Maputxeak Korrika, mapuzugunaren alde

  • Otsailaren 16an mapuzugunak Temuco hiriko plaza nagusia hartu zuen eta maputxeek festa giroan hizkuntzak espazioak errekuperatzeko aldarria egin zuten.

ARGIA @argia
2018ko otsailaren 19a
Maputxeak otsailaren 16an Lefkantun (Korrika) ospatzen.

Mari mari da maputxeen agurra eta horrela hartu zuten otsailaren 16an Korrikaren ahizpa, Lefkantun.

Ekintzaile gazteek antolatzen dute urtero Wallmapu-n, maputxe herria bizi den lurraldean, eta beraien jatorrizko hizkuntza, mapuzugun-a, biziberritzeko ekimenetako bat da. Izan ere, euskararen bidean ikasitakotik, Korrikaz gain barnetegiak ere etxekotu baitituzte. Hizkuntzaren galera azkarra den garai hauetan sentsibilizazioa bereziki garrantzitsua da eta, hain zuzen ere, hori du helburu Lefkantunek.

Antolatzaileen artean Mapuzuguletuaiñ elkarteko kideak daude, Garabidek azken urteotan antolatutako Hizkuntza Biziberritzeko Gidaritzari buruzko Ikastaldi Trinkoan eta baita Hizkuntza Biziberritzeko Estrategiak Aditu Ikastaroan ere formatutakoak.

Lefkantun-en berri Garabidek eman digu ARGIAko Plaza!-an eta ondoko bideoa Garabide.eus-en ere aurkituko duzu:

 

 
ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal honetan artxibatua: Maputxe herria

Maputxe herria kanaletik interesatuko zaizu...
57 eguneko gose grebaren ostean Cordova preso maputxeari hamalau orduko baimena eman diote

Uztailaren 27an aske utzi zuten eta hamalau orduz rewea egiteko aukera izan zuen, bere energiak berritzeko erritual espirituala.


Sei maputxe gose greban, horietako bat 40 egunetik gora eta "bizia emateko prest"

Trangol anaiek haien sententziaren aurka protestatzeko eta Celestino Cordovari elkartasuna adierazteko hasi zuten gose greba uztailaren 4an. Beste hiru pertsona ere gose greban daude arrazoi beragatik


46 egun daramatza gose greban Celestino Córdova preso maputxeak

Celestino Córdova maputxeak 2018ko urtarrilaren 13an hasi zuen gose greba. Córdova “Machi”-a da, alegia, maputxeen “arbasoen autoritate espirituala”, eta Temuco hiriko kartzelan dago preso.


2018-01-05 | ARGIA
Aita Santuaren bisita dela eta protestak abiatu dituzte maputxeek

Temuco hiriburuko Garapen Indigenarako Erakunde Nazionalaren egoitza okupatu zuten dozenaka maputxek abenduaren 26an. Euren komunitatearen parte diren 7.000 lur hektarea itzultzeko eskatzen dute, lur horietan emango du meza Aita Santuak hil amaieran.


2017-10-18 | Andoni Mikelarena
Santiago Maldonado ekintzailearena izan daitekeen gorpu bat aurkitu dute Argentinan

Abuztuaren 1etik desagertuta dago gazte argentinarra. Azkeneko aldiz Herri Maputxearen aldeko mobilizazio batean ikusi zuten, poliziaren jipoiak jasotzen ari zela.


2017-09-01 | Xalba Ramirez
Benetton eta Argentinako estatua Maldonadoren desagerpenaren erantzuletzat jo dituzte

Abuztuaren batetik desagertuta dago Santiago Maldonado gazte argentinarra. Azkeneko aldiz herri maputxearen aldeko mobilizazio batean ikusi zuten Poliziak bera jipoitzen zuen bitartean. Benetton multinazionalak erositako maputxeen lurrengatik ari ziren protestan.


Txiletik kanporatu duten Iban Gartziaren bizipenak bideo batean

Uztailaren 21ean atxilotu zuen Gartzia Txileko Estatuko Poliziak. Bere aurka kanporatze agindua zegoela argudiatuta hurrengo egunean bidali zuten Espainiako Estatura. Askapena Euskal Herriko erakunde internazionalistak bideo batean bildu du Gartziak egun hartan bizitakoa.


2016-07-22 | Antxeta Irratia
Iban Gartzia irundarra atxilotu eta Txiletik kanporatu dute

Atzo arratsaldean atxilotu zuten, Txileko Estatuko Maputxe herriko komunitate batean zegoen euskal militantea. Ostegunero bezala, Maputxe herriaren historia ezagutzeko, eta Maputxeen Mapudungun hizkuntza ezagutzeko, unibertsitateko klasera zihoan militante irundarra. Momentu horretan, unibertsitatean, txiletar polizia agertu, atxilotu eta bere kontra kanporatze agindua zegoela esan zion.


Maputxeraren ofizializazioa eskatu dute 2.000 lagunek Temucon

Maputxeraren ofizialtasuna eskatzeko manifestazioa egin dute Temucon ostiralean. 1.500 eta 2.000 lagun artean bildu dira Mapuexpress gunean jaso dutenez. Hizkuntzaren aldeko lanean ari diren hainbat erakunde eta alderdik deitu dute mobilizazioa.


"Euskararen mugimendua ezagutzea senide batekin topo egitea bezala izan da"

“Zertarako lorpen guztiak, hizkuntzarekin batera nortasuna galtzen badugu?”. César Pilataxi kitxuaren gogoetak zabaltzen du Beltzean Mintzo: Ameriketako jatorrizko hizkuntzen arnasaz dokumentala. Zer ari da gertatzen Atlantikoaren bestaldean? Euskaldunon esperientziak nola lagun dezake prozesu horretan? Garabide elkarteak gaia mahai gainean jarri nahi izan du lan honekin.


Azkenak
EGILEA
Eguneraketa berriak daude