M15 mugimenduak maiatzaren 12an kalera ateratzeko deia egin du
Espainiar Estatuan duela bi urte sortutako aldarrikapen mugimenduak maiatzaren 12an kalean hausnartzeko, borrokatzeko eta mobilizatzeko deia egin du. Euskal Herrian ere M15 taldeek deialdia egin dute, eta besteak beste Bilbon eta Donostian manifestaldia izango da.
M15M Bizkaia mugimenduaren iritziz, 2011ko maiatzaren 15ean jendea kalera masiboki atera arren, orduz geroztik gizarte eskubideak espoliatzeko prozesua azkartzen eta gogortzen joan da, eta neurri neoliberalak nagusitzen segi dute. Jendeak sentitzen duen nazka eta etsipena aldarrikapen indar bilaka dadin nahi du mugimenduak, eta besteren artean, inposatutako legeen aurrean desobedientzia zibila gauzatzen hasteko deia egin dute.
M15M Bizkaiak hainbat kolektiboren aldarrikapenak defendatu nahi ditu, hala nola, eredu energetiko alternatiboak, arrazakeriaren aurkako aldarrikapenak, antimilitaristak, zorraren aurkakoak, lan duinaren aldekoak, gizarte eskubideak, berdintasuna eta etxebizitza.
Bilbon, ekitaldi nagusia manifestazioa izango da. Maiatzaren 12an 18:00etan Jesusen Bihotzetik abiatuko da. Egun osoan Arriagako plazan egongo dira M15Mko kideak.
Maiatzaren 14, 15, 16 eta 18an ere hainbat ekintza egingo dituzte, besteak beste, frackingaren aurkakoa, zorraren auditoretzaren aldeko taldearen ekintza eta escracheei, okupazioari eta desobedientzia zibilari buruzko hitzaldia. Donostian, ekitaldi nagusia maiatzaren 12an Bulebarrean, 18:00etan, egingo den manifestazioa izango da.
Espainiar Estatuko hiriburuan, Madrilen, maiatzaren 12an 20:00etan Puerta del Solen elkartuko dira inguruko auzoetatik gerturatutako elkarretaratzeak. Leloa ondokoa da: De la indignación a la rebelión: escrache al sistema.
David Lloyd, V for Vendetta komiki ezagunaren sortzaileetako bat, Gasteizen izango da otsail hasieran. Ignacio Aldecoa kultur etxeak eta Caracola Comic-ek hiru eguneko jardunaldiak antolatu dituzte komiki horren inguruan.
18-26 urte bitarteko hamalau auziperatuei, desordena publikoak, kalteak, lesioak, erresistentzia eta autoritateari eraso egitea leporatzen diete. 15M libertad izeneko babes kolektiboak absoluzioa eskatu du.
Ideia sakonak ulergarri eta ukigarri egiteko gaitasun harrigarria dauka Marina Garcés filosofo kataluniarrak (Bartzelona, 1973), pentsamendua eguneroko bizipenekin konektatzeko argitasuna; eta bizi ditugun garai nahasi hauetan, jarrera bat: eraldaketaren aldeko apustua... [+]
Zergatik ez du Nuit Debout frantziarrak M15 espainiarraren irismenik izan? Elementu guztiak zeuden (eta daude) mahai gainean: alderdi sozialistaren beste eraso bat lan eskubideen aurka ("Loi travail"), egonezin sakona eta "zerbait gerta zedin" guraria giroan... [+]
Egunak joan ahala, biziraupenaren larritasunik gabe eta denboraren prespektiba lagun, 23 egun iraun zituen Gipuzkoa Zutik kanpaldiari buruzko analisiak gehitzen doaz. Hainbat kidek Amador Fernandez Savaterrekin izandako elkarrizketatik ideia hauek bildu ditugu.