Manifestazio jendetsuak protesta egin du Altsasuko gazteen sakabanaketagatik
Lehenbizi isolamendu zigorra jarri zioten Adur Ramirezi, ekainaren 3an elkartasuna erakutsi zion martxari eskerrak emateagatik. Leihotik egin zien oihu: “Eskerrik asko!”. Hamaika eguneko isolamendu zigorra ezarri diote horregatik.
Adur Martinez de Alda iaz Altsasun bi guardia zibilekin izandako liskarraren ondorioz auziperatuetako bederatzi gazteetako bat da. Hiruk espetxean jarraitzen dute: isolamendu zigorraz gain, Aranjuezeko espetxera eraman dute Martinez de Alda; Oihan Arnaiz Navalcarneroko espetxera. Jokin Unamuno Soto del Realen utzi dute.
Presoez gain, sakabanaketak gazteen gurasoei ere eragiten die, orain familia bakoitzak espetxe batera joan beharko duelako. Egoera hau salatzeko iragan larunbatean 2.500 pertsonak manifestazioa egin zuten Altsasun.
Gazteen senideek egoera hau ulertezintzat jo dute eta mendekuarekin lotu gertatzen ari dena, “mehatxu eta zigor zurrunbilo honen atzean ez dago sendotasunik”.
Duela bi aste, Espainiako Auzitegi Gorenak terrorismo delitutzat jo zituen Altsasuko liskarrak eta, beraz, gertaerak Auzitegi Gorenean epaitu behar direla ebatzi zuen, Nafarroako Lurralde Auzitegiak Nafarroan epaitzeko egindako eskaria atzera botaz.
Ekainaren 14an zazpi hilabete beteko dira espetxeratu zituztenetik eta herri mural bat sortuko dute Altsasuko Iortia Plazan 19:00tatik aurrera.
Ostegun honetan estreinatu da Madrilen 2016ko Altsasuko gazteen atxiloketa eta auzipetzea ardatz dituen antzezlana La Abadia antzokian, Voxek zentsura kanpaina handia egin ondoren.
Giza Eskubideen Europako Auzitegiak ez du aintzat hartu Altsasuko gazteek epaiketa bidezkoa izan zuten aztertzeko eskakizuna. Auzipetutako gazteetako batek, Iñaki Abadek, eman du jakitera berria.
Espainiako Auzitegi Nazionalaren ebazpenean dago oinarritua erabakia eta dioenez, Altsasuko gazteak zigortu zituen ebazpenean ez zen terrorismorik aipatzen, beraz, ez administrazioak ez Auzitegi Nazionalak ezin dute terrorismoaren biktimen kalte ordainik onartu.
