Macron eta Philippe lehen lerrora itzuli dira
Abian da urte politikoa Hexagonoan, la rentrée gauzatu da Frantzian. Macron presidenteak eta Philippe lehen ministroak prentsako lehen lerroak hartu dituzte berriz ere. Lan Kodearen erreforma aurkeztu dute, dekretuz, ordenantzen bidez. Hedabideak eta legea dira beren euskarri nagusiak.
aurre egingo dieten hedabide independenteak
Edouard Philippe lehen ministroak eta Muriel Penicaud Lan ministroak Lan Kodearen moldaketa azaldu zuten atzo hedabideen aurrean. Langabezia borrokatzeko lege berria omen da. Frantziako enpresarien MEDEF patronalaren Pierre Gattaz presidenteak bat egin du Lan Kodearen aldaketa gehienekin. Kontuan hartu behar da, erreforma ez dela Asanblea Nazionaletik pasako, Edouard Philippe buru duen Gobernuak Legeak baimentzen duen ordenantza proiektuaren bidez jarri du indarrean.
Neurri berriak ez dira guztiz ezagutzen, irailaren amaierarako zehazten joanen dira, Gobernuak patronalarekin eta sindikatuekin bilerak egin ahala. FO eta CFDT sindikatuek ez dute begi onez ikusi erreforma, baina, antza, ez dute karriketara manifestatzera deituko. Sindikatu nagusien artean, CGT da guztiz kontra agertu dena. CGTko buru Philippe Martinezen iritziz, “Gobernuak eragile sozialei aurkeztu dizkien neurri berriek lan kontratuaren amaiera ekarriko dute”.
Macronen Gobernuak iraultza iragarri zuen Lan Kodearen inguruan hauteskunde kanpainan. Philippe Martinez-en arabera dekretu hau PSko El Khomri ministro ohiaren legearen jarraipena da. Txarrena ordea, Martinezek dioenez, ekimen kolektiboen –sindikatuen– artean eragiten duten haustura da. Sindikatu nagusien artean, CGTk soilik deitu du manifestatzera, irailaren 12an hain juxtu ere.
Lan Kodea hil honen 22an pasako da Ministroen Kontseiluaren aitzinean, eta irailaren amaieran izanen da indarrean. Kodea malgutzeko erreformaren neurriak dekretuz araututa iritsi dira, Frantziako Legebiltzarrak hori egin ahal izateko baimena eman baitio Gobernuari, horretarako ordenantzen bitartekoa erabiliz.
Hona iragarritako aldaketaren eraginak:
Bidegabeko kaleratzeen kalte-ordainak
Orain arte lan auzitegiak ezartzen zuen langileak jaso beharreko kalte-ordainaren zenbatekoa. Orain, lan magistraturek ezarriko dute.
Itunak enpresetara
Macronek enpresa mailako negoziazio kolektiboa enpresetan gauzatzea lortu du sindikatu nagusi guztien oniritziz –CGTrekin salbu–. Erreformaren ondorioz, akordio sektorialak enpresatan negoziatu ahal izango dira.
Sindikatuen ordezkaririk gabeko akordioak
50 langile baino gutxiagoko enpresetan langileen ordezkariek ez dute zertan sindikatuen babespean jardun behar.
Multinazionalen lantegien itxierak
Orain arte, multinazionalek lantegi bat ixteko arrazoi nagusia arazo ekonomikoa bazuten, munduan zituzten enpresen egoera hartzen zuten kontuan. Orain, konpainiak Frantziako eremura mugatuko dute haien argudioa.
CGTk Frantzia osoan iragarritako mobilizazioak "Fronte soziala” izenez antolatzean ari dira Euskal Herrian: “Front Social Pays Basque". LAB sindikatuaz gain, NPA, Frantzia Intsumisoa, PCF, EH Bai, EELV et Ensemble alderdiek irailaren 12an bat eginen dute Baionako karriketan.
Emnanuel Macronek Le Point aldizkaria hautatu du politikaren lehen lerrora itzultzeko. Bere hitzetan, Lan Kodearen neurri berrien eragina bi urte barne nabarituko da. Errepublikako presidentea komunikazio esparruan bermatzen ari da "politika berria". Alabaina, ekainean herritarren %54k sostengatzen zuen, abuztuan berriz, %40k. Bi hilabetetan 14 puntu galdu ditu.
Maider Behotegi Euskararen Erakunde Publikoaren (EEP) lehendakariak inbertsio handitze guztiak berri onak direla adierazi zuen iaz. Hala ere, erakunde bakoitzak gutxienez 300.000 euro gehiago ipintzea "beharrezkoa" dela nabarmendu zuen, helburua 2050ean hiztun kopurua... [+]
Maiatzaren 27an Frantziako Estatuko Legebiltzarrak onartu zuen heriotzarako laguntza baimentzen duen legea. Askok aurrerapen humanistatzat jo arren, lege berri honek kezkak piztu ditu pertsona ezinduen eskubideen aldeko mugimenduetan. Gaur egungo gizarteak ez badizkie pertsona... [+]
Debekua uztailak 1ean sartuko da indarrean hainbat espazio publikoetan, hondartzak edo parkeak kasu. Araua errespetatzen ez duten herritarrei 135 euroko isuna jarriko diete.
Eritasunaren kontrako protokoloa salatzeko eta prefeturarekin hitzordu bat lortzeko asmoz, bideratu dute okupazioa ehun bat laborarik. Tuberkulosia kasu batzuk agerturik Zuberoan, eritasunaren kontrako neurri sanitarioak segitu beharrean dira inguru horietako 280 etxalde... [+]
Lurraren alde borrokan dabilen orok begi onez hartu du Frantziako Legebiltzarrak laborantza lurren babesteko lege-proposamenaren alde bozkatu izana. Peio Dufau diputatu abertzaleak aurkezturiko testua da, eta politikoa eta sentimentala juntaturik, hemizikloan Arbonako okupazioa,... [+]
Urte bat beteko da laster Pazifikoko Kanaky herriko matxinada eta estatu-errepresiotik. Maiatzaren 14an gogortu zen giroa, kanaken bizian –baita deskolonizazio prozesuan ere– eraginen lukeen lege proiektu bat bozkatu zutelako Paristik. Hamar hilabete pasa direla,... [+]
Ur kontaminatua ur mineral eta ur natural gisa saltzen aritu dira urte luzeetan Nestlé eta Sources Alma multinazional frantsesak. Legez kanpoko filtrazioak, iturburuko ura txorrotakoarekin nahasi izana... kontsumitzaileen osagarria bigarren mailan jarri eta bere interes... [+]
Baldintzapeko askatasunaren alde agertu bada ere Parisko dei auzitegia, ekainaren 19ra atzeratu du epaia, Georges Ibrahim Abdallahk ez dizkielako kalte-galerak ordaindu AEBei. Baldintzapeko askatasunaren alde agertu zen azaroaren 15ean Frantziako Zigorrak Aplikatzeko Epaitegia,... [+]
Ostegun arratsaldean egin dute bozketa eta, aurreikusitako moduan, François Bayrou lehen ministroaren aurkako zentsura mozioak ez du aurrera egin. Izan ere, eskuin muturreko Batasun Nazionalaren sostengurik gabe, ez zuen aurrera egiteko aukerarik.
331 diputatuk bozkatu dute ezkerrak aurkezturiko zentsura mozioaren alde. Eskuin muturrak babestu du ezkerraren testua, eta horrek ekarri du gehiengoa lortu izana. Emmanuel Macron presidenteak hitza hartuko du ostegun honetan 20:00etan.
Frantziako Gobernuaren aurrekontu proiektuan Gizarte Segurantzan egitekoak dituzten murrizketak salatzeko mobilizazio eguna dute ostegunean. Manifestazioa abiatuko dute 10:00etan Baionako geltoki aitzinetik. Bezperan, zentsura mozioaren alde eman dute botoa Frantziako... [+]
Israelgo lehen ministro Benjamin Netanyahuk "immunitatea", hau da, babes politikoa duela adierazi du Frantziako Kanpoko Aferen ministroak. Israelgo Haaretz eta Maariv komunikabideek jakitera eman dute Libanorekin adosturiko su-etenaren baldintzen artean zuela... [+]
Duela bi aste, Frantziako irratien finantziamendua zalantzan zen, Frantziako Kultur Ministerioak %35 apaldu nahi baitzituen elkarte irrati lokalei bideratu dirulaguntzak. Orduan, 200 bat elkarte ziren lanjerrean eta horien artean Iparraldeko Euskal Irratiak.
Azalpena... [+]
Frantziako Gobernuak aurkeztu duen 2025eko finantza lege-proiektuaren arabera, irrati elkarteek jasoko duten laguntza ekonomikoa %35 murriztuko da. Murrizketak, hamar milioi euro gutxiagoko diru-laguntza jasotzea suposatuko luke. Irratien elkarteak esan du "lurraldearen... [+]