parisen dira astearte honetan, euskaraz ikasteko eskubidea aldarrikatu eta horretarako neurriak har ditzatela eskatu diete diputatuei, Frantziako Legebiltzarrean. “Urduri gaude, baina badakigu zer erran nahi dugun”, adierazi diote goizean... [+]
Taldea ezagutarazteko eta proiektua finantzatzeko antolatu dute egun osorako egitaraua.