Martxan da KoopFabrika, interkooperazioa eta lurralde sareak helburu

  • Ekintzailetasun sozial eta kooperatiboa bultzatzeko programaren aurkezpen instituzionala egin dute astelehenean Hernaniko Iturola Elkarlan Sorgunean, KoopFabrikaren saio trinkoei hasiera eman dietela aprobetxatuz.

ARGIA @argia
2019ko otsailaren 05a
KoopFabrikako saio trinkoan parte hartu behar duten ekintzaile sozialak, Hernaniko Iturolan (arg.: KoopFabrika)

Badira urte batzuk ekintzailetasun soziala bultzatzeko programa martxan jarri zutenetik eta aurtengo edizioak baditu hainbat berritasun. Besteak beste, joan den urte amaieran iragarri zuten moduan, parte hartzeko bi formula jarri dituzte aukeran: saio trinkoak batetik, eta ibilbideari lotutakoak bestetik –ikasketekin edo beste lan jardunekin bateragarriak–. Izena urteko edozein unetan eman ahal izango da gainera.

Lehenengo saio trinkoei hasiera eman diete astelehenean Hernaniko Iturola Elkarlan Sorgunean eta ekimena bultzatu eta finantzatu duten instituzioak ere bertan izan dira azalpenak ematen. KoopFabrika Gipuzkoako Foru Aldundiak finantzaturik dago eta Beterri-Buruntza Udalak erakundeak ere laguntzen du. Azkeneko honen lehendakari Jon Zuluetak datu bat eman du: azken hiru urteetan eskualdean 25 proiektu sozioekonomiko sortu dira programari esker eta 60 lagunetik gorari eman diete lana.

KoopFabrikaren helburua da talde-lanean oinarrituriko enpresak sortzea, gizarte eraldaketa bultzatuko dutenak, lankidetza eta komunitatearen ahalduntzearekin batera. Gipuzkoako Foru Aldundiko ordezkariak berak, Joseba Amondarainek, aitortu du “asmo indibidualetatik harago, proiektu kolektiboak” sustatzen dituelako dela interesgarria.

Hiru eragileren artean daramate programa: EHUko GEZKI institutua, Mondragon Unibertsitateko Lanki ikertegia eta OlatuKoop ekonomia sozial eraldatzailearen sarea. Hiruren ordezkariak izan dira Hernanin saio trinkoen aurkezpenean eta hiruek azpimarratu dute “ezberdinen” artean lankidetzan aritzeak duen balioa. OlatuKoopeko Leire Udaberen aburuz, beharrezkoa da Gipuzkoan erreferentziazko sare bat sortzea interkooperazioa eta lurraldetzea helburu izango duena, “ekonomia pertsonen zerbitzura jarriz, eta ez alderantziz”.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Ekonomia eraldatzailea  |  Hernani

Ekonomia eraldatzailea kanaletik interesatuko zaizu...
2019-01-27 | Miren Osa Galdona
1987-an langileek Antza inprimategia sortu zuten
Paperaren gotorlekua

2019-01-15 | Antxeta Irratia
Bidasoako KoopFabrikak doako formakuntzak antolatu ditu

Bidasoako Koop Fabrikak antolatuta, doako formakuntza egitaraua osatu dute datozen hilabeteetarako. Saioak "BDS Koop eraldaketa fabrika"-n izango dira.


Utzi bakean Strand liburu-denda

New York, 1927. Benjamin Bass izeneko etorkin lituaniarrak liburu-denda bat ireki zuen Fourth Avenuen, aurreztutako 300 dolar eta maileguan hartutako beste 300 erabilita, eta Strand jarri zion izena, Londresko kalea gogoan.


OlatuKoop Bidasoak hartuko du eskualdeko KoopFabrikaren ardura ekimen sozio-ekonomikoak martxan jartzeko

Berrikuntzekin dator hirugarren edizioa. Hasieratik esleituko zaio tutore bat ekintzaile bakoitzari, eta urtarriletik ekainera bitartean irauten duen programa osoan zehar, bi formazio txanda izango dituzte eskuragarri.


2018-12-16 | Iņigo Igartua
Energia burujabetza Oņatin
Azken jauzia

Urriaren 11z geroztik, energia berriztagarrien sektorean barneraturik dagoen Goiener kooperatiba Oñatiko Ur Jauziak enpresaren bazkide da ofizialki. 2015. urtean Energiaren Euskal Erakundeak enpresatik irteteko asmoa erakutsi ostean, Oñatiko Udalak bilatzen zuen bazkide tekniko berria da. Udalerriko etxeetara ailegatzen den energiaren ziklo osoa euren esku izateko urrats garrantzitsua da.


2018-12-13 | Hiruka .eus
Kanpaina "antikontsumista" Itzubaltzetan: doako azoka

Gabonetako kontsumoari aurre egin guran, doako azoka antolatu du Getxoko Itzubaltzeta/Romo auzoko Matraka gazte asanbladak. Hala, norberak erabiltzen ez dituen gauzak Etxe Merkean uzteko deia egin dute, ondoren egingo duten azokan behar duenak behar duena har dezan.


2018-12-12 | Iņigo Igartua
Ekintzailetza soziala
Koopfabrikako aurtengo edizioan etengabe eman ahal izango da izena

KoopFabrika Olatukoop, Lanki eta GEZKI eragileekin elkarlanean antolatutako ekintzailetasun sozialerako programa da. Berrogeita hamar proiektutik gora finkatzen lagundu du azken urteetan.

 

 


Kazetaritza independentea
Denon ondarea, denon esku

Ehun urte beteko ditu ARGIAk 2019an. Urte guztiotan kulturgile, idazle eta kazetari askoren lokarri izan da euskarazko kazeta dekanoa. Hedabide baten mendeurrena ez ezik, euskal prentsaren bilakaera guztia ospatu eta aitortzeko urtea da beraz. ARGIAk ibilbide horretan sorturiko ondarea herritarren esku jarriko du: bere zenbaki guztiak eta argazki artxibo historikoa digitalizatzeko proiektua abian da.


2018-11-28 | ARGIA
G7ak Biarritzen egingo duen gailurraren aurka mobilizatzeko plataforma sortu dute

Datorren urteko abuztuan, Biarritzen egingo dute gailurra Mendebaldeko zazpi potentzia ekonomikoek. Euskal Herriko hainbat eragilek plataforma aurkeztu eta deia egin dute egun horietan mobilizatzeko, “kapitalismoak irudikatzen duen mundua errotik aldatzea beharrezkoa delako” eta “beste mundu bat sortzea posible eta premiazkoa delako”.


Eguneraketa berriak daude