Talentu bila
Talentua garai honetan zaindu, babestu eta erakarri beharreko altxorra ei da. Horregatik, Kutxabankeko lehendakari Anton Arriolak hezkuntzan ingelesari garrantzi handiagoa eman behar zaiola adierazi du, eta euskara horretarako oztopo izan daitekeela Poloniatik etor litezkeen talentuak erakartzeko! Goldman Sachs-eko langile ohi eta gure Kutxa pribatizatuko egungo gidariak jakin dezala nik ditudan talentu eta diru apurrak uxatu egin dituela.
Talentu handiko poloniarrak ezagutzen ditut; euskara irakasten eta eleaniztasunaren onurak ikertzen ari dira gure artean. Euskarak eta haren biziberritze prozesuak liluratuta geratu dira; izan ere, Euskal Herriak zerbait izan badu munduari erakusteko, hori gure biziberritze prozesua izan da. Talentu handia bildu zen, debekatuta eta funtzio gehienetatik baztertuta zegoen hizkuntza gizarteko esparru guztietara eraman ahal izateko. Ekonomiazaleen hizkera erabilita, esan dezakegu gure biziberritzearen urrats haiek “esportatu” egiten ditugula, beste herri batzuei adierazteko zulotik irtetea posible dela. Beste herri horiengandik ere asko ikasten dugu, ekonomikoa ez den elkartruke zoragarri batean.
Gurera, zorionez, azken urte eta hamarkadetan talentu ugari heldu da. Ehunka hizkuntza ekarri dituzte, eta beste hainbeste mundu-ikuskera; benetako aberastasuna
Gurera, zorionez, azken urte eta hamarkadetan talentu ugari heldu da. Askok ingelesez hitz egiten dute, baina beste askok ez. Ehunka hizkuntza ekarri dituzte, eta beste hainbeste mundu-ikuskera; bene-benetako aberastasuna. Kapitalistek eleaniztasuna aipatu eta beste zerbait adierazi nahi dute: gaztelania, ingelesa, frantsesa, alemanera, txinera… ikastea. Horregatik, euskara ez zaie interesgarria egiten, ezta wolofa, hurdua, kitxuera edo amazigera ere.
Errealitate hori ekarri du argitara EAEko parlamentura bertara heldu den herritar horietako batek, Kolonbiatik etorritakoak, hain zuzen ere. Hizkuntza horiek, asko gutxituak eta inola ere ez mehatxua gurearentzat, gure artean direla adierazi du, konstatazio bat besterik ez. Bada, euskaltzale askok haren kontra egin dute, hizkuntza horiek etxean ondo, baina gure eskoletan, gure kaleetan inolako lekurik ezin dutela izan adierazita. Mehatxuak ez dauden lekuan ikustea talentu gutxiren adierazle baino gehiago beldurraren zantzua izaten da, baina izan daiteke jarrera ez oso sanoen adierazle ere, eta txekeatu egin behar ditugu.
Ze ona litzatekeen patioetan dauden hizkuntza horiek guztiek osatzea gure curriculumetako izaera eleanitza, gure seme-alabek euskara erdigunean eta ardatz, baina beste hizkuntza txiki horiei lekua eginez, ez soilik gaztelania edo ingelesari. Zein ona litzatekeen gure hizkuntza-eskoletan ere hizkuntza horietara hurbiltzeko aukera izatea, munduko hizkuntzen eta eleaniztasunaren eskolak bilakatzea. Noiz ikasiko dugu mehatxuak eta konplizeak bereizten?
Bidali zure iritzi artikuluak iritzia@argia.eus helbide elektronikora
ARGIAk ez du zertan bat etorri artikuluen edukiarekin. Idatzien gehienezko luzera 4.500 karakterekoa da (espazioak barne). Idazkera aldetik gutxieneko zuzentasun bat beharrezkoa da: batetik, ARGIAk ezin du hartu zuzenketa sakona egiteko lanik; bestetik, egitekotan edukia nahi gabe aldatzeko arriskua dago. ARGIAk azaleko zuzenketak edo moldaketak egingo dizkie artikuluei, behar izanez gero.
Lorazainok bi hilabete baino gehiago daramatzagu greban, eta, horietan, udaltzaingoek indarrez zapaldu gaituzte piketeetan. Hirian zehar jarraitzen gaituzten sekretek jazartzen gaituzte, eta mobilizazio bakoitzean zelatatzen gaituzte. Enpresak ez gaitu aintzat hartzen, eskaintza... [+]
Nork sinesten du urtebetean Ordiziako errealitatea goitik behera aldatu dela eta desorekak desagertu direla?
Udaberriko oporren ataritan egunkarietan Begoña Pedrosak eman zigun titularra: Ordiziak ez du desorekei aurre egiteko plan berezirik behar... [+]
“Hauxe titulu bitxia” erranen du aspaldian leitzen nauen ARGIAko irakurleak. Jakingo du halaber Stanley Kubrick zinegilearen azken filmaren zale amorratua naizela. Horrek hura esplika dezake. Funtsean, begiak zabal itxita begiratzen diogu munduari, bereziki Gazako... [+]
Badirudi Europar Batasuna eskalada beliko betean sartu dela. Munduaren ordena geopolitikoa kolokan dabil eta Europak bertan zuen pribilegiozko lekua galtzeko arriskua ikusi du. Autonomia estrategikoaren lemapean, beste neurri askoren artean, industria armamentistikoa... [+]
Euskal Herriko mugimendu abertzaleen hasieran, langile borrokak kanpotik inposaturiko zerbait balira bezala ikusi ohi ziren. Euzkadi egunkariko orrialdeetan maiz irakur zitezkeen sozialisten kontrako diatribak. Harritzekoak ere ez ziren erasook, egia esan, egunkari sozialistetan... [+]
13 urteko mutil bat da Adolescence telesailaren protagonista, bere eskolako neska bat erailtzeagatik atxilotua. Lau kapitulutan zehar saiatuko gara ulertezina ulertzen, baina gidoilariek ez digute azalpen errazik emango, baizik eta bullying dinamika nahasiak, manosferaren eragin... [+]
Diskrezioa edo zuhurtzia hitzak entzuten dizkiedanean buruzagi politikoei kezka sortzen zait. “Hobe izango da zuhurtziaz jokatzea”, esaten digute. Horixe izaten da estalkia jakiteko, era publikoan egin izan balitz, onargarria ez zatekeen operazioa era sekretuan... [+]
Unibertsitateko ikasleak azterketa garaian dauden bitartean, irakasleoi ikasturtea ixtea dagokigu. Irakasleak talde txikitan biltzean oso ohikoa da urte batetik besterako aldaketen gainekoak konpartitzea eta hausnarketaren brindis gisara ikasle belaunaldiaren
ezaugarritzea... [+]
Aspaldi egin nuen lantegi batean, kapitalismoaren izaera alderatu zuten itsasoan koipe jario batekin, zabaltzen doan orbana, bidean hondakina eta miseria sortzen duena eta garbitzeko zaila dena.
Egun, AAren koipea nonahi dugu,beharbada ezagunenak honakoak direlarik:... [+]
Zein da otordu egoki baten proportzioa. Nondik dator egunero ahora eramaten dudan ogia. Zergatik ez dut goserik. Nork erabakitzen du zu ez zarela ni, gu ez garela berdinak. Nola egiten da janaria. Non altxatzen dira dorre garaiak eta non harresi mortalak. Nork jaten du eskuekin... [+]
Europako lau presidente gudazaleek (Emmanuel Macron, Keir Starmer, Friedrich Merz eta Donald Tusk), maiatzaren 10ean 30 egunetako su-etena exijitu zioten Vladimir Putini. Errusiako presidentearen erantzuna: “Maiatzaren 15ean has gaitezen bakea negoziatzen... [+]
Hazparnen idekiko da –hau publikatzean ez bada jadanik egina– liburu denda berria. Et’abar deituko da. Denda tipia izanen da, euskarazko publikazioen eskaintza ukanen duena. Ez da Ipar Euskal Herri barnealdean bakarrik arituko. Hain zuzen ere, azken lau... [+]
Imajinatu kiroldegiko igerileku bat, sei kortxo ilarekin. Lerro horietako baten aurrean zutunik zaude. Lehenengo kalean adineko bi andre-gizon ikusten dituzu, beraien taularekin astiro-astiro igeri egiten. Bigarren kalean, aldiz, bi neska gazte dabiltza bata bestea baino estilo... [+]
Etxea euskal ohitura zaharretan hildakoen eta bizirik zeudenen espazioa zen. Hilda jaiotzen ziren umeak edo bataiatu aurretik hildakoak kanpoko horma baten ondoan lurperatzen ziren, teilatuaren babesean. Abizenak ere etxe bati lotuta zeuden, etxeak ematen zion izena bertan bizi... [+]