Marokok Askapenako brigadistak jazarri ditu Saharatik kanpo ere
Astelehenean Saharatik kanporatu ostean, Marokoko poliziak ordubetez atxikita izan ditu Askapenako brigadistak.
Maroko hegoaldeko Guelmin hirian bizi den saharar komunitatearekin elkartzera zihoazela, polizia autobusera igo eta sei brigadistak jaitsarazi ditu. Ordubetez errepidean izan ostean, taxian sartu eta Agadir hirira bidali dituzte berriz. Poliziak izandako jarrera oldarkor eta bortitza salatu du Askapenak.
Ostegunean Agadirtik Guelmin hirira abiatu ziren brigadako sei kideak, Marokoko lur horietan bizi diren sahararren etxeetara. Hiri sarrerara heldu arte bidaia arazorik gabe joan zen, baina behin hara iritsita “brigadistentzat soilik muntaturiko kontrol poliziala” aurkitu zutela azaldu du Askapenak. Kalez jantzitako zenbait polizia autobusera igo, brigadistei pasaportea eskatu eta autobusetik jaitsarazi zituzten.
Polizia komisarioak esan zien herri horretan ez zirela ongietorriak eta ordurako han zen taxian sartzeko, Saharatik kanporatzean egin zuten bezala. Sei euskal herritarrek uko egin zioten taxian sartzeari eta poliziak komisario burua heldu arte errepidean atxikita izan zituen.
Erakunde internazionalistaren arabera, polizia “oso urduri eta asaldatuta” zegoen eta komisario burua heltzean, garrasika eta kolpeka oldartu zitzaien brigadistei. Bitartean, kideetako batek Espainiako enbaxadara deitu zuen.
Ordubeteren ostean, “bultzaka eta oihuka” taxian sartu zituzten azkenean eta berriz Agadir bidean jarri. Poliziaren zaintzapean egin zuten bidaia, atzetik jarraika eta tarteka taxi gidariari deituz.
Erabat isolatzeko nahia
Marokoko gobernuak sahararren aurka darabilen isolatze-politika salatu du Askapenak. Inor “saharar bakar batekin ere” bil ez dadin, brigadistak Saharatik kanpo ez ezik, Marokoko lurretan ere ez dituztela nahi adierazi dute.
Munduko gatazka ugariak kontatzera ohituta, oraingoan bere gatazka propioari jarri dizkio berbak Ebbaba Hameidak (Tindufeko errefuxiatu guneak, 1992) bere lehen eleberrian: Flores de papel (Paperezko loreak) (Peninsula, 2025). Hiru belaunalditako emakume banaren istorioak... [+]
Harea-erloju baten bidez irudikatu ohi da denboraren joana. Ospatu berri dugu Saharako Errepublika Arabiar Demokratikoak 49 urte bete dituela iragan den otsailaren 27an. Urte hauetan guztietan, harearen pisuak ez du oraino estali Saharako populuaren askatasun-nahia eta... [+]
Mendebaldeko Saharako giza-eskubideen egoeraren azterketa egiteko bidaia egin dute Euskal Fondoko eta Eusko Legebiltzarreko kide batzuek. Hegazkinetik ezin izan dute jaitsi ere egin. Legebiltzarkideek Marokoren jarrera “lotsagarria eta onartezina” dela adierazi dute.
Historikotzat nekez har daitekeen argazkiaren erdian agertzen den neskatoa idazten ari da, zer eta izenorde zerrenda bat: ni, zu, hura, gu, zuek, haiek. Beherantz begira egonik, neskatoaren begirada nolakoa den antzeman ezinik gelditu naiz ni.
Argazkilariaren lanari soraio,... [+]
, Nafarroako parlamentuan..jpeg)
Bizikidetasunaren eta Nazioarteko Elkartasunaren batzordeak Munduko Medikuak erakundearen eskaera onetsi du, PSNk aurka bozkatu duen arren. Irailean zehar 40 bat lagunek Mendebaldeko Saharatik Madrilera bidaiatu zuten nazioarteko babes eske eta dagoeneko haietatik hamasei... [+]
Emmanuel Macron Frantziako presidenteak Marokoko Mohamed VI erregeari gutuna bidali dio babesa adierazteko.
Ostiral arratsaldean deportatu behar zuten, baina hegaldiaren komandanteak ez zuen sahararraren bidaia ahalbidetu, hegaldia segurua ez zela izango argudiatu zuelako, EFEk jaso duenez. Bilboko Guardia Epaitegiak larunbat goizaldean gaztearen “askatasun-gabezia... [+]
Ostiral arratsaldeko 15:00etan deportatuko dute Bilbotik Tangerrera doan hegaldi batean, EITBk informatu duenez. Espainiako Auzitegi Nazionalaren arabera, “gaur egun ez dago demandatzailearen bizitzarako edo osotasun fisikorako berehalako arrisku edo arrisku... [+]
Gizona Marokotik zetorren hegaldi batetik iritsi zen eta asiloa eskatu zuen, jazarritako ekintzaile politikoa zelako. Ukatu egin zioten eta gaur deportatu behar zuten, baina atzeratu egin dute. Abokatuek Auzitegi Nazionalaren aurrean aurkezturiko “erreguzko... [+]
Arnas luzeko kazetaritza maite du Kristina Berasainek. Kazetaritza pausatua. Haimaz haima ibili da sahararrekin hizketan, kontakizunak eta testigantzak bilduz, gero horiek guztiak liburu eder batean harilkatzeko. Pasioz eta pazientziaz, ia 50 urte erresistentzian daraman saharar... [+]
Sahara, herri bat erresistentzian liburua argitaratu du Kristina Berasainek. Urte luzez jarraitu du Mendebaldeko Saharako gatazka, 2005ean BERRIA egunkariko kazetari gisa lurralde okupatuetara lehen aldiz bidaia egin zuenetik.
Mendebaldeko Sahararen alde egingo dute kontzertua hilaren 22an, Kursaalean. Bertan izango dira Oreka TX, Eñaut Elorrieta, Mikel Urdangarin, edo Minatu Embarek, Nayat Hosseinek eta Hayuh Ramsik artista sahararrak, besteak beste. Sahararrak gerran daudela ez dela ahaztu... [+]
Mendebaldeko Saharako Smara hirian urriaren 29an jaurtigaiekin izandako eraso ezezagun batek gorenean jarri du Fronte Polisarioaren eta Marokoko armadaren arteko gerra. Gaza bezala, harresi luze batez inguratuta dago herrialde osoa, eta Israelek palestinarrekin egin bezala,... [+]
Benjamin Netanyahu Israelgo lehen ministroak gutun bat bidali dio Marokoko Mohamed VI.a erregeari, "harremanak sendotzeko" pausoa emateko. Astelehenean baieztatu du asmoa dutela okupatutako Mendebaldeko Saharako Dakhla hirian kontsulatua irekitzeko.