Ehunez gora lagun bildu da Baionako komisaldegi aitzinean Gorka Arizaga LAB sindikatuko kideari elkartasuna adierazteko. Goizean Lauga ikastetxean izandako blokeoaren harira, ikastetxera bidegabeki sartu izana eta bertan izandako andeatzeak leporatzen dizkiote.
Goizean atxilotu dute Gorka Arizaga LAB sindikatuko kidea, pentsio sistemaren erreformaren kontrako Baionako manifestazioan. Ordu batzuk lehenago, Lauga ikastetxean izandako blokeoaren harira, ikastetxera bidegabeki sartu izana eta bertan izandako andeatzeak leporatzen dizkiote. Epaile baten aitzinetik pasa beharko du ondoko egunetan.
Ehundaka lagun batu dira Baionako komisaldegi aitzinean elkartasuna adierazteko. LAB, Solidaires baita CGT sindikatuak egon dira bertan, sostenguz. Elkartasun mezuak eta elkarretaratzean islatu aniztasuna eskertu ditu Arizagak. Atxilotua askaturik, manifestazioa egin dute Baionako karriketan gaindi.
Goizean pentsio erreformaren kontrako manifestazioan atxilotu @LAB_ieh - ko kidea atera da Baionako komisaldegitik, epailearen aitzinetik pasa beharko du ondoko egunetan. Sostengu elkarretaratzea manifestazio bihurtu dute. @argia pic.twitter.com/3k8iODCFQU
— Jenofa_B (@Jenofa_B) December 19, 2019
Tren gidaria da Arizaga eta abenduak 5az geroztik dabil greban erreformaren aurka. Borroka hau irabazteko "presioa" eta "mobilizazioak" areagotu behar direla dio.
Euskal Herriko Pentsiodunen Mugimenduak bertso lehiaketa berezia jarri du martxan: "Bertsopentsiotan". "Ari garela, ari garela, astelehenero kalean" gaiari bertsoak jartzeko urtarrilaren 15a arte (astelehena) dute epea 60 urtetik gorako Euskal Herriko eta... [+]
1080€ Orain ekimenak, prentsaurreko bidez, larunbatean 17:30ean Baluarte plazatik abiatuko den manifestazioan parte hartzeko deia luzatu du. Eta gainera, dei berezia egin nahi izan diete nafar emakumeei, "pentsioetan ematen den genero arrakala ukaezina delako eta... [+]
Nafarroan 51.000 pertsona dira 1.080 eurotik beherako pentsioa dutenak. Horietatik %66 emakumeak dira. Nafarroako Gobernuak ardura har dezala eta gutxieneko pentsioak ziurta ditzala eskatzen ari dira.
Milaka pentsionista atera dira kalera astelehenean, txistulariekin eta konpartsekin batera, Bilboko Aste Nagusiaren oihartzuna aprobetxatuz. Hainbat erreibindikazio egin dituzte, hala nola 1.080 euroko gutxieneko pentsioa.
Espainiako Enpresarien Zirkuluak dio pentsioen sistema publikoak "bost urte barru" kiebra ez jotzeko modua dela 68 eta 72 urte artera luzatzea erretiro adina. AEBetan eta beste zenbait tokitan eskuin muturrak darabilen diskurtso bera erabili du lobby honek.