EITB zuzentzeko Jaime Otamendiren hautagaitza ukatu du PSE-EEk
PSE-EEk formalki arbuiatu du Jaime Otamendiren hautagaitza EITBren zuzendaritzarako. Aurreko astelehenean Mikel Agirrek karguari uko egin zion eta oraingoan, berriz, EAJk aurkeztutako proposamenak ez du gutxieneko babesa lortu.
Jaurlaritzak EITBko zuzendari berria izendatzeko bidean oztopo berri bat topatu du. El Paisen arabera, Jaime Otamendi ez da PSE-EEren gustukoa, besteak beste, Lehendakari izendatzean Patxi Lopezi egin zion elkarrizketarengatik.
EAJk hasieratik aurkeztu nahi izan du EITB barneko norbait zuzendaritzarako. PSEk, berriz, Agirrek ezetza eman zuenean, kanpoko norbait aukeratzeko gomendatu zion Jaurlaritzari. El Paisek dioenez, jeltzaleek Deiako zuzendari Bingen Zupiria proposatuko dute oraingoan, eta Otamendiren patu berbera egokituko zaio haien ustez.
Hala ere, Bizkai Buru Batzarreko presidente -eta 3Koma ekoizpen etxean ibilitako- Itxaso Atutxa baikor agertu da, eta EAJren eta PSE-EEren arteko berehalako akordio bat iragarri du. Izan ere, bere ustez lehenago ados jartzea lortu izan bazuten, orain ez dute zertan arazorik izan ildo beretik jarraituz gero.
40 urte bete ditu euskal telebistak, eta 40 urteko ibilian goitik behera aldatu dira gauzak: telebista konbentzionala etxe batzuetan egotetik, guztietan presentzia hartzera pasatu da; baina egun, ikus-entzunezkoak nahieran ikusteko gehiago baliatzen da telebista,... [+]
Berrian lan egiten duen kazetariak, Euskal Telebistaz liburua idatzi berri du Txoria hodei artean, ETB lehen eta gero. Galdera batekin abiatzen du liburua kazetariak: 40 urte bete dituen Euskal Telebistak behar den gisan arrapostu ematen al dio euskal jendartearen egungo... [+]
2021az geroztik, ETBko zuzendaria da Unai Iparragirre. Telebista kateetako edukien ardura da berea, baina baita plazaratu berri duten Primeran plataformarena ere. Jaiotza horren aitzakian hartu gaitu Bilboko egoitzan duen bulegoan.