Manuel Lezertuak Ararteko kargua utzi du
Lezertua Arartekoa izan da 2015eko ekainetik, eta astearte honetan, hamar urte geroago, kargua utzi du. Titular berria hautatzeko prozedura ireki da.
aurre egingo dieten hedabide independenteak
Lezertuak karguari uko egin dio. Ararteko ohiaren hitzetan, beharrezkoa da "pertsona berri bat, ideia berriekin eta epe luzeagoko proiektu batekin". Ararteko berria izendatu arte, bere ondokoa, Inés Ibáñez de Maeztu jarduneko arartekoa izango da.
Lezertuaren helburua azken hamar urteetan izan da erakundea giza eskubideak eta askatasunak defendatzen "erreferente moduan finkatzea" eta, euskal administrazio publikoen eremuan, "araudia gizatasunez aplikatzea, pertsonen (batez ere ahulenen) inguruabarren arabera interpretatuz", Arartekoaren arabera.
Lezertuak prentsaren aurrean adierazpenak egin ditu. Datorren Arartekoak bete beharreko baldintzak azaldu ditu: "Pertsona independentea izan behar da, alderdi politikoekin loturarik ez daukana eta giza eskubideen defentsan ibilbide profesionala izan behar du". Agintaldiaren balorazioa eginez, ziurtatu du erakundea "indartu" dutela: "Erakunde sinesgarrria eraiki dugu. Hala ere, kasu gehiegi ditugu, pasa den urtean 15.000 kasu inguru izan genituen eta horri erantzuteko lan metodo berriak behar dira, gainera, arartekoaren legeak 40 urte ditu eta berrikuntzak egin beharko lirateke haren lana hobetzeko".
Arartekoaren hautaketa abian
Titular berria aukeratzeko, Eusko Legebiltzarraren hiru bosteneko gehiengoarekin onartu behar da izendapena. Egun legebiltzarkide gehien dituzten alderdiak EAJ (27), EH Bildu (27) eta PSE-EE (12) dira. Beraz, EAJ eta EH Bildu ados jartzearekin nahikoa izango litzateke. Bost urterako izendatzen da arartekoa eta behin bakarrik berrautatu daiteke. Hautaketarako orduan ez da posible "ez" botoa ematea, soilik "bai", abstentzioa eta boto zuria eman daitezke.
Jaurlaritzak ziurtatu du itxaron-zerrendak bi hilabetetik behera jaitsi direla azken hiruhilekoan. Manu Lezertua EAEko arartekoak, berriz, beste datu bat nabarmendu du herritarren kexei buruzko urteko txostenean: Osakidetzari dagozkion kexak %70 igo dira, eta batez ere... [+]
2 urtera arteko haurrek galarazita dute Debako haur liburutegian egotea, eta 2-6 urtekoek 16:30-17:30 artean baino ezin dute egon. Hogei urtez horrela funtzionatu duen ageriko diskriminazioa buka dadila eskatzeko ama talde bat elkartu denean, ezetz erantzun die udal gobernuak... [+]
EAEko ikasleen erdiak baino gehiagok eskola partikularrak jasotzen dituela eta jatorri migratzaileko ikasleak gehien segregatzen dituen Espainiako Estatuko bigarren erkidegoa EAE dela ere adierazi du Esade EcPol erakundeko Lucas Gortazarrek, EHUren udako ikastaroetan.
2023ko irailean, jatorri senegaldarreko hiru pertsonari Gasteizko gaueko aisialdirako lokal batera sarrera ukatu zieten. Diskriminazioa jasan zutenak eta lokaleko jabea Arartekoaren egoitzan bildu dira, eta akordio batera iritsi dira.
Arartekoak jakinarazi du EAEko erakundeek betetzen dituztela, oro har, herritarren segurtasunerako bideozaintzako arauzko eskakizunak. Dena den, zenbait gomendio mahaigaineratu ditu bideozaintzaren kudeaketa hobetzeko.
Egiari Zor fundazioak salatu du “tratu desberdina” jasotzen dutela torturaren biktimek beste biktima batzuekin alderatuta. Halaber, nabarmendu du izapidetze-prozesuan arazoak eta atzerapenak daudela.
Arartekoak “praxi okerra” antzeman du, eta biktimekin aritzen diren ertzainei "enpatiaz" jokatzeko neurriak eskatu dizkie, indarkeria matxista kasuetan bereziki.
Eusko Legebiltzarreko Hezkuntza batzordean izan da Noelia Da Costa EHUko ikaslea, bere kasua kontatzen: garun-paralisia du eta laguntzailea behar du, Arartekoak ere arrazoia eman dio, baina ikasturte osoa egingo du laguntzailerik gabe. Hori bai, EAJko parlamentariak batzordean... [+]
Arartekoak arrazoia eman dio Noelia Da Costa ikasleari: EHUk laguntzailea jarri beharko lioke, gasteiztarrak garun paralisia duelako eta unibertsitatean laguntza behar duelako komunera joan, berokia erantzi edota ordenagailua mahaian jartzeko. Arartekoaren ebazpena martxo... [+]
Zaballako preso bat Gasteizko Ospitalean hil ondotik, heriotza argitzeko babesa eskatu zion 2020an Salhaketa-Arabak Arartekoari. Azken horrek abenduan jakinarazi die kasuaren gaineko ikerketa artxibatu egin dela, eta Segurtasun Sailak ez diola eman ikerketaren eduki guztia... [+]
Bigarren aldiz jarraian Manu Lezertua Euskal Autonomia Erkidegoko Ararteko izango da, Eusko Legebiltzarreko kideen gehiengo zabal baten babesa jaso ondoren. Lehen aldia da Ararteko batek karguan errepikatzen duena.
Bizkaiko Foru Aldundiak hilabetean 15.978 euro ordaintzea eskatu dio emakumea bati. Kasua ezagutu ostean, Arartekoak Aldundiari eskatu dio Diru-Bilketa Erregelamendua moldatzeko, zaurgarritasun egoeran dauden pertsonek zorrari aurre egin ahal diezaioten.
Adinekoen egoitzen, eguneko unitateen eta etxez-etxeko laguntza zerbitzuen inguruan informazioa biltzen duen idazki bat banatu du Pentsiodunen Mugimenduak.
Nafarroako Arartekoak ere aurkeztu du 2019ko txostena. Jasotako kexa gehienak lotuta daude funtzio publikoarekin eta hezkuntzarekin.