Lesbianei ugalketa bermatzeak "antolakuntza arazoak" dakartzala esan zuen goi karguak dimititu du

  • Ricardo Ezkurrak abortuaren dekretuaren "formekin" iritzi kontrajarria daukala adierazi du, ez ordea "edukiarekin". UPNren garaian izendatutako azken karguetako bat da Ricardo Ezkurra.

Artikulu hau CC BY-SA 3.0 lizentziari esker ekarri dugu.

2016ko abenduaren 13an - 10:35
Abortatzeko eskubidearen aldeko manifestazioa. (Arg.: ekinklik.org)

Sei zuzendaritza berri izendatuko ditu Nafarroako Gobernuak Nafarroako Ospitale Gunerakoa, merituetan oinarrituta: Traumatologia, Neumologia, Oftalmologia, Neurozirugia, Sexu Osasuna eta Ginekologia dira bururik gabe geratuko diren arloak. Hain justu, azkenekoan aritu izan da orain arte Ricardo Ezkurra orain arte, Ginekologian; dimisioa aurkeztu berri du, haren hitzen bueltan polemika egon da eta, nolanahi ere Nafarroako Gobernuak, hark dimisioa aurkeztu gabe ere, kargutik kentzeko asmoa azaldua zuen –zuzendaritza kargu deialdi berrira aurkez daiteke, orain–.

Sexu osasun dekretua martxan jarri ahal izateko

Sexu Osasunari lotutako hitzarmenean bildutako puntuak garatu ahal izateko azkartu ditu Osasun Sailak hainbat karguren kargugabetzea. Ezkurraren gisan, Sexu eta Ugalketa Osasun Zentroetako buru Orlando Liberalek ere dimititu egin du, makina bat gairekin ados ez dagoela esanez, esaterako, inseminazioa edota transexualei eman nahi zaien arretarekin.

Abortua eta lesbianak, arazotzat

UPN gobernutik kentzeko hiru hilabete eskas falta zirenean izendatu zuten erregionalistek Ricardo Ezkurra Osasunbideko Ginekologia buru.

Irailaren 13an, Sexu Ugalketa Osasunerako Foru Dekretua Nafarroako Parlamentuan azaltzeko agerraldia egin zuen, baita argi utzi ere UPNren tesiekin bat egiten duela, batez ere bi gaitan: bat, lesbiana bikoteentzat eta bikoterik ez dutenentzat ugalketa bermatzeak "antolakuntza arazo ugari" dakartzala esan du; eta bi, abortua sare publikoan txertatzea "zaila" izanen delakoan dago, "mediku asko" kontzientzia eragozleak direlako.

Hain justu, horixe bera zen UPNk lehengo agintaldian ziona, eta, egun, batere aldaketarik gabe mantentzen duena. "Baten batek pentsa dezake hau esateak dekretua ezartzeko oztopoak jartzea dela; ezta pentsatu ere", esan zuen Ezkurrak. Gobernuari "errealitatea" zein den azaltzeko betebeharra daukala azpimarratu zuen, halaber, "hori txarra edo ona izanda ere".

Albiste hau Euskalerria Irratiak argitaratu du eta CC-by-sa lizentziari esker ekarri dugu ARGIAra


Kanal honetatik interesatuko zaizu: Osasunbidea
Euskal ospitaletan elikadura sistema iraunkorrak garatzeko txinpartaren bila

Kontratazio publikoa tresna baliotsua da erakunde publikoen berrikuntza-politikarako. Elikagai jasangarrien erosketa publikoak egungo ekoizpen- eta kontsumo-ereduak aldatzeko gaitasuna du. Ospitaleak ere funtsezkoak dira horretan. Renascence ikerketak osasun-zerbitzuetan... [+]


Lehen Mailako Arreta, "kolapsora" bidean

Nafarroako Osasun Plataformak salatu du osasun sistema publikoa gainbeheran dagoela eta pribatizatzen ari dela.


Larrialdiak: itxaronaldi luzeak, baina arreta ona

Jendez lepo egoten direnez larrialdiak, lau ordu inguruko itxaronaldiak daude “larrialdi gutxiko” egoeretan.


Umetoki lepoko minbizia garaiz hautemateko auto-harraldia sustatzen ari da Osasunbidea

Urtarriletik hona ia 13.500 pertsonek egin dute proba Nafarroan, eta proba egin dutenen %95ak etxean egin du.


2023-09-26 | Leire Artola Arin
Osasun sistema publikoaren defentsan manifestatzera deitu dute azaroaren 11n

Bilbon, Donostian eta Gasteizen egingo dituzte mobilizazioak osasungintza publikoaren aldeko herri plataformek. Salatu dute itxaron zerrendak murrizteko jendea klinika pribatuetara bideratzea “negozio biribila” dela gobernuentzat, pribatizazioa bultzatzen ari... [+]


Eguneraketa berriak daude