Manga narratiba euskaraz argitaratuko du Harriet argitaletxeak
Euskarazko mangari eskainitako lehen bilduma sortu du Harriet argitaletxeak: Kabe. Tomomi Usui komikigile japoniarraren Cube Arts seriearen lehen alearekin estreinatuko dute bildumaren ibilbidea.
Harriet argitaletxeak aurkezpena egin zuen asteartean Donostiako Koldo Mitxelena Aretoan, esku artean zerabiltzaten nobedadeak jendaurrean ezagutzera emateko: Inoiz ez: E eguna, Bruno Duhamel komikigilearen ale itzuli berria, Inoiz ez lanari segida ematen diona; eta manga narratiba argitaratzeko sortu berri duten Kabe bilduma.
Berariaz sortu dute japoniar narratibari tokia egingo dion bilduma, ohartuak baitziren Euskal Herrian badagoela manga irakurtzeko zaletasuna , baina ez euskarara ekarritako mangarik. Argitaletxeko kide Koro Murok azaldu zuenez, 2021ean 1.033 manga istorio argitaratu ziren gazteleraz eta 2.204 frantsesez, euskaraz argitaratutako lan kopurua anekdotikoa den bitartean; Ooso Comics argitaletxeak argitaratutako X-Venture, Gorputza krisian eta Erreskate handia besterik ez ziren argitaratu euskaraz. Hala bada, "anomalia kultural" horri konponbidea ematen hasi asmoz egin dute manga narratibari eskainitako bilduma bat sortzearen aldeko apustua. Nerabe eta gazteei zuzendutako bilduma izango da, horiek baitira manga irakurtzera zaletuenak euskal jendartean.
Bildumaren lehen ekarpena Tomomi Usui komikigile japoniarraren Cube Arts seriearen lehen alea izango da. Hiru komikik osatzen dute seriea; lehena orain kaleratuko dute, eta beste biak datorren urtean euskaratzea da argitaletxearen asmoa. Japonieratik zuzenean ekarri du euskarara istorioa Iker Alvarezek, eta ondokoa da trama: Takuto batxilergoko lehen mailako ikaslea da. Halako batean, Cube Arts izeneko jokoaren demo bertsioa iritsiko zaio etxera, beta testerako aukeratua izan delako. Berriak asko poztuko du protagonista. "Errealitate birtualeko kaskoa jarri bezain laster, blokez egindako mundu amaigabe bat azaltzen da bere aurrean. Sandbox joko honetan, aukerak mugagabeak dira: mineralak bilatzea, eraikitzea, armak egitea, abeltzaintzan jardutea... baina baita borrokatzea ere. Hor bakoitzaren aukera". Mangaren jatorrizko irakurketa zentzua izango dute euskarara itzulitako lanek ere: atzekoz aurrera eta eskuinetik ezkerrera irakurtzekoak izango dira.
Beste zenbait lan euskarara ekartzeko asmotan ere badabiltzala aurreratu du argitaletxeak, eta zenbait izen aipatu dituzte; hala nola, Heroines Games, Change the World, Dinosan, Girls' Last Tour eta An otaku called God.
Euskarazko komikigintza ikusgarri egitea helburu, hainbat komikizale eta komikigilek Euskal Komiki Eguna sortu dute. Lehen edizioa eta ondoren etorriko direnak irailaren 29an izango dira, Olariagak Zakilixut pertsonaiaren lehen zinta argitaratu zuen urteurrenarekin bat.
Palestina, Gerra Gazan eta Gazako oin-oharrak
Joe Sacco
Itzulpena: Julen Gabiria
Astiberri, 2023-2025
---------------------------------------------------
Duela bi urte Palestina erreferentziazko kazetaritza-komikia euskaraz plazaratu zuen Astiberrik, Gerra Gaza-n 32... [+]
Ihes plana
Agustín Ferrer Casas
Itzulpena: Miel A. Elustondo
Harriet, 2024
---------------------------------------------------------
1936ko azaroaren 16an Kondor legioko hegazkinek Madrilgo zenbait museori egin zieten eraso. Eta horixe bera da liburu honetara... [+]
SCk Zerocalcareri egindako galdera sorta eta honen erantzunak, jarraian.
Burgosko Gamonalen 2014ko urtarrilean gertaturikoa M15 mugimenduak eta antzekoek hauspotutako protesta soil batzuk izan zirela uste duena, oso erratuta dabil. Auzoaren memorian arakatzea besterik ez dago konturatzeko zer nolako eragina izan zuten iraganeko galera sentimenduak,... [+]
Mila lan egitetik bizi dira, sarri, marrazkilari eta ilustratzaileak. Ezaguna da sektorearen aspektu hori. Prekarietatea deitu ahal zaiona nagusiki; ikusezina izatea ere bai. Paula Estévez (Donostia, 1984), esaterako, ARGIAn ikusi izan dugu azken bost urteotan, sarri... [+]
Craig Thompson kultuzko eleberri grafikoen egile estatubatuarra Europan izan da bere azken lana aurkezten, Raíces de ginseng (Astiberri, 2024). Bilbon bi aurkezpen egin ditu eta artista atsegina, hurbila eta azkarra dela erakutsi du –euskaraz “mila... [+]
Bildumako azken alea izango dela jakinarazi dute: lehenbizikoa Ni-ari buruzkoa izan zen, eta bigarrena Zu. Bigarren hura bezala, autoedizioan kaleratu du honakoa ere.
Ño komikiaren testuen egile Miren Artetxe eta Eli Pagola, eta Maitane Gartziandia ilustratzailea Bilboko La Sinsorga kulturgune feministan (Askao Kalea, 9) izango dira gaur, arratsaldeko 19:00etan, haien lanaz hitz egiteko.
Azaroaren 17an eta 18an izango da, ostiralez eta larunbatez, Hernaniko Atsegindegi plazan
Ño!
Testuak: Eli Pagola eta Miren Artetxe
Ilustrazioak: Maitane Gartziandia
Argia, 2023
------------------------------------------------------
Komikia hasi aurretik eta amaitu ondoren bai azal eta kontrazalean, bai tapa eta barruko tapetan informazio... [+]