Israelgo Gobernuak formalki onartu dio Marokori Mendebaldeko Sahara euren menpe dagoela
Benjamin Netanyahu Israelgo lehen ministroak gutun bat bidali dio Marokoko Mohamed VI.a erregeari, "harremanak sendotzeko" pausoa emateko. Astelehenean baieztatu du asmoa dutela okupatutako Mendebaldeko Saharako Dakhla hirian kontsulatua irekitzeko.
aurre egingo dieten hedabide independenteak
Marokoren eta Israelen arteko “harremanak sendotzeko” pausoa izan da astelehean bi estatuetako agintariek baieztatu dutena, Israelgo Kanpo ministro Eli Cohen-ek nabarmendu duenez. Benjamin Netanyahu Israelgo lehen ministroak Marokoko Mohamed VI.a erregeari helarazitako eskutitzean formalki aitortu du Marokok Mendebaldeko Sahararen gaineko kontrola duela.
Cohenek erabakia ospatu du eta azpimarratu “bakea eta lurraldeko egonkortasuna” areagotzen lagunduko duela. Marokoko agintariek espero dute erabaki honek sustatuko duela Israeletik inbertsio gehiago iristea.
Netanyahuk gutunean zehaztu duenez, Israelen posizioaren berri emango diete “Nazio Batuen Erakundeari, lurraldeko nahiz nazioarteko erakundeei, baita Israelek harreman diplomatikoak dituen estatu guztiei ere”. Israelgo Gobernuak iragarri du asmoa dutela kontsulatua irekitzeko Dakhla hirian, okupatutako Mendebaldeko Sahararen hegoaldean. Beste 28 estatuk, gehienak afrikarrak eta arabiarrak, kontsuletxeak dituzte Dakhlan eta Laayoune-n, Al Jazeera hedabideak gogorarazi duenez, eta Marokok ulertzen du hori dela lurralde horren gainean duen kontrola beste estatuek babesteko modua.
Marokoren okupazioari babesa
2020an hasi ziren estutzen Israelgo eta Marokoko agintarien arteko harremanak. AEBetako orduko presidente Donald Trumpekin egindako akordioan Marokok onartu zuen Israelekin “harremana normaltzea”, eta trukean, Trumpek aitortu zion Marokori Mendebaldeko Sahara bere menpe dagoela.
Bide beretik jo zuen Espainiako PSOEren gobernuak ere, 2022ko martxoan. Pedro Sánchez presidenteak Mohamed VI.a erregeari bidalitako gutunean onartu zuen Marokok 2007an Sahararentzat egindako autonomia proposamena, "erresumen arteko harremanak estutzeko" helburuz. Kritika andana jaso zuen, eta Aljeriako eta Txinako agintarien kontrakotasuna piztu zuen, besteak beste. Espainiak munduko herrialde gehienen eta nazioarteko legediaren aurkako erabakia hartu zuela leporatu zioten hainbat eragile eta aktibistek. Aintzat hartu behar da sahararrek ez dutela onartzen Marokoren proposamena, eta NBEk autodeterminazio-erreferenduma eskatzen duela “deskolonizatu gabe” dagoen lurraldearen gatazkari irtenbidea emateko.
"Saharar erradikalizatuek Estatu Islamikoaren burutza hartu dute Sahel-en". Izenburu asaldagarria, berriki argitaratua, baina hasierako asalduratik harago, testuaren irakurketa eta analisi sakonago bat eginda, honako ondorio hauek atera daitezke.
Kezka, ezinegona eta... [+]
Horbel kooperatibaren proiektu bati esker, errefuxiatuen kanpamenduetan bizi diren Saharako hamabi haur hartuko dituzte bi hilabetez Goierriko udalerri horretan. Orkli kooperatibaren Orklidea ekimeneko dirulaguntza jaso du proiektuak.
Munduko gatazka ugariak kontatzera ohituta, oraingoan bere gatazka propioari jarri dizkio berbak Ebbaba Hameidak (Tindufeko errefuxiatu guneak, 1992) bere lehen eleberrian: Flores de papel (Paperezko loreak) (Peninsula, 2025). Hiru belaunalditako emakume banaren istorioak... [+]
Harea-erloju baten bidez irudikatu ohi da denboraren joana. Ospatu berri dugu Saharako Errepublika Arabiar Demokratikoak 49 urte bete dituela iragan den otsailaren 27an. Urte hauetan guztietan, harearen pisuak ez du oraino estali Saharako populuaren askatasun-nahia eta... [+]
Mendebaldeko Saharako giza-eskubideen egoeraren azterketa egiteko bidaia egin dute Euskal Fondoko eta Eusko Legebiltzarreko kide batzuek. Hegazkinetik ezin izan dute jaitsi ere egin. Legebiltzarkideek Marokoren jarrera “lotsagarria eta onartezina” dela adierazi dute.
Historikotzat nekez har daitekeen argazkiaren erdian agertzen den neskatoa idazten ari da, zer eta izenorde zerrenda bat: ni, zu, hura, gu, zuek, haiek. Beherantz begira egonik, neskatoaren begirada nolakoa den antzeman ezinik gelditu naiz ni.
Argazkilariaren lanari soraio,... [+]
, Nafarroako parlamentuan..jpeg)
Bizikidetasunaren eta Nazioarteko Elkartasunaren batzordeak Munduko Medikuak erakundearen eskaera onetsi du, PSNk aurka bozkatu duen arren. Irailean zehar 40 bat lagunek Mendebaldeko Saharatik Madrilera bidaiatu zuten nazioarteko babes eske eta dagoeneko haietatik hamasei... [+]
Emmanuel Macron Frantziako presidenteak Marokoko Mohamed VI erregeari gutuna bidali dio babesa adierazteko.
Ostiral arratsaldean deportatu behar zuten, baina hegaldiaren komandanteak ez zuen sahararraren bidaia ahalbidetu, hegaldia segurua ez zela izango argudiatu zuelako, EFEk jaso duenez. Bilboko Guardia Epaitegiak larunbat goizaldean gaztearen “askatasun-gabezia... [+]
Ostiral arratsaldeko 15:00etan deportatuko dute Bilbotik Tangerrera doan hegaldi batean, EITBk informatu duenez. Espainiako Auzitegi Nazionalaren arabera, “gaur egun ez dago demandatzailearen bizitzarako edo osotasun fisikorako berehalako arrisku edo arrisku... [+]
Gizona Marokotik zetorren hegaldi batetik iritsi zen eta asiloa eskatu zuen, jazarritako ekintzaile politikoa zelako. Ukatu egin zioten eta gaur deportatu behar zuten, baina atzeratu egin dute. Abokatuek Auzitegi Nazionalaren aurrean aurkezturiko “erreguzko... [+]
Arnas luzeko kazetaritza maite du Kristina Berasainek. Kazetaritza pausatua. Haimaz haima ibili da sahararrekin hizketan, kontakizunak eta testigantzak bilduz, gero horiek guztiak liburu eder batean harilkatzeko. Pasioz eta pazientziaz, ia 50 urte erresistentzian daraman saharar... [+]
Sahara, herri bat erresistentzian liburua argitaratu du Kristina Berasainek. Urte luzez jarraitu du Mendebaldeko Saharako gatazka, 2005ean BERRIA egunkariko kazetari gisa lurralde okupatuetara lehen aldiz bidaia egin zuenetik.
Mendebaldeko Sahararen alde egingo dute kontzertua hilaren 22an, Kursaalean. Bertan izango dira Oreka TX, Eñaut Elorrieta, Mikel Urdangarin, edo Minatu Embarek, Nayat Hosseinek eta Hayuh Ramsik artista sahararrak, besteak beste. Sahararrak gerran daudela ez dela ahaztu... [+]
