Mendebaldeko Sahararen alde egingo dute kontzertua hilaren 22an, Kursaalean. Bertan izango dira Oreka TX, Eñaut Elorrieta, Mikel Urdangarin, edo Minatu Embarek, Nayat Hosseinek eta Hayuh Ramsik artista sahararrak, besteak beste. Sahararrak gerran daudela ez dela ahaztu behar gogoratu du emanaldiaren bultzatzaile Kristina Berasainek.
Sahararrekin bat egiteko kontzertu solidarioa egingo dute Donostiako Kursaalean abenduaren 22an. Hitzordua 20:00etan izango da, eta Saharari kantari diskoaren “kontzertu bakan eta ahaztezina” izango dela aurreratu du kazetari eta emanaldiaren bultzatzaile Kristina Berasainek.
“Ez da ahaztu behar sahararrak gerran daudela. Euskal Herritik beti egon da konpromiso handia Sahararekin, baina orain arte ez da halakorik egin”, azpimarratu du Berasainek. Kontzertu “solidarioa” izango dela nabarmendu du, “kulturatik kulturara keinua egiteko”. Saharako kultur ondarea babesteko erabiliko dute bildutako dirua.
Ondorengo musikari eta taldeak izango dira oholtzaren gainean: Oreka TX, Eñaut Elorrieta, Mikel Urdangarin, Esti Markez, Fariba Sheikhan, Bea Asurmendi, Idoia Asurmendi, Jon Maia, Iker Lauroba eta Postal Kolekzionistak eta Physis versus Nomos taldeak. Halaber, emanaldi berezi bat egingo dute artista saharar Minatu Embarek, Nayat Hosseinek eta Hayuh Ramsik.
Sarrerak erosi nahi ezkero, Kursaalaren webgunean daude eskuragarri, 25 eta 30 euroan.
Arnas luzeko kazetaritza maite du Kristina Berasainek. Kazetaritza pausatua. Haimaz haima ibili da sahararrekin hizketan, kontakizunak eta testigantzak bilduz, gero horiek guztiak liburu eder batean harilkatzeko. Pasioz eta pazientziaz, ia 50 urte erresistentzian daraman saharar... [+]
Sahara, herri bat erresistentzian liburua argitaratu du Kristina Berasainek. Urte luzez jarraitu du Mendebaldeko Saharako gatazka, 2005ean BERRIA egunkariko kazetari gisa lurralde okupatuetara lehen aldiz bidaia egin zuenetik.
Mendebaldeko Saharako Smara hirian urriaren 29an jaurtigaiekin izandako eraso ezezagun batek gorenean jarri du Fronte Polisarioaren eta Marokoko armadaren arteko gerra. Gaza bezala, harresi luze batez inguratuta dago herrialde osoa, eta Israelek palestinarrekin egin bezala,... [+]
Benjamin Netanyahu Israelgo lehen ministroak gutun bat bidali dio Marokoko Mohamed VI.a erregeari, "harremanak sendotzeko" pausoa emateko. Astelehenean baieztatu du asmoa dutela okupatutako Mendebaldeko Saharako Dakhla hirian kontsulatua irekitzeko.
Espainiako Kanpo Arazoetarako ministroak ukatu egin du Espainia Mendebaldeko Sahararen potentzia administratzailea dela. Baina bada.
Urteetan, Espainiak Sahararen gaian neutrala zela zioen, nahiz eta gezurra izan: partziala zen, oso. Marokoren alde. Palestinako Aginte... [+]