Maite Iturbe izango da EITBko zuzendari nagusia
Maite Iturbe arrasatearra izango da EITBko zuzendari nagusi berria, EAJk eta PSE-EEk hala adostuta. 1991tik EiTBko produkzio burua da Iturbe, eta Miramongo egoitzaren zuzendaria 1999az geroztik.
Jaurlaritzak aste honetako gobernu bileran onartuko du Iturberen hautagaitza, eta proposamena Eusko Legebiltzarrera eramango du gero. EAJren eta PSE-EEren botoak nahikoa izango dira izendapena onartzeko.
PSE-EEk ohar batean adierazi du akordioa "aniztasunarekiko, demokraziarekiko eta euskararen hedapenarekiko" konpromisoaren parte dela, EITBk plazaratu duenez. "Herritarrekiko zerbitzu publikoa, profesionaltasuna, aniztasunaren eta balore demokratikoen errespetua eta hedapena, eta Euskadin egiten den kulturaren eta euskararen hedapena" ardatz izango dituztela gaineratu du alderdi sozialistak.
EH Bilduk, bestalde, hautagaiaren izena hedabideen bidez ezagutu izana kritikatu du. Marian Beitialarrangoitia legebiltzarkidea kexu agertu da, Legebiltzarrak ez duelako aukera baliatu EITBren ereduari buruzko eztabaida sustatzeko.
Mikel Agirrek karguari uko egin eta PSEk Jaime Otamendiren hautagaitza atzera bota ostean proposatu dute sozialistek eta jeltzaleek Maite Iturberen izena.
EITBko produkzio burua
Maite Iturbe Arrasaten jaio zen 1959an. ETEO-Mondragon Unibertsitatean eta EHUn lizentziatua, Enpresa Zuzendaritza masterra egin zuen. 1981etik 1984ra Jaurlaritzan aritu zen lanean, Euskara Sailburuordetzan lehenengo eta Hezkuntza Sailean gero.
1984az geroztik ari da EITBn lanean. 1991n Produkzio Zuzendari izendatu zuten, eta 1999tik Miramongo egoitzaren zuzendaria ere bada. ETBko Zuzendaritza taldeko eta Programa komisioko kidea da.
Aldatu Gidoiaren iritziz, EITB "sortze helburuetatik aldendu" da, eta "urgentziazko demokratizazio prozesu bat" eskatu du, zuzendaritza taldearen hautaketa prozesutik hasita.
Apirilaren 24an, ETB1ean, jendeak aspalditik eskatzen zuen programa eredu bat estreinatuko da: Linbo, late night formatuko ordubete inguruko saioa, gazteek eta gazteentzat egina.
"Eskatu txanda eta egingo dugu bat zurekin", esan dio estudioetatik ari den esatari prestu eta animatuak Bilboko kaleetan dabilen berriemaile gazteari. Aurkezlea entzuleei zuzendu zaie segituan. "Bien bitartean, Iruñera goaz...". Han zabaldu dute linea... [+]
Urtea baino gehiago da Olatz Simonek –EITBko berriemailea Parisen, garaian–, orrialde hauetan bertan ohartarazi zigunetik Bruselak kazetariari lanbideaz erakusten dionaz. Eta halaxe joan gatzaizkio galdezka Amaia Portugali. Bruselan gure irrati publikoak duen... [+]
Langileek salatu dute zuzendaritzak ez diela lan baldintzen gaiari heldu nahi izan eta enpresak nahiago izan duela Gaztea Sariak ekitaldia bertan behera utzi, “horrek sortutako albo-kalte ekonomiko eta sozial guztiekin”, arazoari irtenbidea eman baino.
"EITB euskalduna, zuzendaritzatik hasita!" lelopean, otsailaren 25ean egingo dute elkarretaratzea, asteartean, EITBko ELA, LAB eta ESK sindikatuek nahiz Aldatu Gidoia ekimenak deituta.
Idatzi honen bidez, EITBko Euskara Batzordeak eta azpian sinatzen duten EITBko organoek euren kezka eta gaitzespena agertu nahi dituzte azken hilabeteetan EITBko zuzendaritza-postuetarako abian ipini diren hautatze-prozesuak direla eta, gutxietsi egin baita euskararen... [+]
.jpg)
EITBko Euskara Batzordeak gaitzespena adierazi du azken hilabeteetan egindako zuzendaritza postuetarako hautaketa prozesuak direla eta. Salatu dutenez, euskarazko C1 maila ez duten hiru pertsona hautatu dituzte postu garrantzitsuetarako: EITB Mediaren zuzendaritzarako, Social... [+]
"Euskalduna ez den pertsona bat –Nagore de los Rios– hautatu du EITBko zuzendaritza nagusiak Eitb.eus eta Social Media atalerako zuzendari posturako, eta, ondorioz, euskaraz ez dakien pertsona bat izendatu dute helburuen artean euskararen... [+]
Ikusle euskaldun gehien biltzen dituen katea da ETB2, datuen arabera. Aldatu Gidoia mugimenduak agerraldia egin du Bizkarsororen kontraprogramatzearen harira. Salatu dute askotan ETB1 lehian sartzen dela ETB2rekin, eta "herritar guztiak eta publiko bakarra helburu izango... [+]
Munduaren egoerak ez du gogo handirik pizten bere berri izateko. Niri, behintzat. Ez dakit adina den edo darion kiratsak moteldu ote duen berarekiko jakin-mina. Jakin badakit ez dela garai kontua soilik; alegia, udazkenak eta negu hasierak barrura begira jartze hutsa.
ETB1ek Bizkarsoro filma estreinatu zuen Euskararen Egunean iluntzean. ETB2ri aldi berean gaztelaniazko azpidatziekin ematea proposatu bazioten ere, kate horretan Tasio eskaini zuten gaztelaniaz azkenean, eta horrek haserrea sortu du euskaldun askorengan sareetan.
Igande honetan, azaroaren 17an estreinatuko da Barraka izeneko late-night formatuko programa, EITBren Primeran plataforman. Hiru Damatxok ekoitzi du umorez blaitutako ikuskizun bizia.