Marixol Iparragirrek preso jarraitzen du zigorra bete eta astebetera
Eskoriatzako Presoen Aldeko Plataformak eta Donostiako Antiguako Kalera Kalerak bihar Espainiaratuko dutela iragarri dute. Torturapean lortutako adierazpenak eta poliziak eraikitako frogak baliatuta Espainian berriz ere zigortua izateko arriskua dagoela salatu, eta bere askatasuna aldarrikatu dute.
aurre egingo dieten hedabide independenteak
Marixol Iparragirre Guenetxea euskal preso politikoaren egoeraren berri eman dute Eskoriatzako Presoen Aldeko Plataformak eta Donostiako Antiguako Kalera Kalerak, ohar baten bidez. Hogei urteko espetxe zigorra ezarri zion Frantziako Estatuak Iparragirreri, eta abuztuaren 27an bete zuen. “Kalean beharko luke, bere etxekoen artean”, dio oharrak. Aitzitik, preso jarraitzen du: “Reauko kartzelan daukate, Espainiako epaileen eskuetan jartzeko bere aurkako hainbat euroagindu eta estradizio eskaera onartu zituelako Frantziak”.
Presoen aldeko elkarteen esanetan, orduko estradizio eskaerak “polizia-etxe eta Guardia Zibilaren kasernetan torturapean erauzitako aitorpenetan eta polizia zerbitzuek eraikitako frogetan” oinarritu ziren. Hedabideek orain eskaera horietan jasotzen diren akusazioak zabaltzen ari direla salatzen dute, “bere kartzelatzea ezinbesteko bihurtzeko giroa sortuz. Eta, alderantziz, bere askatasuna, eskandaluzkoa edota gertaezin”.
Espainian espetxeratze nahi horren atzean “arrazoi argi bat” atzematen dute herri ekimenek: “Euskal Herrian kosta ahala kosta eraikitzen ari den bake ekimena sabotatzea”. Aldiz, gogoratzen dute Iparragirre ekimen horren “eragile eta aktibo” nagusietako bat izan dela urteotan. Besteak beste, 2017an eta EPPKko ordezkari gisa Frantziako eta nazioarteko hainbat eragile eta pertsonarekin eginiko bilerak nabarmendu dituzte, edo ETAren desagertzea iragarri zuen agiriari ahotsa jarri izana. Oharraren arabera, Iparragirre aske geratzeak “gatazkaren konponketan urratsak” emateko aukerak indartuko lituzke.
Asteazkenean kontzentrazioa
Estraditatua eta Espainian berriz ere zigortua izateko arriskuaren aurrean, kontzentrazioa deitu dute asteazkeneko 19:30etan Eskoriatzan, herriko plazan, ‘‘Estradiziorik ez, Marixol etxera’’ lemapean.
“20 urte zituen Marixol Iparragirrek torturatu eta ihes egin behar izan zuenean. 38 urte igaro dira geroztik. Berak borrokatu zuen erakundea ez dago jadanik. 86 urte bete berri dituen bere ama Maria Luisa Guenetxeak, hitz egin zuten azken aldian, agindu argia eman zion alabari: “Marixol, etxera! Nik jada erabili ezin dudan aitzurra zain duzu etxeko baratza lantzeko!”.
Aspiazu, aldi baterako Espainiaratua
Astelehenean Frantziak Garikoitz Aspiazu Rubina euskal preso politikoa Espainiaratu zuen aldi baterako Espainiaratu zuen. Auzitegi Nazionalean epaituko dute Aspiazu, José María Lidón epailearen hilketarekin lotuta.
Eusko Jaurlaritzak 2022an eskuratu zuen Zaballako (Araba), Basauriko (Bizkaia) eta Martuteneko (Gipuzkoa) kartzelen gaineko eskumena, eta ordutik uhalen edo eskuburdinen bidez loturik izan dituzten pertsonen inguruko datu batzuk eman ditu Maria Jesus San Jose (PSE-EE) sailburuak... [+]
Nafarroako espetxean dauden pertsonen bizi baldintzak aztertu ditu elkarteak. Ondorioztatu du Nafarroako Gobernua kartzelaren kudeaketaz arduratu beharko litzatekeela.
Espainiako Auzitegi Goreneko Fiskaltzak, Iratxe Sorzabal atxiloturik egon zenean "tratu gizagabeak" eman zizkiotela aitortzen duen epaia baliogabetzea eskatu du, eta berriz epaitu dezatela nahi du, 1995ean Irunen jarritako lehergailu baten harira.
PPk Senatuan proposatu du, gainera, euskal preso politikoek damua erakutsi behar izateko xantaia areagotzea.
Historikoa izan da, Monarkia Espainiarreko epaitegi batek honako ebazpen hau onartu du: "Iratxe Sorzabal zaintzeaz arduratzen ziren funtzionarioek elektrodoak aplikatu zizkioten deklaratzera behartzeko, eta horrek zera dakar, haren oinarrizko giza eskubideak nabarmen... [+]
Antolakunde "antierrepresiboak" ekainaren 7an Amnistia Eguna antolatu du Senperen. Eguna aldarriz josteko, egun osoko egitaraua antolatu dute. Nazioarteko beste erakunde batzuekin eta Aroztegiko Komitearekin mahai inguruak antolatu dituzte.
Ekimena larunbatean abiatuko da, Lesakatik, eta igandean amaituko da, Iruñean. Behin betiko konponbidea eskatzeko eta oraindik etxerako bidea egiteko duten presoen eskubideak aldarrikatzeko, orotara 544 kilometro egingo dituzte. Ekimena aurkezteko agerraldia... [+]
UPNk jarritako salaketa bati erantzunez hartu du erabakia auzitegiak. Apirilaren 17an gazte topagunearen baitan Berriozarren antolatutako "Kurdistan eta Euskal Herriko preso politikoen" aldeko ekitaldia da UPNk bertan behera utzi nahi izan duena "terrorismoaren... [+]
ELA, LAB, ESK, STEILAS, CGT-LKN, CNT, HIRU, EHNE eta ETXALDE sindikatuak, Sarek abiatutako Gotzon SOS kanpainara batu dira. 2019an antzeman zioten gaixotasun genetiko sendaezina 68 urteko preso politiko bilbotarrari. Sindikatuek gaixotasun larriak dituzten presoak kartzelatik... [+]
“Saihestu egingo dira giza eskubideen, ordenamendu juridikoaren eta espetxeetako tratamendu psikosozialaren aurkako balioak eta jarrerak babestea, justifikatzea eta goratzea ekar dezaketen adierazpenak”, dio, besteak beste, agiriak. Azaroan Eusko Jaurlaritzako... [+]
Asteazken eguerdian berreskuratu du askatasuna astigartarrak, zigorra osorik beteta. Espainiako Auzitegi Nazionalak otsailean inputatu zuen ETAren zuzendaritzako ustezko beste lau kiderekin batera, Gregorio Ordoñezen hilketa leporatuta.
Martxoaren 13an lau urte bete dira Fran Balda arbizuarra istripuz hil zela. Preso, iheslari eta deportatuen etxeratzearen alde egin zuen lan, eta haren bost kidek idatzi diote gutun hau.
Frantziako Poliziak 2002an atxilotu zuen zumarragarra, eta 30 urteko zigorra betetzen ari da. Sare Herritarrak mobilizazioa deitu du datorren ostiralerako, Urretxuko Potros Plazan.
Iratxeren Bidasoaldeko Lagunak ekimenak deituta, dozenaka lagun kalera atera ziren atzo Iratxe Sorzabal preso politiko irundarraren absoluzioa eskatzeko eta behingoz etxera ekartzeko, torturak salatzeaz gain.
Sare Herritarrak antolatuta, pasa den urtarrilaren 11n Bilboko kaleak bete zituen manifestazio jendetsuaren ondoren, berriz sortu da eztabaida, euskal presoei salbuespen legeriarik aplikatzen ote zaion. Gure iritzia azaltzen saiatuko gara.
Espetxe politikan aldaketa nabarmena... [+]