Lope Agirre berpiztu zutenekoa
Lope Agirre zenari buruzko fikziozko film herrikoia egin zuten iaz Oñatin. Urtarrilaren 1az geroztik, sarean dago ikusgai, eta, aitzakia baliatuta, Anjel Lera zuzendariarekin hitz egin dugu.
aurre egingo dieten hedabide independenteak
Lope film herrikoia estreinatu zuten iaz Oñatin, Lope Agirre zenari buruzko fikziozko filma. LPM taldeak osatu du lana, hainbat herrikiderekin elkarlanean. Hauxe dute lehen film luzea; aurrez, film laburren rallytan jardun dira, hainbat herritan. 2018ko udan grabatu zuten lana, bi asteburutan, eta urriaren 27an estreinatu zuten, herrian bertan.
Pertsonaia polemikoa
Lope Agirre: maite duzu? Ala gorroto? Heroia da? Ala traidorea? Pertsonaia polemikoa eta deserosoa dugu, dudarik gabe, Oñatiko semea.
Wikipediaren arabera, esploratzaile eta konkistatzaile oñatiarra izan zen Lope Agirre. XVI. mendearen hasieran jaio zen, Araotz auzoan, eta 50 urte eskas zituela hil zen, handik urrun, Venezuelan, Espainiako erregearen aurka matxinatu ostean. Lehenago eginak zituen zenbait konkista bidaia Hego Amerikako lurraldeetan, eta orduko hartan, 1560-1561 bitartean, El Doradoren bila zihoan espedizio batean. Espedizioaren buru Pedro Urtsua hil zuen; ondoren, espedizioaren gidaritza hartu eta gutun bat idatzi zion Espainiako erregeari, matxinatu zela adierazteko.
El Dorado, 2019ko udal hauteskundeetara ekarria
Anjel Lerak, Lope filmaren zuzendariak, 2005ean irakurri zuen estreinako aldiz Agirrek erregeari bidalitako gutuna, eta, kontatu digunez, “zirrara handia” sortu zion: “Orokorrean, jendeak gauza gutxi daki Loperen inguruan, eta dakiena da Espainiako monarkiak mendeetan zehar berari buruz esan duena: hiltzaile, zoro, psikopata eta traidore bat zela”.
Filma osatu duten kideek, ordea, buelta eman nahi izan diote kontakizun horri eta “Loperen alde iraultzailea” erakutsi nahi izan dute. “Filmaren helburu nagusia izan da pertsonaia eta eskutitza ezagutzera ematea”. Eta, horretarako fikzio “zoro” bat sortu dute.
Homonimiak piztu zuen metxa: “2018ko urtarrilean ohartu nintzen XVI. mendeko eta gaur egungo Espainiako erregeen izena berdina zela. Hari horri tiraka, 1561eko espedizioa eta Lopek erregeari idatzi zion eskutitza 2019ko udal hauteskundeetan txertatzea bururatu zitzaidan”. Beraz, jaioterrira itzuliko da fikziozko Lope, hil eta bostehun urte ingurura, eta marañonen taldea osatuko du, independentzia lortzeko asmoz. Argumentu horren bidez, kritika politikoa eta umorea uztartu dute filmaren egileek.
Auzolana oinarri
Film herrikoia dela esan dugu, izan ere, auzolana izan du Lopek oinarri. Guztira, ia ehun lagunek hartu dute parte: 70 antzezlek (guztiak herrikoak edo bertan bizi direnak) eta beste 20 lagunek alor teknikoan. Oñatiko hiru marrazkilarik, gainera, ilustrazioak egin dituzte.
Estreinatu zutenez geroztik, hainbat tokitan eskaini dute lana, eta pozik daude harrerarekin: “Galdera eta komentario pila bat egin dizkigute, eta Loperen historia era atsegin eta dibertigarrian ezagutzeko balio izan zaiela ere aitortu digute”. Lehen helburua beteta, sarean jarri dute Lope, nornahik ikusteko eran. Izan ere, Lerak esan digunez, “historia Oñatin dago kokatuta, baina horrek ez du esan nahi oñatiarrentzako eginda dagoenik. Gure helburua da filma Euskal Herri osora hedatzea eta Loperen figuraren inguruko hausnarketa eta debate bat zabaltzea”.
IB3 telebista publikoaren neurria "katalanaren aurkako erasotzat" jo dute katalanaren normalizazioaren aldeko zenbait eragilek, eta "berehalako zuzenketa" eskatu dute. Zuzendaritza aldaketa izan da berriki kate publikoan, PP eta VOXen botoei... [+]
Chantal Akerman zinegile eta lankidea hil eta hamar urtera, haren ondarea zabaltzen buru-belarri jarraitzen du Claire Atherton muntatzaileak. Gaurkoan, ordea, Athertoni bere ibilbideaz galdetu nahi izan diot bereziki. Gasteizen, Artium museoko areto batean hartu gaitu,... [+]
30 urte baino gehiago daramatza Zero Chou zinemagile taiwandarrak istorioak kameraren atzetik kontatzen, bai zinemarako, bai telebistarako. Aurten, Zinegoak jaialdiaren 22. edizioko ohorezko saria jaso du.
Bilboko LGTBIQ+ zinema eta arte eszenikoen Zinegoak jaialdiak 2025eko edizioko sariak iragarri ditu. Between Goodbyes eta Alma del desierto dokumentalak izan dira palmaresaren irabazle nagusiak.
Zinema eta arte eszenikoen LGTBIQ+ jaialdia Bilbon ospatuko dute ekainaren 23tik 30era,50 jarduera baino gehiagorekin.
'Ehun metro', Zergatik panpox', 'Hamaseigarrenean aidanez' eta 'Oraingoz izen gabe' dira zaharberritzen ari diren lanak. Zinemaldiko Klasikoak sailean ikusi ahalko dira.
Iratxe Sorzabalek sufritutako torturen gaineko testigantzak jasotzen ditu dokumentalak. Maiatzaren 20an emango dute dokumentala, 23:40an. Iaztik dago Primeran plataforman ikusgai, baina lehen aldiz emango dute telebistan.
2024ko urtarrilaren eta uztailaren artean Gazan filmaturiko 22 film laburrez osatua da From Ground Zero filma. Rashid Masharawi palestinar zinegilea dugu egitasmoaren oinarrian, eta 2023ko urriaren 7az geroztik Gazari buruz entzuten diren zenbakiei aurpegiak jartzeko asmoz lotu... [+]
Asteazkenetik aitzina Ipar Euskal Herrian, eta ostiraletik Hego Euskal Herrian; film oso gutxi estreinatzen dira horrela zinema aretoetan. Halaxe egingo du asteon Faisaien Irla-k. Fikzioa baitira mugak, horrela dio Asier Urbieta (Errenteria, 1979) zuzendariak: ez dira... [+]
Helena Taberna zinegileak jasoko du aurten Donostiako Giza Eskubideen Zinemaldiaren Saria. Sariaren entrega ostiralean, apirilak 11, 20:00etan Viktoria Eugenia Antzokian ospatuko den bukaera emanaldian izango da.
Ezagutzen duzue Kneecap filma? Oscar sarietarako hautatu zuten. Belfasteko hirukote baten istorioa da. Kneecap Hip Hop talde ezaguna da gaur egun, eta hizkuntzaren aldeko jarrera (gaelikoa) argia dute, IRAren osteko belaunaldiaren gorabeherak kontatzen ditu filmak; drogak eta... [+]
No other land dokumentalaren zuzendari Hamdan Ballal kolono sionistek jipoitu zuten astelehenean bere herrian, beste hainbat palestinarrekin batera, eta Israelgo militarrek eraman zuten atxilo ondoren. Astarte goizean askatu dute.
Donostiako Tabakaleran, beste urte batez, hitza eta irudia elkar nahasi eta lotu dituzte Zinea eta literatura jardunaldietan. Aurten, Chantal Akerman zinegile belgikarraren obra izan dute aztergai; haren film bana hautatu eta aztertu dute Itxaro Bordak, Karmele Jaiok eta Danele... [+]
35 film aurkeztu dira lehiaketara eta zortzi aukeratu dituzte ikusgai egoteko Euskal Herriko 51 udalerritan. Euskarazko lanak egiten dituzten sortzaileak eta haiek ekoitzitako film laburrak ezagutaraztea da helburua. Taupa mugimenduak antolatzen du ekimena.