Manifestazioa egin dute Bilbon erretiro-pentsioak eguneratzea eskatzeko
Bilboko Aste Nagusiko astelehenarekin bat eginez manifestazioa deitu zuen Bizkaiko Pentsiodunen Mugimenduak. 1.080 euroko gutxieneko erretiro pentsioa eta kalitatezko zerbitzu publikoak eskatu dituzte.
Milaka pertsona gerturatu ziren Bilbon abuztuaren 22an Bizkaiko Pentsiodunen Mugimenduak deitutako manifestaziora. Elkarretaratzea jai giroan burutu zen, txistularien eta batukadaren artean, Bilboko Aste Nagusiarekin bat eginez. Eliptika plazatik abiatu zen manifestazioa Areatzako jaigunerantz. Euskal Herritik ez ezik, Asturiasetik, Kantabriatik eta Galiziatik gerturatutako parte hartzaileek “Osakidetzako murrizketarik ez” eta “banka, lapurrak, itzul itzazue milaka milioiak” oihuak entzun ahal izan ziren ibilbidean, EITBk adierazi duenez.
Jon Fano Pentsiodunen Mugimenduko bozeramaileak komunikabideekin hitz egin zuen. Azaldu zuenez, gutxieneko 1.080 euroko pentsioa eskuratzeak emakumeei eragingo lieke gehien, haiek baitira kopuru horretatik beheren kobratzen dutenak. Osakidetzaren “desegitea eta pribatizazioa” ere salatu du eta bi gauza gogorarazi ditu: Bizkaiko pentsiodunek lau urte eta zazpi hilabete daramatzatela pentsio duin bat eskatzen eta urriaren 15ean Madrilen bat egingo dutela ekitaldi batean erretiro -pentsioak eguneratzea helburu duten beste taldeekin.
Euskal Herriko Pentsiodunen Mugimenduak bertso lehiaketa berezia jarri du martxan: "Bertsopentsiotan". "Ari garela, ari garela, astelehenero kalean" gaiari bertsoak jartzeko urtarrilaren 15a arte (astelehena) dute epea 60 urtetik gorako Euskal Herriko eta... [+]
1080€ Orain ekimenak, prentsaurreko bidez, larunbatean 17:30ean Baluarte plazatik abiatuko den manifestazioan parte hartzeko deia luzatu du. Eta gainera, dei berezia egin nahi izan diete nafar emakumeei, "pentsioetan ematen den genero arrakala ukaezina delako eta... [+]
Nafarroan 51.000 pertsona dira 1.080 eurotik beherako pentsioa dutenak. Horietatik %66 emakumeak dira. Nafarroako Gobernuak ardura har dezala eta gutxieneko pentsioak ziurta ditzala eskatzen ari dira.
Milaka pentsionista atera dira kalera astelehenean, txistulariekin eta konpartsekin batera, Bilboko Aste Nagusiaren oihartzuna aprobetxatuz. Hainbat erreibindikazio egin dituzte, hala nola 1.080 euroko gutxieneko pentsioa.
Espainiako Enpresarien Zirkuluak dio pentsioen sistema publikoak "bost urte barru" kiebra ez jotzeko modua dela 68 eta 72 urte artera luzatzea erretiro adina. AEBetan eta beste zenbait tokitan eskuin muturrak darabilen diskurtso bera erabili du lobby honek.