Lurra eta porlana aurrez aurre Getxoko “erresistentzia kanpaldian”
Getxoko Andra Mari auzoko Ibarbengoa metro geltokiaren alboan aparkalekua eraiki egin nahi du Eusko Jaurlaritzak eta 2011ko irailetik hona lanean ari den baratze komunitarioa deuseztuko luke. Proiektuak egun barazkiak dauden lekura "porlana eta espekulazioa ekarriko dituela salatzeko erresistentzia kanpaldia" antolatu dute irailaren 1etik aurrera.
Herriko gazteek kudeaturiko Tosuko baratze komunitarioan parte hartzen ari diren kideek proiektuari buruzko iritzia plazaratu dute bideo honen bitartez:
Martxan ez dagoen metro geltokiarentzat aparkalekua
Orain dela lau urte bukatu zuten Berango eta Getxo artean dagoen Ibarbengoako metro geltokia, nahiz eta oraindik ez dagoen erabilgarri segurtasun arrazoiengatik. 45 milioi euroko gastua izan zuen geltokiak eta Eusko Jaurlaritzaren arabera, 2015eko hasieran irekiko da. Geltoki ondoko disuasio-aparkalekua eraiki behar dute lehenago. Parkingak hiru solairu izango ditu, horietako bi lur-azpian, 300 autorentzat lekua emateko. 6 milioi euroko kostua izango duela aurrikusi du Euskal Trenbide Sareak. Berangon eta Leioan horren moduko beste bi parking eraikita badaude ere, Bilbora edo Getxora joateko asmoa dutenak autoz ez sartzea dela helburua diote obraren bultzatzaileek.
Aurrekariak: 8.000 etxebizitza
2007an, EAJko Iñaki Zarraoa alkate zelarik, Getxoko Udal Gobernuak Andra Mari auzoan 8.000 etxebizitza eraikitzeko proiektua aurkeztu zuen. Herritarren aurkakotasuna eta krisi ekonomikoak eraginda proiektu hori bertan behera gertatu zen. Zenbait auzokidek parkingaren egungo obrari bestelako helburua ikusi diote: atzetik etor litezkeen bestelako azpiegituren aurrekaria izatea. Haien iritziz, "Getxon espekulaziorako geratzen diren lur eremu bakarrak Andra Marin daude eta aurreko legealdietan egin gabe geratu ziren asmoen bidean lehen harria jartzea izango litzateke aparkalekua".
Bestetik, talde ekologistek salatu dute proiektuak ingurumenean sortuko lukeen kalteari buruzko txostenik ez dagoela. Obra horrek inguruko akuiferoak kaltetu eta uraren bideak aldarazi ditzakeela beldur dira. Egun Getxok duen zonalderik berdeenetakoa da Andra Mari auzoa, batzuek "Getxoko birikia" deitzen diotena. Getxo Udal Gobernuak ez du bere burua azalpenak ematera beharturik ikusi haien iritziaren arabera Eusko Jaurlaritzaren erabakia eta eskumena delako.
Tosun 2011n antolatutako beste ekimen baten argazkia.(Ukberri.net)
Erresistentzia kanpaldia
Gazteek landa hori okupatu eta baratza sortu zutenean, argi zeukaten aparkalekuaren moduko proiektuentzako oztopo izan nahi zutela. Getxoko Hirigintza Antolaketa Plan Orokorrak (HAPO) Andra Mari auzoa, betidanik nekazaritzari lotua izan dena, urbanizatu ez dezan. Asmo berarekin antolatu dute orain kanpaldia Uribe Kostako Proiektu Txikitzaileen Aurkako Asanbladak: autogestioaz eta proiektu txikitzaileen aurkako erresistentziaz gehiago ikasteko gune gisa. Tailer, mahai-inguru, bertso-afari eta kontzertuez osatutako bi asteko egitaraua antolatu dute, momentuz. Eta Tosura kanping dendarekin hurbiltzeko deia luzatu dute "porlanaren gainetik nekazaritza defendatuz, datozen belaunaldiek duela 50 urteko Getxoko argazki bat ezagutu dezaten”.
Tosuko kanpaldiko lagunek prestatu duten irratietarako soinu-dei umoretsua:
Kanpaldiaren 2 asteko egitaraua:
Plaza bakarra okupatuta, aparkalekuak dituen 304etatik. Horrela deskribatu du GuNe kolektiboak Getxoko Andra Mari auzoko Tosu landa eremuan eraiki duten Ibarbengoako metro-geltokiaren ondoko aparkalekuaren egoera, "irailaren 2an, lanorduetan". Idatzi ironiko batean,... [+]
Getxoko Tosu landa defendatzeko urteetako borrokari behin betiko amaiera emateko, egindakoak gogoratzeko eta horretan parte hartu zutenei "eskerrak" emateko jaia egingo dute zapatuan.
Zortzi urtetako borroka omentzeko ekitaldia antolatu zuten igandean Algortako Portu Zaharrean. 2011an okupatu zuten lehen aldiz Tosuko landa. Geroztik, ibilbide luzea egin dute ekologistek.
Tosu Betirako Asanbladak irailaren 10etik 22ra egingo den "Tosutik Uribe Kostara" ekimena iragarri du. "Herrien etorkizuna gutxi batzuek, herritarren iritzia kontuan hartu gabe" planifikatzen dutela salatu gura dute. Erandio eta Gorliz arteko martxa eginez... [+]
Tosu Betirako plataformak, Udalaren erabakia kritikatu du. Izan ere, Getxoko Andra Mari auzoko landagunean parkinga ez ezik, “jarduera ekonomikoen parkea” egingo dutela azaldu dute. Erabakiaren aurrean, ordea, herritarrei mobilizatzeko dei egin diete plataformako... [+]
Hainbat ezezagunek Getxoko Ibarbengoako metro-parkingaren lanei eraso egin zieten joan den bariku eta zapatu arteko gauean, Ertzaintzaren arabera. Eusko Jaurlaritzak, Euskal Trenbide Sareak eta Imanol Landa Getxoko alkateak gaitzetsi dute ekintza hori. Tosu Betirakok "ez du... [+]
Ibarbengoako parkinga eraikitzeko obrak oztopatzeko "indarkeria" delitua egotzita auzipetutako hiru lagunen kasua artxibatu du epaileak, Tosu Betirako taldeak jakinarazi duenez.
Ibiltzen hasi berria da, baina esperientzia eta bizipen asko biltzen du Aman Komunak sareak, herri mugimenduko hainbat taldek eta kidek osatzen dutelako. Joan-etorriko izaera izan nahi du: bakoitzaren kolektibotik sare orokor bat aberastu, sareak tokian tokiko eguneroko lana... [+]
Gaur goizean Getxoko epaitegietan epaitu dituzten hiru ekintzaileek argi dute, "balizko kalteengatik baino, protestak zigortu gura izan dituzte epaiketa honegaz". Izan ere, azaldu dutenez, akusazioak zigor-eskaera bertan behera uzteko proposamena egin du epaiketan,... [+]
Urtarrilaren 26an, barikua, hiru lagunek deklaratu beharko dute Getxoko epaitegian, Ibarbengoako parkinga eraikitzeko obrak oztopatzeko "indarkeria" delitua egotzita.
Tosu Betirako plataformak deituta, Ibarbengoako aparkalekua eraiki gura duten landarainoko martxa egin zuten zapatuan, hilaren 16an, 200 lagun inguruk. Tosu landa ertzainez inguratuta zegoen; hala ere, lanen hasiera salatu zuten bertan herritarrek. Ondoren, hondeamakinek obren... [+]
Larunbatean Getxoko Tosu landara joango den manifestazioan parte hartzeko deia egin du Tosu Betirako asanbladak. Urriaren 21ean ingurua berriz okupatu ostean eraikitako etxolaren alboan egun dute agerraldia, buzo zuriz jantzita eta aurpegiak maskaratxoz estalita; abenduaren 16an... [+]
Getxoko Tosu landaren inguruan galdegin dio Mikel Otero Gabirondo EH Bilduko legebiltzarkideak Eusko Jaurlaritzari. Ekonomia Garapena eta Azpiegituretako Sailburuari egin dio errekerimendua, Jaurlaritzaren eta Viviendas de Vizcaya S.A. enpresaren arteko akordioa zein izan den... [+]
Hesia eraikitzeko lanetan ari dira hondeamakinak. Herritar bat lurrean etzan eta kateatu egin da. Herritarrei bertara joateko eskatu diete asanbladako kideek. Astelehenean sartu ziren berriz hondeamakinak Tosun.