Lekukoen arabera poliziaren furgoiak harrapatu zuen Iruñean ospitalean dagoen neska gaztea
Neska gazteak Nafarroako Ospitalean jarraitzen du ostiralean izandako zaurien ondorioz, eta haren familiak jakinarazi du Espainiako Poliziaren aurkako salaketa jarriko duela. Lekukoen arabera, poliziaren furgoi batek harrapatu zuen.
Gertaerak ostiral gauen izan ziren, Iruñeko Alde Zaharrean karnabalak ospatzen ari zirela. Lekukoen arabera, 21:00ak aldera Espainiako Poliziaren bi furgoi eta auto bat abiadura handiz heldu ziren Iruñeko Kale Berritik. San Frantzisko Plazara iritsi eta ezkerretara egin zuten plaza eskolaren atariaren aurretik zeharkatuz, gero berriz ezkerrera jo, San Frantzisko kalea hartu eta abiadura handian Kale Nagusirantz zuzenduz.
Kale horretan egin zuen topo Alde Zaharreko inauterietako desfilearekin. Jende ugari hasi zen korrika beldurtuta, horietako bat poliziaren furgoi batek harrapatutako 14 urteko neska gaztea. Inguruan ziren lekuko ugarien arabera, furgoiak harrapatu egin zuen eta neska lurretik altxa eta furgoira sartu zuten molde txarrez. Lekukoek eskatu zieten ez lurretik altxatzeko eta anbulantziari dei egiteko, halako istripu baten ondorioz zauritua ez dela mugitu behar argudiatuz, baina poliziek ez zieten kasurik egin eta General Chinchilla kaleko komisariara eraman zuten.
Gauez, gazte ugari hurbildu ziren polizi-etxearen aurrera izandako jarreragatik kontu eske eta polizia eta herritarren arteko istiluak izan ziren Alde Zaharreko kaleetan. Hurrengo egunean, halaber, Alde Zaharreko Jai Batzordeak deituta, bilkura izan zen Iruñeko Udaletxe Plazan Espainiako Poliziaren partehartzea salatzeko eta gaztearen familiari elkartasuna adierazteko.
Apustu etxe baten aurkako erasoa
Poliziaren bertsioan –Diario de Navarra-k argitaratutakoaren arabera–, arratsalde horretan dei bat jaso zuten Estafeta kaleko RETAbet joko aretotik, mozorrotutako jendea bertara sartu zela eta lokalari eraso egin ziotela salatuz. Polizia mozorrotutako horiek identifikatzera sartu omen zen kalejirara eta ukatu egin du neska harrapatu zuenik. Haien esanetan, lurrean zegoen eta altxatu egin zuten, komisariara eraman eta handik anbulantzia deitu zuten, ospitalean arta zezaten.
Neska gazteak ospitalean jarraitzen du mokorreko fisura batekin. Alde Zaharreko Jai Batzordeak poliziaren jarrera salatu du, abiadura horretan parte hartzean jende asko jarri zutelako arriskuan. EH Bilduk ere iragarri du Espainiako Kongresuan azalpenak eskatuko dizkiola Espainiako Barne ministroari.
UPNk salatu du Nafarroan eskuin muturreko taldeen eta Poliziaren indarkeria aztertzen duen batzordeak ia edonor hartzen duela biktima gisa. María Chivite lehendakariak erantzun dio Poliziak egindako abusuen salaketak asko izan direla eta denboran hainbat garaitan... [+]
Polizia jarduera arrazistak dira araua Bilbon. Manteroei salgaiak konfiskatzen dizkiete, dirua eta objektu pertsonalak kentzen dizkiete, tratu txarrak ematen dizkiete eta mespretxatu egiten dituzte, indarkeriazko murrizketekin, identifikazioekin eta atxiloketekin.
Bi aste barru hasiko diren hiriko jaietan txosna jartzen utzi ez dietela salatzeko kanpaldia egin nahi zuten Gasteizko GKSk eta Etxebizitza Sindikatu Sozialistak, Andre Maria Zuriaren plazan. 20:30ak aldera, ertzainak oldartu egin dira kanpaldian zeudenen aurka, eta bi... [+]
“Badirudi memoria kolektibotik ezabatu nahi dutela hiriak bizi izan duen polizia-indarkeria arrazistaren ekintzarik latzena”, salatu dute. Bestalde, azken boladako diskurtso eta eraso arrazisten gorakadaren aurrean, elkarretaratzea deitu dute Irun eta Donostiako... [+]
Arrazekeriaren aurkako eragilearen arabera, pertsona baten aurka piperbeltz espraia erabili du Poliziak, eta hainbat lagun identifikatu dituzte. Foruzaingoak eta Udaltzaingoak baieztatu dute pertsona bat atxilotu dutela, "ez laguntzeagatik eta aurre egiteagatik".
Kasuan "inpunitatea gailendu ez dadin" egingo du lan, "Poliziaren berezko izaera salatzearekin batera". Hiru aldarri zehatz egin ditu: foam balak eta jaurtigaiak debekatzea, polizien identifikagarritasuna bermatzea, eta brigada mugikorraren desegitea.
17 urteko gazteari tiro egin zion Frantziako poliziak bere nahia bete du, eta Ipar Euskal Herrira ekarri dute lanera. Polizia gehiegikeriaren ondorioz hildako Merzouken kasuak mobilizazio eta protesta ugari eragin zituen Frantziako Estatuan.
Apirilean gertatu zen, Etxarri II gaztetxearen desalojoan, eta tiroaren ondorioz barrabila galdu zuen Iker Aranak. Aranak berak emandako materialetik identifikatu dute ertzaina.
Rosa Zarraren hilketaren 30. urteurrena da ekainaren 30ean. Ekainaren 29an, biolentzia polizialaren biktimaren omenaldian, hainbat eskakizun egin zituen Egiari Zor fundazioak. Zarraren familiak Juan Mari Atutxa Segurtasun sailburu ohiari barkamena eskatzea galdegin dio.
Hernaniko Txosna Batzordeak azaldu duenez, gutxienez hiru eraso arrazista izan ziren herrian ekainaren 23ko gauean, eta horren harira zabaldutako “bulo eta gezur arrazistak” salatu ditu. Udalak ere adierazpen instituzionala onartu du gertaturikoa gaitzesteko. Amher... [+]
Lagun marika batek deitu dit galdetzeko nola salatu dezakeen hurrengoa: joan zen Akarlandara, EHUren parean dagoen parkera, eta komun publikoetan bi tiporekin zegoela, udaltzainen bizpahiru kotxe agertu ziren super azkar, poliziak sartu ziren komunera borrekin hormak kolpatzen,... [+]
‘Sanfermines de 1978. Los victimarios’ liburua kaleratuko du Txalaparta argitaletxeak. German Rodriguezen heriotzaren erantzule eta arduradunak biltzen ditu.
Bilboko hooligan inbasioari buruz idatz nezakeen, baina herri txiki batean bizi naiz ni eta ez dut sufritu. Euskaraldiari buruz idatz nezakeen, eskerrak emateko euskarari bizkarra ez ematen lagundu gaituzuenoi, baina ez da hori gorputzak eskatzen didana.
Egunak daramatzat gai... [+]
2023ko abuztuan, Bilboko Kale Nagusian, saltzaile ibiltari baten defentsan Poliziari aurre egin zion emakumeari hiru urteko espetxe zigorra eskatzen dio udaltzain batek. Bideo batek Poliziaren kontakizuna ezbaian jartzen du.
Ertzain talde bat bi gazte jipoitzen ileapaindegi batean. Lokal barrura sartu dituzte, San Frantzisko kaleko segurtasun kamerek polizia gehiegikeriak filmatu ez ditzaten, baina seguruenik ez zuten espero negozio horrek ere segurtasun kamera zuenik. Bilboko Kontseilu... [+]